Դավիթ Տոնոյան. ՀՀ Պաշտպանության նախարար

Կկարողանա՞ն թոշակառու սպաները Երևանում բնակարան գնել. պարզաբանում է պաշտպանության նախարարը

106
Պաշտոնաթող սպաներին գումար են հատկացնում բնակարան գնելու համար։ Ճիշտ է, Երևանի համար այդ գումարը բավարար չէ։ Այստեղ կարելի է նաև լրացուցիչ արտոնյալ հիփոթեքային վարկ առաջարկել, նկատեց պաշտպանության նախարարը։

ԵՐԵՎԱՆ, 8 մայիսի — Sputnik. ՀՀ ՊՆ–ն ֆինանսական աջակցություն կտրամադրի թոշակառու սպաներին բնակարան գնելու համար ինչպես մարզերում, այնպես էլ Երևանում։ Այս մասին այսօր ԱԺ–ում հարցուպատասխանի ժամանակ ասաց պաշտպանության նախարար Դավիթ Տոնոյանը։

2018 թվականին կառավարությունը 5.7 մլրդ դրամ էր հատկացրել պաշտոնաթող զինվորականների բնակարանային խնդիրների լուծման համար։  Այդ գումարով շուրջ թոշակի անցած 1200 սպա կկարողանա բնակարան ձեռք բերել։

«Ւմ քայլը» խմբակցության պատգամավոր Գևորգ Պապոյանը նշեց, որ այդ սպաներից 370-ը Երևանում են բնակվում։

«Եթե այդ մարդկանց միջինում 5-ական մլն դրամ են տրամադրում, ապա մարզերում այդ գումարով հնարավոր է բնակարան գնել, իսկ մայրաքաղաքում` հազիվ թե։ Այդ պատճառով, գուցե, կարելի՞ է նրանց համար արտոնյալ հիփոթեքային վարկ մշակել։ Օրինակ, այդ 5 մլն–ը նրանք կարող են օգտագործել նախնական վճարի համար, իսկ տոկոսադրույքը արտոնյալ սահմանել», – հայտարարեց նա։

Ի պատասխան նախարար Դավիթ Տոնոյանն ասաց, որ 370 սպաների ավելի քան կեսը դեռ մինչ այս որոշումը հնարավորություն ունեին բնակարան գնել կամ արդեն ստացել են։

«Եթե նրանք ուզում են այդ գումարը օգտագործել հիփոթեքի համար, խնդրեմ, խնդիր չկա։ Իսկ նրանց համար արտոնյալ հիփոթեք տրամադրելու  մեխանիզմները մենք կարող ենք քննարկել ԿԲ–ի հետ», – ասաց Տոնոյանը։

Առաջիկայում պետք է քննարկվի այդ հարցը։

106
թեգերը:
Կենտրոնական բանկ (ԿԲ), Հայաստան, ՀՀ Պաշտպանության նախարարություն (ՊՆ), Դավիթ Տոնոյան
Ըստ թեմայի
Դավիթ Տոնոյանը տեսակցել է հակառակորդի կրակոցներից վիրավորված զինծառայողին. լուսանկարներ
Տոնոյանն ու ԵԱՀԿ գործող նախագահի անձնական ներկայացուցիչը հանդիպել են
ՀԱՊԿ անդամ պետությունների պաշտպանության նախարարները պայմանագիր են ստորագրել
«Իմ անձնական կարծիքով`սխալ է». Տոնոյանը` Միքայել Հարությունյանի երկքաղաքացիության մասին
Երբ ԶՈւ–ում ինչ–որ թարախիկներ են լինում, բոլորն իմանում են. ՊՆ–ն` Մարտակերտի դեպքի մասին
ՀՀ անձնագիր

Ի՞նչ պետք է իմանան ՀՀ քաղաքացիները, որոնց անձնագրի վավերականության ժամկետը լրացել է

12
(Թարմացված է 13:13 07.07.2020)
Ավելի քան 20 օր է` անձնագրային և վիզաների վարչության ու ենթակա տարածքային, ինչպես և ճանապարհային ոստիկանության հաշվառման-քննական ստորաբաժանումները չեն գործում։

ԵՐԵՎԱՆ, 7 հուլիսի – Sputnik. ՀՀ քաղաքացիների անձը հաստատող փաստաթղթերը, որոնց վավերականության ժամկետը լրացել է արտակարգ դրության ժամանակ, վավեր կհամարվեն ՀՀ պարետի ցուցումով։ Տեղեկությունը հայտնում է ՀՀ ոստիկանության մամուլի ծառայությունը։

«Կորոնավիրուսով պայմանավորված արտակարգ դրության պայմաններում կիրառվող սահմանափակումների պատճառով, մարտի 16-ից մինչև արտակարգ դրության ավարտը ՀՀ քաղաքացիների անձը հաստատող փաստաթղթերի վավերականության ժամկետը լրանալու պարագայում՝ ՀՀ պարետի ցուցումով անձը հաստատող փաստաթղթերը կհամարվեն վավեր, սակայն ոչ ավելի՝ քան արտակարգ դրության ավարտից հետո 30-րդ օրը»,– նշված է հաղորդագրության մեջ։

