Սամվել Բեքյանն ու Կարեն Վարդանյանը

Երևանյան դպրոցը նոր մակարդակի 3D տպիչ ունի. չի մամլում, բայց գոլորշիացնում է ճառագայթով

144
(Թարմացված է 14:44 25.04.2019)
Նոր տպիչով հնարավոր է նույնիսկ ուսումնական մակետներ սարքել զենքերի դետալների համար։

ԵՐԵՎԱՆ, 25 ապրիլի — Sputnik. ArMath դպրոցական ինժեներային լաբորատորիան, որը գործում է Երևանի N200 դպրոցում, նոր սերնդի 3D տպիչ է ստացել։ Դպրոցականներն արդեն կարող են յուրացնել ավելի բարդ դետալներ թողարկելու հրամանները և ուսումնական մակետներ սարքել զենքի համար։ Sputnik Արմենիայի թղթակցին այս մասին պատմեց բելգիացի գործարար Սամվել Բեքյանը, որը տպիչը հանձնել է ուսումնական հաստատությանը։

Նա առայժմ չգիտի` կկարողանա արդյոք տպիչներ ուղարկել նաև այլ դպրոցներին, թե ոչ դրանք մի քանի հազար եվրո արժեն։

«Բայց թող թեկուզ ինչ–որ տեղ դրվի, որպեսզի երեխաները կարողանան նոր տեխնոլոգիաներին ծանոթանալ ինստիտուտ ընդունվելուց առաջ», – ավելացրեց նա։

Նոր տպիչը կարող է աշխատել ավելի կոշտ պլաստիկով, քան հայկական դպրոցներում առկա ներկա ուսումնական տպիչները։ Բացի այդ, կարող է կատարել ավելի բարդ հրահանգներ։

  • 3D-տպիչը
    3D-տպիչը
    © Photo : Aram Gareginyan
  • Սամվել Բեքյանն ու Կարեն Վարդանյանը ArMath լաբորատորիայում
    Սամվել Բեքյանն ու Կարեն Վարդանյանը ArMath լաբորատորիայում
    © Photo : the Union of Advanced Technology Enterprises
  • Սամվել Բեքյանն ու Կարեն Վարդանյանը ArMath լաբորատորիայում
    Սամվել Բեքյանն ու Կարեն Վարդանյանը ArMath լաբորատորիայում
    © Photo : the Union of Advanced Technology Enterprises
  • ArMath լաբորատորիայի սաները
    ArMath լաբորատորիայի սաները
    © Photo : the Union of Advanced Technology Enterprises
  • ArMath լաբորատորիայի սան
    ArMath լաբորատորիայի սան
    © Photo : the Union of Advanced Technology Enterprises
1 / 5
© Photo : Aram Gareginyan
3D-տպիչը

Տպիչն ուրիշ սկզբունքով է աշխատում. չի մամլում պլաստիկը, այլ գոլորշիացնում է ճառագայթով, հետո անհրաժեշտ ձև տալիս։ Ուստի այստեղ ավելի բարդ ծրագրային ապահովում է օգտագործվում։

Նշենք, որ Հայաստանի դպրոցներում ArMath–ի 250 լաբորատորիա կա, որտեղ դասերից հետո ավագ, միջին և նույնիսկ կրտսեր դասարանների աշակերտներն ուսումնասիրում են ծրագրավորման (Scratch, Python) և ինժեներիայի հիմունքները (3D տպիչների և ծրագրային կառավարմամբ ուսումնական հաստոցների վրա)։

Այդ խմբակների հրահանգիչների աշխատավարձը վճարում է պետությունը։ Բայց լաբորատորիաները բացվում են մասնավոր միջոցներով։ Որպես կանոն` աջակցում են տեղի ՏՏ ընկերությունները, ինչպես նաև բարեգործները։

