Բողոքի ակցիա Կենդանաբանական այգու մոտ

«Ռուբեն, հեռացիր». Կենդանաբանական այգու նախկին աշխատակիցները կրկին բողոքի են դուրս եկել

74
Նախկին աշխատակիցների բողոքի ակցիան ստվերեց Կենդանաբանական այգու տարեշրջանի բացումը։

ԵՐԵՎԱՆ, 1 մայիսի — Sputnik. Այսօր` մայիսի 1-ին, Երևանի կենդանաբանական այգին նշում է այգու նոր տարեշրջանի բացումը։ Այգում այցելուների համար կազմակերպված միջոցառումներին զուգահեռ այգու մուտքի մոտ առավոտից մեկնարկել է նախկին աշխատակիցների բողոքի ակցիան։

«Ռուբեն, հեռացիր», «Վերջ կենդանիների ոչնչացմանը» պաստառներով այգի եկած մասնագետները պահանջում են տնօրեն Ռուբեն Խաչատրյանի հրաժարականը:

Նրանք հայտարարում են, որ Ռուբեն Խաչատրյանը 2011թ-ին տնօրեն նշանակվելուց ի վեր այգին տանում է կործանման, քանի որ այդ տարիների ընթացքում ավելացել են կենդանիների անկման դեպքերը:

«Կենդանիների անկման դեպքերով բազմաթիվ քրեական գործեր կն հարուցված։ Զեբրի դեպքում գործը հարուցվել է Կենդանաբանական այգու տնօրինության դիմումով, մենք էլ ունենք հարուցած գործեր, բայց բոլորը մնացել են հարցականի տակ։ Եղել է գայլերին միտումնավոր թունավորելու դեպք, որն ապացուցվել է 2011թ–ին։ Դա էլ է հարուցված, բայց մեր իրավապահներն իրենց աշխատանքում որևէ առաջընթաց չեն գրանցել։ Միգուցե մեր երկրում դեռ զանգով են աշխատում»,– ասաց նախկին աշխատակցուհիներից մեկը։

Ակցիայի մասնակիցները Երևանի քաղաքապետարանից պահանջում են ստեղծել հանձնաժողով, որտեղ կլինեն քաղաքապետարանի ներկայացուցիչներ ու մասնագետներ` այգում ստեղծված իրավիճակն ուսումնասիրելու ու լուծումներ գտնելու համար։

Այս առաջարկը նախկին աշխատակիցներն արդեն ներկայացրել են քաղաքապետարան ու սպասում են պատասխանին։

Այս պահին բողոքի ակցիայի մասնակիցները Կենդանաբանական այգու տարածքում են, տնօրենի հետ հանդիպում են ակնկալում։

Հիշեցնենք` Երևանի կենդանաբանական այգու տնօրեն Ռուբեն Խաչատրյանն իր նախկին աշխատակիցների հայտարարություններն իր հասցեին ուղղված մեղադրանքները զրպարտություն է համարում։ Նախկին աշխատակիցների հաշվարկով` 2011թ–ից ի վեր տնօրենն աշխատանքից ազատել է այգու շուրջ 80 աշխատակցի։

74
թեգերը:
Հայաստան
Ըստ թեմայի
Մոսկվայի կենդանաբանական այգու գլխավոր անասնաբույժի կարծիքը` Երևանի այգու մասին
Բողոքի ակցիայի մասնակիցները չցանկացան լսել կենդանաբանական այգու աշխատակցին
Երևանի կենդանաբանական այգու վագրերից մեկը սատկել է
Հովհաննիսյան․ «Կենդանաբանական այգում էլի կան առողջական խնդիրներ ունեցող կենդանիներ»
Նիկոլ Փաշինյան

«Կարծում ենք, որ կորոնավիրուսի գագաթնակետը կլինի հունիսի վերջին». Փաշինյան

70
(Թարմացված է 19:31 05.06.2020)
ՀՀ վարչապետի խոսքով` կորոնավիրուսով պայմանավորված իրավիճակն առայժմ դեռ ծանրանում է։

