Մեծ Հայրենականի վետերան Հուսիկ Փանոսյանը

Երկարակեցության գաղտնիքը բացահայտել է Մեծ Հայրենականի 101–ամյա վետերանը

209
Մեծ հայրենական պատերազմի վետերան Հուսիկ Փանոսյանն այն մարդկանցից է, որոնք մասնակցել են Ստալինգրադի ճակատամարտին ու անցել ամբողջ պատերազմը: 101–ամյա պապը հյուրընկալել է Sputnik Արմենիայի թղթակիցներին իր գրասենյակում ու պատմել, թե ինչպես է ամենը եղել:

Լաուրա Սարգսյան, Sputnik Արմենիա

Արտաշատ հասանք պայմանավորվածից տասը րոպե շուտ: Մեծ Հայրենականի վետերան Հուսիկ Փանոսյանը հանդիպումը նշանակել էր առավոտյան ժամը 10:00-ին՝ Արտաշատի վետերանների խորհրդի գրասենյակում, որը քաղաքապետարանի շենքում է:

Մուտքի մոտ մի քանի տղամարդ կար` քաղաքապետարանի աշխատակիցներն էին: Նրանցից մեկը հարցրեց՝ արդյո՞ք Հուսիկ Փանոսյանին ենք փնտրում ու ասաց, որ նա արդեն տեղում է ու մեզ է սպասում:

Լազուրագույն աչքերով ու կապույտ կոստյումով մի պապի մեզ դիմավորեց գրասենյակի շեմին: Կերպարը լրացնում էին բազմաթիվ մեդալներն ու շքանշանները: Իսկ աշխատասենյակի պատերին փակցված էին Մեծ հայրենականի, Արցախի ազատամարտի ու ապրիլյան պատերազմի հերոսների լուսանկարներ:

-Ինչպե՞ս եք:

-Պատրաստ եմ աշխատանքի ու պաշտպանությանը, – կատակով պատասխանեց վետերանը (ГТО – ՊԱՊ՝ ԽՍՀՄ տարիների հապավումը և կարգախոսն է կրկնել Հուսիկ Փանոսյանը, կային վազքի, նռնակ նետելու, հրաձգության ՊԱՊ նվազագույն նորմաներ, որոնք պարտավոր էր լրացնել խորհրդային յուրաքանչյուր դպրոցական-խմբ.):

Հուսիկ Փանոսյանը ժամացույցին նայեց, ու մենք սկսեցինք զրուցել: Վետերանին շատ հագեցած օր էր սպասում. պետք է հասցներ  միանգամից երկու միջոցառման մասնակցել, որտեղ նաև ելույթներ պետք է ունենար:

Հուսիկ պապը սկսեց պատմել. նա բանաստեղծություններ էր արտասանում, իր ելույթներից մեջբերումներ անում, պատերազմական պատմություններ վերհիշում: Ամեն ինչ տեսած այս 101-ամյա ծերունու եռանդը, սերն ու կյանքի ձգտումը ապշեցուցիչ են:

«27 միլիոն մարդ իրենց կյանքն են տվել Հայրենիքի, հաղթանակի համար. 27 միլիոնը հավերժ երիտասարդ են մնացել` չտեսնելով կյանքի քաղցրությունը,  27 միլիոն մայրեր սպասում էին իրենց որդիներին...»:

Փանոսյանը ծանր հոգոցով ընդհատում է իր պատմությունը: Մի կողմ է նայում` թաքցնելով մեզանից արցունքոտված աչքերը: Մի քանի վայրկյան անց նա շարունակում է իր խոսքը, ապա նշում Մեծ Հայրենականի հերոսներին ու միայն վերջնում համեստորեն ավելացնում. «Իսկ հիմա երկու խոսք իմ մասին»:

Ինչ երիտասարդ էինք...

