Նորակառույց

Թոշակի անցած զինծառայողներուն պետութիւնը բնակարան գնելու գումար կու տայ

75
(Թարմացված է 18:40 10.05.2019)
Մարզերու մէջ զինծառայողներու բնակարանային խնդիրը կը լուծուի, Երեւանի մէջ կառավարութիւնը միայն որոշակի լուծման տարբերակ կ’առաջարկէ:

ԵՐԵՒԱՆ, 10 մայիսի — Sputnik. Տարիքի ու առողջական վիճակի պատճառով զինուորական ծառայութենէն ազատուած զինծառայողներուն բնակարանի ապահովման նպատակով պետութիւնն անհատոյց կը տրամադրէ 5.7 մլր դրամ: Այս մասին կառավարութեան նիստին յայտնեց ՀՀ պաշտպանութեան նախարար Դաւիթ Տոնոյեան:

Որոշման համաձայն` Երեւանի մէջ բնակարան գնելու համար կը տրամադրուի բազմաբնակարան շէնքներու բնակարաններու շուկայական արժէքի 50 տոկոսի չափով գումար, հանրապետութեան այլ քաղաքներուն մէջ` միջին արժէքի հաշուարկով, իսկ գիւղերուն` 90 տոկոսի:

Ի դէպ` առաջին հերթին բնակարան գնելու գումար կը ստանան սահմանամերձ բնակավայրերու, ապա մարզերու եւ միայն երրորդ փուլով` Երեւանի զինծառայողները:

«Մարզերուն մէջ այս գումարը հնարաւորութիւն կու տայ 100 տոկոսով կարիքները բաւարարելու»,– ըսաւ Փաշինեան` նշելով, որ նման եզրակացութեան  յանգած է կալուածագիրի կոմիտէէն ստացած տեղեկանքն ուսումնասիրելով ու բնակարաններու արժէքներուն ծանօթանալով:

«Մարզերուն մէջ մենք խնդիրը կը լուծենք, Երեւանի մէջ ալ կ’առաջարկենք տարբերակ: Ժողովուրդ ջան, եթէ այդ տարբերակը  ձեռնտու է ձեզի, խնդրեմ, օգտուէք»– ըսաւ Փաշինեան:

Դաւիթ Տոնոյեան  չբացառեց, որ եթէ մարզերուն մէջ պահանջարկն ապահովելէ ետք  գումար աւելնայ, Երեւանի համար նախատեսուած տոկոսադրոյքը կը վերանայուի:

75
թեգերը:
ՀՀ Պաշտպանության նախարարություն (ՊՆ)
թեմա:
Sputnik Արմենիան` արևմտահայերենով (229)
Ըստ թեմայի
Ներդրողները խոստացած են 4000 նոր աշխատատեղ եւ 255 մլր դրամի ներդրում. Փաշինեան
Մահէս վերջ պատրաստ եմ օրկաններս տրամադրելու մէկուն, որ ատոր կարիքը կ'ունենայ. Թորոսեան
ԱՄՆ քոնկրէսականներ Թրամփին Հայոց ցեղասպանութիւնը ճանչնալու կոչ ուղղած են
Հենրիխ Մխիթարեան թերեւս վերադառնայ Տորտմունտ «Պորուսիա»
«Ես յաճախ հայկական ուժը կ’օգտագործեմ»․ ինչպէս մոսկուացին զարմացուցած է Փաշինեանը