ԵՐԵՎԱՆ, 8 մայիսի — Sputnik. Մեծ հաղթանակի մասին հիշատակը Հայաստանում սրբորեն հարգում են. մայիսի 9-ը դիմավորել  հայկական հողի վրա` առանձնակի պատիվ է։ Այս մասին այսօր Երևանում ՌԴ դեսպանատանը կազմակերպած ընդունելության ժամանակ հայտարարեց Հայաստանում Ռուսաստանի դեսպան Սերգեյ Կոպիրկինը:

© Sputnik / Aram Nersesyan

ՀՀ արտգործնախարար. հպարտության զգացումը ինձ փոխանցվել է պատերազմին մասնակցած պապիցս

«Մայիսի 9-ը համաժողովրդական, մեր ընդհանուր տոնն է։ Սա հիշատակում է նաև այն ահռելի բարձր գնի մասին, որ վճարեցին մեր ժողովուրդները խաղաղության համար։ Հայրենասիրությունը, սերը դեպի հայրենիքը, եղել են, կան և որոշիչ կլինեն մեր երկրների, մեր ժողովուրդների անվտանգության և բարեկեցության համար», – հայտարարեց դեսպանը։

Նրա կարծիքով` շատ կարևոր է թույլ չտալ վերածնունդն այն գաղափարներին, որոնք իրենց հետ բերեցին Երկրորդ աշխարհամարտի սարսափելի ողբերգությանը։ Այդ պատճառով պետք է ամուր և հետևողականորեն հակազդել պատմությունը կեղծելու կամ այն մոռացության մատնելու փորձերին, թույլ չտալ նվազեցնել ազատությունը սեփական կյանքի գնով նվաճած զինվորների սխրանքը, ընդգծեց Կոպիրկինը։

© Sputnik / Михаил Озерский

«Ավելի լավ է անոտ, քան անգլուխ». ովքեր են Մեծ հայրենականի հայ մարշալները

«Մենք միշտ կհիշենք այն մասին, որ հենց ԽՍՀՄ–ը, Խորհրդային Միության բոլոր ժողովուրդները, իրենց վրա վերցրեցին ամենաուժեղ հարվածները և որոշիչ դեր խաղացին նացիզմի ջախջախման հարցում։ Հենց խորհրդային զինվորն է անմահ սխրանք կատարել, որի մեծությունը դարեր շարունակ չի մարի։ Մենք գնահատում ենք այն դաշնակցային եղբայրությունը, որը միավորել է մեզ այն տարիներին հակահիտլերյան կոալիցիայի մյուս երկրների հետ», – հայտարարեց Ռուսաստանի դեսպանը։

Կոպիրկինը նշեց, որ հայ ժողովուրդը պատերազմին ավելի քան 600 հազար մարտիկ է տվել, ավելի քան 100 ԽՍՀՄ հերոս, 4 մարշալ և նավատորմի ծովակալ։ Պատերազմի և ընդհանուր մեծ սխրանքի մասին հիշատակը սրբորեն հարգում են այստեղ։ Ամբողջ երկրով կանգնեցված են հուշարձաններ, հուշահամալիրներ և թանգարաններ։ Նրա կարծիքով, սա երկրի ներկայիս կյանքում հայ ժողովրդի սխրագործության կենդանի արտացոլանքն է։

ԵՐԵՎԱՆ, 3 մարտի -Sputnik. ՌԴ ժամանող Հայաստանի քաղաքացիները խնդիրներ են ունեցել «Ճամփորդիր առանց COVID-19-ի» հավելվածը ներբեռնելու ժամանակ, այժմ հարցը լուծվում է ու տեխնիկական ասպեկտները շուտով կհարթվեն։ ՌԻԱ Նովոստիին տված հարցազրույցում տեղեկությունը հայտնել է սփյուռքի հարցերով գլխավոր հանձնակատար Զարեհ Սինանյանը:

© Sputnik / Aram Nersesyan

Ինչպես կանխել արտագաղթը, կամ իրավիճակի պատասխանը կգտնեք «Զվարթնոցում»

«Ճամփորդիր առանց COVID-19-ի» բջջային հավելվածը, որը ստեղծվել է համավարակի պայմաններում ԵԱՏՄ ներսում ինտեգրացիոն միավորման երկրների քաղաքացիների ազատ ու անվտանգ տեղաշարժի համար, գործարկվել է փետրվարին: Մարտի 1-ին ՌԴ կառավարությունը երկարաձգել է դրանով Ռուսաստան մուտք գործելու ժամկետը մինչև ապրիլի 1-ը։   

«Բայց տեխնիկական խնդիրներ կան։ Օրինակ` ես խնդիր ունեի՝ այն չի «նստել» հեռախոսիս վրա, ստիպված էի հենց այդ հավելվածի համար ուրիշ հեռախոս ճարել։ Հիմնականում խնդիրները Android օգտագործողների մոտ են: Մեր շատ հայրենակիցներ, որոնք համավարակի պատճառով չէին կարող մեկ տարվա ընթացքում մուտք գործել Ռուսաստան, հիմա ուզում են գալ, բայց նրանց մոտ նման խնդիրներ են առաջանում։ Բայց ինձ ասացին, որ դրանք ժամանակավոր տեխնիկական խնդիրներ են, ու ես վստահ եմ, որ դրանք շուտով կշտկվեն», - ասել է Սինանյանը։

«Զվարթնոցում» իրարանցում է. ովքեր և ինչ նպատակով են մեկնում Ռուսաստան. տեսանյութ

Նա ավելացրել է, որ հավելվածի գործարկումից հետո առաջին մի քանի օրերին շատերին կանգնեցրել են դեռ Երևանից մեկնելիս։

«Բայց հիմա իրավիճակը հարթվում է․․․Դրանք տեխնիկական խնդիրներ են», - ավելացել է սփյուռքի հարցերով գլխավոր հանձնակատարը։

Հիշեցնենք, որ հավելվածը գործարկվել է փետրվարի 1-ից։ Հայաստանի քաղաքացիներն իրավունք են ստացել Ռուսաստան մեկնել կորոնավիրուսային վարակի բացասական թեստի առկայության դեպքում: Սակայն ոմանք սկզբում բախվել են հավելվածի աշխատանքի խափանման հետ կապված մի շարք խնդիրների։ Արդյունքում նրանց արտաքսել են։

Թեստի պատասխանը համակարգը չի ճանաչել. «Զվարթնոցից» ՌԴ մեկնողները փաստի առաջ են կանգնել