Մշակույթի նախարարություն

Վահե Բուդումյանն ազատվել է զբաղեցրած պաշտոնից

49
Փոխնախարարը հայտնել է, որ բոլոր հաստատված, ընթացիկ ծրագրերն ուժի մեջ են և չեն կարող կասեցվել։

ԵՐԵՎԱՆ, 13 մայիսի — Sputnik. ՀՀ մշակույթի փոխնախարար Վահե Բուդումյանն ազատվել է զբաղեցրած պաշտոնից։ Այս մասին Բուդումյանը գրել է Facebook–ի իր էջում։

«Վարչապետի որոշմամբ ազատվել եմ նախարարի տեղակալի պաշտոնից։ Ինչու՞ եմ ազատվել. հաշվի առնելով, որ մշակույթի նախարարության Կրթության և գիտության նախարարությանը միավորվելու համատեքստում իմ թեկնածությունը չի դիտարկվում նախարարի տեղակալի համար, ազատման դիմում եմ ներկայացրել, որը հաստատվել է»,–գրել է նա։

Իսկ թե ով է լինելու իր փոխարեն` Բուդումյանը չի կարող ասել, սակայն հույս ունի, որ նա, ում կվստահվի գրահրատարակչության, գրադարանների և մամուլի ոլորտների համակարգումը, լիարժեքորեն և արդյունավետ կերպով կիրականացնի նախարարության քաղաքականությունը։ Փոխնախարարը հայտնել է նաև, որ բոլոր հաստատված, ընթացիկ ծրագրերն ուժի մեջ են և չեն կարող կասեցվել։ Ամեն դեպքում` դրանք, ըստ նրա, կարող են և պետք է վերանայվեն՝ հաշվի առնելով տարեվերջյան արդյունքները։

Փոխնախարարը, այնուամենայնիվ, տեղեկացրել է, որ բոլոր հաստատված, ընթացիկ ծրագրերն ուժի մեջ են և չեն կարող կասեցվել։

Հիշեցնենք` նոր օրենքով ՀՀ կառավարությունը կազմված է լինելու հետևյալ նախարարություններից` Արտաքին գործերի նախարարություն, Պաշտպանության նախարարություն, Արտակարգ իրավիճակների նախարարություն, Արդարադատության նախարարություն, Աշխատանքի և սոցիալական հարցերի նախարարություն, Կրթության, գիտության և մշակույթի նախարարություն, Բնապահպանության նախարարություն, Առողջապահության նախարարություն, Ֆինանսների նախարարություն, Էկոնոմիկայի նախարարություն, Տարածքային կառավարման և ենթակառուցվածքների նախարարություն, Բարձր տեխնոլոգիական արդյունաբերության նախարարություն:

Սփյուռքի նախարարության փոխարեն այսուհետ կստեղծվի Սփյուռքի գործերի գլխավոր հանձնակատարի պաշտոն վարչապետի աշխատակազմում:

49
թեգերը:
«Թավշյա հեղափոխություն», Նիկոլ Փաշինյան, ՀՀ մշակույթի նախարարություն
Ըստ թեմայի
«Ինչ ասել եմ` ուժի մեջ է». Փաշինյանը կհանդիպի օպերայի թատրոնի աշխատակիցների հետ
Խորհրդարանը հաստատեց կառավարության նոր կառուցվածքի մասին օրինագիծը
Բիզնե՞ս, բարեգործությու՞ն, թե՞ զբոսաշրջության խթան. Ամբերդի խնդիրը
Հին տաշտակի առաջ. ՊՆ–ն հրաժարվեց Մոսկովյան 5–ի տարածքը տրամադրել Մնջախաղի թատրոնին