Պապը չգիտի, թե որ ամսին է ծնվել, միայն գիտի, որ դա 1918 թվականին է եղել: Նա ավարտել է Ադլերի թիվ 3 դպրոցը, ու լավ գնահատականների համար նրան առաջարկել են տնօրեն դառնալ, քանի որ այն տարիներին լավ կադրերի պակաս կար: Վեց ամիս է աշխատել այդ պաշտոնում: Սկսվել է խորհրդա–ֆիննական պատերազմը, նրան բանակ են զորակոչել:

Մեծ հայրենական պատերազմի մեկնարկից կարճ ժամանակ անց, 1941 թվականի հուլիսի 10-ից սկսած, Փանոսյանը հազարավոր այլ մարտիկների հետ դիմագրավեց թշնամուն՝ Սմոլենսկում:

«Այսօրվա պես հիշում եմ: Դաշտում  մարզումներ էինք անցնում: Մեզ շտապ հավաքեցին զորամասում: Միացրեցին ռադիոընդունիչն, ու ձայնն ասաց. ուշադրություն, ուշադրություն, Մոսկվան է խոսում: Խոսքը փոխանցվում է ԽՍՀՄ Ժողովրդական կոմիսարների խորհրդի նախագահ Վյաչեսլավ Մոլոտովին», – պատերազմի մեկնարկի մասին հիշում է Փանոսյանը:

Մոլոտովը հայտնեց, որ պատերազմ է սկսվել: Գեներալների, հրամանատարների սպաների դեմքերը միանգամից փոխվեցին... Նրանք արդեն մի պատերազմ տեսել էին: Հունիսի 23-ի վաղ առավոտյան Փանոսյանին ու նրա զինակիցներին Ստավրոպոլի կայարանի կառամատույցից ապրանքատար վագոններով Սմոլենսկ ուղարկեցին:

Չորս տարվա ընթացքում Փանոսյանը վեց անդամ վիրավորվել է: Մեր հերոսը մարտնչել է Սմոլենսկի, Մոսկվայի, Ստալինգրադի, Օրյոլի, Կուրսկի ճակատամարտերում: Առաջին վիրավորումը ստացել է 1941 թվականին:

«Պատերազմն առանց վիրավումների չի լինում: Հանկարծակի ամեն ինչ պայթում է, կրակում են: 1941 թվականն էր, ես ջոկատի հրամանատար էի: Թշնամու տանկերը մեզ վրա էին գալիս, ստիպված էինք դրանց անզեն դիմավորել: Շուրջը սոլյարայուղի շշեր էին գցած: Մենք այրում էինք դրանք ու տանկերի վրա գցում: Այդպես էլ առաջին անգամ վիրավորվեցի», – ասաց Փանոսյանը:

Նրան ու բոլոր զինվորներին հետագայում «Հայրենական պատերազմի» երկրորդ աստիճանի շքանշաններով պարգևատրեցին:

Աղյուսներով էին տաքանում

Ստալինգրադի ճակատամարտն առանձնակի դաժան էր: Գերմանացիները գաղտնի խոսում էին, որ խորհրդային ժողովրդի մեջ ապրում է մի չար ոգի, որը թույլ չի տա նրանց տուն վերադառնալ:

«Այն ժամանակ մեզ թվում էր, որ եղանակը մտածած մեզ հետ չար կատակ է անում: Շատ ցուրտ էր՝ 35 աստիճան սառնամանիք: Մենք նույնիսկ գիշերը չէինք կարողանում հանգստանալ: Ամեն վայրկյան զգոն էինք ու հսկողություն էինք իրականացնում»,- վերհիշում է Փանոսյանն այն օրերը:

Հիշում է` ինչպես մի անգամ մարշալ Ժուկովն եկավ իրենց մուտ ու զարմացած հարցրեց` ինչու է նրանց փոքրիկ սենյակում այդքան տաք: Գաղտնիքը պարզ էր. զինվորները աղյուսներ էին վերցնում, վրան սոլյարայուղ կամ բենզին  էին լցնում ու այրում էին. «Աղյուսը երկար է պահում տաքությունը, այդպես էլ տաքանում էինք»,-բացատրում է վետերանը,- Սնվում էինք ինչպես պատահի, հաճախ մոռանում էինք ուտելիքի մասին, որտեղ ու ինչպես պատահի`ոտքի վրա, նստած քնում էինք: Ամենադաժան մարտերի թեժ պահերին չէինք զգում ո՛չ սով, ո՛չ էլ ցուրտ: Երբ ամեն ինչ շատ վատ էր, ձի էինք ուտում:

Մենք գիտեինք, որ մահը մերն է, մենք էլ՝ մահինը: Մեզ փրկում էր այն, որ մեկ ընտանիքի պես էինք ապրում ու գիտեինք, որ մարտական ընկերոջ կյանքը ամենից վեր է», - ասաց Փանոսյանը:

Իսկ վերջին անգամ վիրավորվել է 1944 թվականին, Բրեստի մատույցներում…

«Անկեղծ եմ ասում`ծանոթ-անծանոթ երջանկությունից գրկում էին միմյանց: Պատերազմն ավարտվել էր, շուրջը բոլորը բացականչում էին՝ «Հաղթանա՜կ», - հիշում է Հուսիկ պապն ու մեկ ժամվա ընթացքում երկրորդ անգամ դադար առնում:

Նա նորից շեղեց հայացքը, շրթունքը դողաց, աչքերն արցունքոտվեցին:

Միայն Հաղթանակով տուն կվերադառնանք

«Միայն Հաղթանակով տուն կվերադառնանք». Այս կարգախոսն օգնել է Փանոսյանին՝ պատերազմի մսաղացում: Հետո նա ուսուցիչ է աշխատել, ավարտել է ֆիզիկայի ինստիտուտը: Ամուսնացել է, բազում թոռներ ու ծոռներ ունի:

Փանոսյանը բացահայտել է երկարակեցության գաղտնիքը. պետք է ամեն օր մարզվել:

«Ես 30 տարվա ընթացքում ամեն օր 7 կիլոմետր քայլում էի: Իսկ դուք ի՞նչ եք անում. աշխատանքի եք գնում, նստում եք, հոգնած տուն եք գալիս, քնում եք ու այդպես շարունակ», – բողոքում է  Փանոսյանը:

Չնայած տարիքին` նա հիմա էլ չի մոռանում սպորտի մասին:

Ամեն առավոտ թոռների հետ 15 րոպե վարժություններ է անում:

Վերջին հարցս մեդալների, շքանշանների մասին էր: Նա ասած, որ 35 պետական պարգև ունի. երևի մեկ օրը բավարար չէ՝ բոլորի մասին պատմելու համար:

Այդ նոտայի վրա էլ հրաժեշտ տվեցինք, սելֆի արեցինք, վերցրեցի ուսապարկս ու արդեն դուրս էի գալիս, բայց պապն ինձ շեմից հետ կանչեց:

Նա չորս հատ մեծ խնձոր տվեց` ձեռքի տակ ուրիշ բան չկար, ու ասաց, որ չկորեմ:

209
թեգերը:
Հայաստան, ԽՍՀՄ, Հայրենական մեծ պատերազմ
Ըստ թեմայի
Ծաղիկներ ու երթ. ինչպես Հաղթանակի տոնը նշվեց Հաղթանակի զբոսայգում. տեսանյութ
Շնորհավոր Մայիսի 9-ը, շնորհավոր Եռատոնը
Ռուսաստանը կանի ամեն ինչ, որպեսզի ապահովի երկրի ռազմական ներուժը. Պուտին
Հայկ Մարությանի պապի հետաքրքիր պատմությունը. Աստվածաշունչն է փրկել նրան
ՀՀ նախագահն ասաց` ինչու Մայիսի 9–ը Արցախում չի անցկացնում
Տիգրան Ավինյան, արխիվային լուսանկար

Որոշ լաբորատորիաներում կարգելվեն ՊՇՌ մեթոդով հետազոտությունները. ՀՀ պարետի նոր որոշումը

36
(Թարմացված է 00:43 03.06.2020)
Պոլիմերազային շղթայական ռեակցիայի մեթոդով լաբորատոր հետազոտությունների իրականացումը չի թույլատրվում բոլոր այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության պատշաճ համակարգ

ԵՐԵՎԱՆ, 3 հունիսի - Sputnik. ՀՀ պարետ Տիգրան Ավինյանը նոր որոշում է հրապարակել, որով ՀՀ-ում արգելվում են պոլիմերազային շղթայական ռեակցիայի (ՊՇՌ) մեթոդով լաբորատոր հետազոտությունները այն լաբորատորիաներում, որոնք չունեն տեխնիկական բավարար հագեցվածություն։ Տեղեկությունը հայտնում է ՀՀ կառավարության կայքը:

«ՀՀ ողջ տարածքում արգելվում է կորոնավիրուսային հիվանդության (COVID-19) ախտորոշման նպատակով պոլիմերազային շղթայական ռեակցիայի (այսուհետ՝ ՊՇՌ) մեթոդով լաբորատոր հետազոտությունների իրականացումն այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության/կենսապահովության (այսուհետ՝ կենսանվտանգություն) պատշաճ համակարգ»,- նշված է հաղորդագրության մեջ:

Նոր որոշմամբ սահմանվում է, որ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության չափորոշիչներն ու պահանջները սահմանվում են Առողջապահության նախարարի հրամանով և ՊՇՌ մեթոդով լաբորատոր հետազոտություններ իրականացնելու համար բժշկական կազմակերպությունները և լաբորատորիաները պետք է դիմեն Առողջապահության նախարարություն՝ ներկայացնելով Առողջապահության նախարարի հրամանով սահմանված պահանջների ու չափորոշիչների վերաբերյալ տեղեկանք-հիմնավորում և անհրաժեշտ փաստաթղթեր:

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Ինչ վերաբերում է տեխնիկական հագեցվածության, մասնագետների թվի ու որակավորման, ինչպես նաև կենսաանվտանգության/կենսապահովության պահանջներին լաբորատորիաների համապատասխանությանը, ապա դա իրականացվում է Առողջապահության նախարարի հրամանով ձևավորված մասնագիտական խմբի կողմից տեղում կատարված դիտարկմամբ, որի արդյունքում կազմվում է մասնագիտական եզրակացություն:

ՊՇՌ մեթոդով լաբորատոր հետազոտություն իրականացնելու համար նմուշառում կատարող բժշկական կազմակերպությունները և լաբորատորիաները, ինչպես նաև՝ հետազոտությունն իրականացնող լաբորատորիաները պարտավոր են նմուշառման օրն ապահովել իրենց կողմից իրականացված բոլոր հետազոտությունների վերաբերյալ ամբողջական տեղեկության մուտքագրումը էլեկտրոնային առողջապահության «ԱՐՄԵԴ» համակարգ, իսկ արդյունքները՝ դրանք հայտնի դառնալուց հետո՝ 12 ժամվա ընթացքում։ Պարտադիր է հետազոտվող անձի հասանելի հեռախոսահամարի ճշգրիտ մուտքագրումը, որը հանդիսանում է միակ կոնտակտային հեռախոսահամարն արդյունքների մասին տեղեկացնելու և քաղաքացու հետ հետագա կապի ապահովման համար։

Դրական արդյունքների դեպքում լաբորատորիաները 12 ժամվա ընթացքում լրացնում և Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ են ներկայացնում շտապ հաղորդման քարտ։

Երևանի կենտրոնում փակվել են հանրային սննդի մի շարք հայտնի կետեր. տեսանյութ

ՊՇՌ հետազոտություններ իրականացնող լաբորատորիաներում հետազոտությունների որակի արտաքին հսկողությունն իրականացնում է Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ը. ընթացակարգային կանոնները սահմանվում են Առողջապահության նախարարի ցուցումով։

Իր վերջին որոշման մեջ ՀՀ պարետը Առողջապահության նախարար Արսեն Թորոսյանին հանձնարարել է 2-օրյա ժամկետում՝

  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաներին ներկայացվող տեխնիկական հագեցվածության, մասնագետների թվի և որակավորման, կենսաանվտանգության չափորոշիչների ու պահանջների վերաբերյալ հարցաշար և ապահովել դրա հրապարակումը նախարարության պաշտոնական կայքէջում:
  • Ձևավորել մասնագիտական խումբ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության՝ Առողջապահության նախարարի համապատասխան հրամանով սահմանված պահանջներին ու չափորոշիչներին համապատասխանությունը գնահատելու նպատակով:
  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաներում որակի արտաքին հսկողության իրականացման գործողությունների ստանդարտ ընթացակարգը (ԳՍԸ)։
  • Հաշվի առնելով մասնագիտական խմբի գնահատման եզրակացությունը՝ Առողջապահության նախարարի ցուցումով սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաների ցանկը և ապահովել հանրությանը պատշաճ իրազեկումը՝ ըստ անհրաժեշտության ապահովելով դրա պարբերական թարմացումը։

Որոշումն ուժի մեջ է մտնում հունիս 2-ին՝ ժամը 23:59-ից:

36
թեգերը:
թեստ, որոշում, Տիգրան Ավինյան, պարետ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Պարետի որոշմամբ Երևանի կենտրոնի խոշոր սուպերմարկետներից մեկը ժամանակավորապես չի գործի
932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է
Պարետը չի բացառում կարանտինային ռեժիմ սահմանելու հնարավորությունը
Պարետատունն ինքնամեկուսացման պայմաններում փոփոխություններ է կատարել