Հիշեցնենք, որ հունիսի 15-ից անձնագրային և վիզաների վարչության ու ենթակա տարածքային, ինչպես և ճանապարհային ոստիկանության հաշվառման-քննական ստորաբաժանումները չեն գործում։ 

Հայաստանում մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երեկ ՀՀ վարչապետ Նիկոլ Փաշինյանը հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։

12
թեգերը:
Ոստիկանություն, անձնագիր, Հայաստան
Ըստ թեմայի
Առողջապահական համակարգը արտակարգ դրության ժամանակ կկառավարվի մեկ կենտրոնից
Արտակարգ դրություն 4. կյանքի ու առողջության իրավունքից մինչև հավաքներ անցկացնելու իրավունք
Ինչ է փոխել ՀՀ քաղաքացիների կյանքում արտակարգ դրությունը
Լաբորատորիա

ՀՀ–ում հակամարմինների թեստավորում կիրականացվի հետազոտման նպատակով. նախարար

23
(Թարմացված է 12:29 07.07.2020)
Արսեն Թորոսյանն անդրադարձավ Հայաստանում իրականացվող նոր` հակամարմինների թեստավորմանը։

ԵՐԵՎԱՆ, 7 հուլիսի – Sputnik. Կորոնավիրուսի ախտորոշման` հակամարմիններով թեստավորում բնակչության շրջանում կիրականացվի հետազոտական նպատակով, որպեսզի հասկանան կորոնավիրուսով վարակվածների մոտավոր տոկոսը: Այսօր հրավիրված ասուլիսի ժամանակ այս տեղեկությունը հայտնեց ՀՀ առողջապահության նախարար Արսեն Թորոսյանը` պատասխանելով հարցին, թե հակամարմինների թեստերը հասանելի՞ կլինեն նաև բնակչությամբ։

Ավելի վաղ հայտնել էինք, որ հունիսի 15-ից Հայաստանում անցկացվում է նոր հետազոտություն` հակամարմինների թեստեր են հանձնում, որոնց շնորհիվ հնարավոր է պարզել` մարդը երբևէ վարակվել է կորոնավիրուսով, թե ոչ։ Այժմ բուժաշխատողների շրջանում է նոր թեստավորումն իրականացվում, և 1000-1100 բուժաշխատող հակամարմինների թեստ կհանձնի։

«Հարցն այն է, որ որևէ մեկի մոտ առկա հակամարմինների երկարատևության ժամկետի առնչությամբ ապացույց չկա։ Այսինքն` այսօր եղած հակամարմինները կարող են մի քանի ամիս լինել բավարար քանակի, իսկ հետո նորից կարող է դրանց թիվը նվազել, և մարդիկ նորից հիվանդանան։ Ավելին, քաղաքացիներ կան, որոնց մոտ հակամարմինների բավարար քանակ նույնիսկ հիվանդանալուց և լավանալուց հետո չի առաջանում»,–ասաց նախարարը։

Թորոսյանը հիշեցրեց, որ այժմ Ամերիկյան համալսարանի հետ համագործակցելով հակամարմինների հետազոտություն է իրականացվում` պարզելու բուժաշխատողների շրջանում կորոնավիրուսի տարածման ցուցանիշը։ Սակայն, ըստ նախարարի, պետությունը չի կարող քաղաքականության մշակման հարցում հիմնվել նման հետազոտությունների վրա։

Ինչ վերաբերում է մասնավոր ԲԿ–ների` հակամարմինների թեստերի իրականացմանը, ապա Թորոսյանը նշեց, որ Հայաստանում հիմա կան հակամարմինների բավական բարձրորակ թեստեր։ Թորոսյանն իր խոսքն ամփոփեց` ասելով, որ հակամարմինների թեստն անձի վարքի փոփոխման հիմք լինել չի կարող, այսինքն` եթե որևէ մեկի մոտ կան հակամարմիններ, դա հիմք չէ հակահամաճարակային կանոնները չպահելու։

Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան

Հիշեցնենք` Հայաստանում կորոնավիրուսով վարակվածների թիվն արդեն հասել է 29285–ի, վարակի զոհ է դարձել 503 մարդ։ Միայն վերջին մեկ օրում կորոնավիրուսի հետևանքով մահվան 12 դեպք է գրանցվել։

Գիտնականները զգուշացրել են` ապաքինվելուց հետո կորոնավիրուսի հակամարմիններն անհետանում են

23
թեգերը:
հակամարմին, Արսեն Թորոսյան, կորոնավիրուս, Հայաստան
Ըստ թեմայի
Կորոնավիրուսի հետևանքով մահվան 12 դեպք է գրանցվել. ամենաերիտասարդը 54–ամյա կին է
Կորոնավիրուսի պայմաններում աշխատող մանկապարտեզների աշխատակիցները հավելավճար կստանան
Մեկ օրում գրանցվել է 330 դեպք. Հայաստանում կորոնավիրուսով վարակվածների թիվը դարձավ 28 936