ԵՐԵՎԱՆ, 5 հունիսի – Sputnik. ՀՀ վարչապետ Նիկոլ Փաշինյանը պարետատան նիստից հետո հայտնեց` այն կարծիքին են, որ կորոնավիրուսի համաճարակի գագաթնակետը կլինի հունիսի վերջին։

«Սակայն ոչ ոք վստահ չէ, որ պիկը կլինի ոչ թե հոկտեմբերին, այլ հունիսի վերջին»,–ասաց վարչապետը։

Նրա խոսքով` մենք պետք է կարողանանք հիվանդանալ ու վարակվել այնքան, ինչքանով մեր առողջապահական համակարգն ունենա մահճակալային տեղ։

Փաշինյանը նշեց, որ վերջին օրերին, երբ քաղաքացիները սկսեցին իրեն լուսանկարներ ուղարկել, բացահայտվեց, որ ՀՀ–ում կա ընդհատակյա կյանք` ի հեճուկս հակահամաճարակային կանոնների։

Կորոնավիրուսով պայմանավորված իրավիճակը, ըստ նրա, առայժմ դեռ ծանրանում է։

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

70
թեգերը:
Նիկոլ Փաշինյան, կորոնավիրուս, Հայաստան
Ըստ թեմայի
Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է
Ինչո՞ւ կորոնավիրուսի տարածումը չկանխվեց. ՀՀ առողջապահության նախկին նախարարի կարծիքը
Ոստիկանությունում կորոնավիրուսով վարակվածների թիվը 100-ի է հասնում
Դիլիջան ազգային պարկ

«Դիլիջան ազգային պարկի» անտառապահը բռնվել է անտառը «ծախելիս»

20
(Թարմացված է 19:02 05.06.2020)
Դիլիջանի բնակիչը մեկ անգամ հասցրել է անտառից 4 խմ փայտ դուրս բերել, սակայն երկրորդ անգամ նա արդեն բռնվել է։

ԵՐԵՎԱՆ, 5 հունիսի — Sputnik. ՀՀ քննչական կոմիտեն տեղեկացնում է, որ  կաշառք ստանալու համար քրեական գործ է հարուցվել «Դիլիջան ազգային պարկ» ՊՈԱԿ-ի անտառապահի դեմ։

«2020թ. մայիսին Դիլիջանի բնակիչը կաշառք տալու շուրջ համաձայնության գալով «Դիլիջան ազգային պարկ» ՊՈԱԿ-ի անտառապահի հետ՝ վերջինիս թույլտվությամբ նույն ամսվա վերջերին 2 անգամ «Ֆորդով» շուրջ 4 խմ վառելափայտ է դուրս բերել նշված պահաբաժնից։ Դրա դիմաց անտառապահին կաշառքի գումարի մի մասն է տվել»,–նշված է հաղորդագրության մեջ։

Դիլիջանի բնակիչը հունիսի 1-ին՝ ժամը 08:00-ի սահմաններում, նույն պայմանավորվածության շրջանակներում հերթական անգամ առանց համապատասխան փաստաթղթի իր ավտոմեքենայով նույն պահաբաժնից դուրս է բերել վառելափայտ։ Սակայն հայտնաբերվել է ոստիկանության աշխատակիցների կողմից և չի հասցրել անտառապահին տալ կաշառքի գումարի մնացած մասը:

Նորքի նախկին անտառի նոր սեփականատերերին կպարտադրեն ծառ տնկել

Ձեռք բերված բավարար ապացույցների համակցությամբ անտառապահին մեղադրանք է առաջադրվել ՀՀ քրեական օրենսգրքի 311-րդ հոդվածի (կաշառք ստանալը) 1-ին մասով, իսկ Դիլիջան քաղաքի բնակչին՝ ՀՀ քրեական օրենսգրքի 312-րդ հոդվածի (կաշառք տալը) 1-ին մասով: Նրանց նկատմամբ որպես խափանման միջոց է կիրառվել ստորագրությունը չհեռանալու մասին:

Նախաքննությունը շարունակվում է:

Անտառների պահպանությանն ուղղված մեր քաղաքականությունն արդյունավետ է. Փաշինյանի նոր թվերը

20
թեգերը:
ՀՀ քննչական կոմիտե, Կաշառք, փայտ, անտառապահ, Անտառ, «Դիլիջան ազգային պարկ» ՊՈԱԿ
Ըստ թեմայի
Կաշառք ստանալու պահին ձերբակալվել է Ազգային արխիվի մարզային մասնաճյուղի տնօրենը. տեսանյութ
Կինը, գազն ու հոսանքը. ՌՈ–ն կաշառքի ու պաշտոնեական դիրքի չարաշահման դեպքեր է բացահայտել
Կաշառք են վերցրել. Մարտունու և Սևանի անձնագրայինների պետերի պաշտոնավարումը դադարեցվել է
Արթուր Ասոյան

Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան

0
(Թարմացված է 19:37 05.06.2020)
Ստուգայցերի մասին նախապես չեն ասում, որպեսզի ոչ բարեխիղճ տնտեսվարողներն անակնկալի գան։

ԵՐԵՎԱՆ, 5 հունիսի – Sputnik. Մարտի սկզբից մինչ օրս առողջապահական և աշխատանքի տեսչական մարմինը 22 000 ստուգողական այց է կատարել, որոնց արդյունքում 1490 տնտեսվարողի գործունեությունը կասեցվել է` հակահամաճարակային կանոնները չպահպանելու համար։ Պարետատան նիստից հետո ճեպազրույցի ժամանակ ասաց Առողջապահական և աշխատանքի տեսչական մարմնի ղեկավար Արթուր Ասոյանը։

«Միայն այսօր 796 ստուգում է իրականացվել, ինչի արդյունքում 220 տնտեսվարող սուբյեկտի գործունեություն է կասեցվել։ Մեկ շաբաթ է` հատուկ գործողություններ ենք կատարում ոստիկանության հետ, և արդեն եղել ենք Դավթաշեն, Նորք–Մարաշ, Արաբկիր համայնքներում»,–ասաց Ասոյանը։

Նրա խոսքով` իրենց ստուգայցերի մասին տնտեսվարողներին կանխավ չեն ասում, որպեսզի ոչ բարեխիղճ տնտեսվարողներն անակնկալի գան։

Ասոյանը նշեց, որ տնտեսվարողների գործունեության կասեցման սահմանափակումները գնալով խստացվել են` 6 ժամից 72 ժամի հասնելով։ Ի դեպ, պետական կառույցները նույնպես ներառված են ստուգման ենթակա կառույցների ցանկում։ Ասոյանը հայտնեց` այսօր կասեցրել են կառավարության 1, 3 տներում գործող հանրային սննդի կետերը, բուժհաստատության գործունեություն է կասեցվել։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հունիսի 4-ից բոլոր հանրային բաց տարածքներում պաշտպանիչ դիմակով լինելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

Արդյունքն այսօր կտեսնեք. ԱԱԾ տնօրենը` ոստիկանական համազգեստով «ներկայացման» մասին

0
թեգերը:
ստուգումներ, ՀՀ առողջապահական և աշխատանքի տեսչական մարմին (ԱԱՏՄ), Հայաստան
Ըստ թեմայի
«էս սաղ ապրանքը բդի թափե՞նք». Գյումրին «ստուգումների տակ» է
«Ոստիկանների գործողությունն իրավաչափ եմ համարում». Սարգսյանը` աղմկահարույց դեպքի մասին
Ոստիկանությունում կորոնավիրուսով վարակվածների թիվը 100-ի է հասնում