ԱՄՆ-ում անկարգությունների հետևանքով նաև հայերին պատկանող բիզնեսներ են տուժել

75
Կոլորադո քաղաքի Դենվեր քաղաքում նաև սև ներկով հայկական խաչքար է պղծվել, Կալիֆոռնիայում հայերին պատկանող մի քանի խանութներ են թալանվել։

ԵՐԵՎԱՆ, 2 հունիսի - Sputnik. ԱՄՆ-ում արդեն մի քանի օր է՝ չեն հանդարտվում փողոցային անկարգությունները։ Իրավիճակը լարված է նաև հայաշատ Կալիֆորնիայում։ Ըստ նախնական տեղեկությունների՝ անկարգությունների հետևանքով նաև հայերին պատկանող տասնյակ բիզնեսներ են տուժել։

Shantnews.am-ի հետ զրույցում Լոս Անջելեսում Հայաստանի գլխավոր հյուպատոս Արմեն Բայբուրդյանը նշել է, որ դեռևս փորձում են ամբողջացնել տեղեկությունը՝ հասկանալու համար, թե ԱՄՆ-ում տեղի ունեցող իրադարձություններից քանի հայ է տուժել։ Նա տեղեկացրեց, որ շաբաթ օրը Կալիֆոռնիայի նահանգապետի որոշմամբ՝ արտակարգ դրություն հայտարարվեց Լոս Անջելես քաղաքում և մարզում, որտեղ մոտ տասնհինգ միլիոն մարդ է ապրում։ Տարբեր քաղաքներում պարետային ժամը տարբեր է։ Օրինակ՝ Սանտա Մոնիկան բավականին շատ է տուժել անկարգությունների ժամանակ։

Լոս Անջելեսում Ազգային գվարդիայի մոտ հազար ծառայող է տեղակայվել: Նրանք հիմնականում պաշտպանում են քաղաքապետարանի շենքն ու ստրատեգիական կառույցները։

ԱՄՆ-ում ոստիկանները մի քանի անգամ կրակել են Sputnik-ի պրոդյուսերի վրա

«Գլենդելը, Բրբենքը, Հոլիվուդը, Փասադենան, որտեղ մեծ թվով հայություն կա, դրանցում հիմնականում խժդժություններ չեն եղել, առանձին դեպքեր են արձանագրվել»,- նշեց հյուպատոսը՝ հավելելով, որ այլ դեպքերի մասին տեղեկություններ են հավաքում։

Բայբուրդյանը տեղեկացրեց նաև, որ անկարգությունների ժամանակ պղծվել է Կոլորադո նահանգի Դենվեր քաղաքի կառավարական շենքի մոտ տեղադրված հայկական խաչքարը։ Այն տեղադրվել է ի հիշատակ Հայոց ցեղասպանության և մարդկության դեմ կատարված բոլոր հանցագործությունների զոհերի։ Խաչքարի վրա սև ներկով գրություններ են հայտնվել։

Բիզնեսներ ունեցող հայերը նաև իրենց խանութները, ռեստորանները պաշտպանելու լրացուցիչ միջոցներ են ձեռնարկում, մետաղյա ճաղավանդակներ են տեղադրում և այլն։

Հիշեցնենք` ամերիկյան քաղաքներում անկարգությունները սկսվեցին մայիսի 25-ից, երբ աֆրոամերիկացի Ջորջ Ֆլոյդը մահացավ ոստիկանական գործողությունների հետևանքով։
Զանգվածային անկարգությունների ֆոնին չորս ոստիկան ազատվել է աշխատանքից, ևս մեկը մեղադրվում է անզգուշությամբ մահ պատճառելու մեջ։ Մինեապոլիսում ու հարևան Սենթ Փոլում հանգստյան օրերին պարետաժամ է մտցվել։

Ինչու են Ռուսաստանին մեղադրում ԱՄՆ անկարգությունների մեջ. պարզաբանում է Կուբիշկինը

75
թեգերը:
խաչքար, բիզնես, Կալիֆոռնիա, հայ, Բողոքի ակցիա, ԱՄՆ
Ըստ թեմայի
Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա
Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ
«Իրականություն վերադարձեք». Զախարովան պատասխանել է ԱՄՆ նախագահի նախկին խորհրդականին
ԱՄՆ-ում ոստիկանները մի քանի անգամ կրակել են Sputnik-ի պրոդյուսերի վրա