ArMath–ի մոդելը հետաքրքրել է Մոնղոլիային, Եթովպիային, Բանգլադեշին և Հնդկաստանին։

144
թեգերը:
Հայաստան
Ըստ թեմայի
«Հրաշք լաբորատորիաներ». հայերի փորձն ուզում են ընդօրինակել Մոնղոլիան և Բանգլադեշը
Ե՛վ դպրոց են գնում, և՛ ծնողներին օգնում, և՛ ինժեներություն սովորում. ովքե՞ր են նրանք
Հայաստանի հեռավոր մարզերի երեխաները համաշխարհային մրցույթում կներկայացնեն իրենց ռոբոտին
Հայաստանը կարողացել է պահպանել իր մասնագետներին. Նիկոլայ Կոմլև
«Արմաթ» լաբորատորիա. Հայաստանում երեկվա դպրոցականները կատարելագործում են ռազմատեխնիկան
Հիվանդանոց

Ինչո՞ւ կորոնավիրուսից մահացած մարդկանց տարիքը չի հրապարակվել. Նիկողոսյանի մեկնաբանությունը

10
Վերջին մեկ օրում Հայաստանում կորոնավիրուսի հետևանքով 29 մարդ է մահացել, սակայն ՀՀ առողջապահության նախարարությունը նրանց վերաբերյալ տեղեկություն չի հրապարակել։

ԵՐԵՎԱՆ, 29 հոկտեմբերի – Sputnik. ՀՀ առողջապահության նախարարությունը կորոնավիրուսի համավարակի ընթացքում առաջին անգամ չի հրապարակել վարակի զոհ դարձածների տարիքը։ Նախարարի մամուլի քարտուղար Ալինա Նիկողոսյանը Sputnik Արմենիայի թղթակցի հետ զրույցում ասաց, որ առաջիկայում, ամենայն հավանականությամբ, մահացածների մասին տեղեկություններ չեն հրապարակվի։

«Այս պահին նպատակահարմար չէ, որ մահացածների տարիքները հրապարակվեն։ Եվ հնարավոր է` առաջիկայում ևս չհրապարակվեն»,– ասաց նա։

Նշենք, որ վերջին մեկ օրում Հայաստանում կորոնավիրուսով վարակվածներից 29–ը մահացել են։ Արձանագրվել է նաև մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 352 է։

Նշենք, որ հոկտեմբերի 29-ի, ժամը 11:00-ի դրությամբ Հայաստանում հաստատվել է կորոնավիրուսային հիվանդության ընդհանուր 85034 դեպք, 53257-ն արդեն առողջացել են, 1272 -ը` մահացել: Այս պահին փաստացի բուժում է ստանում կորոնավիրուսով վարակված 28548  մարդ: Ընդհանուր առմամբ կատարվել է 392660 թեստավորում:

10
թեգերը:
վարակ, տղամարդ, Կին, Մահ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Գիտնականները կորոնավիրուսի նոր բռնկում են կանխատեսել
Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը
Կորոնավիրուսի հետևանքով մահացել է ԱԱԾ նախկին փոխտնօրեն Գուրգեն Եղիազարյանը
Հիվանդանոց

2383 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 85034

266
(Թարմացված է 11:05 29.10.2020)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 29 հոկտեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 2383–ով և դարձել 85034։ Տեղեկությունը հայտնում է Հիվանդությունների վերահսկման և կանխարգելման կենտրոնը:

Այս պահին փաստացի բուժում է ստանում 30151 մարդ (+1603), կատարվել է 392660 թեստավորում (+5027), առողջացել են վարակվածներից 53257–ը (+749)։ Գրանցվել է մահվան 1272 (+29) դեպք։ Կորոնավիրուսով վարակված, բայց այլ պատճառով մահացածների թիվն ավելացել է 2–ով և դարձել 354։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Արդյո՞ք COVID-19-ը հաղթահարածները պետք է պատվաստվեն գրիպի դեմ. պատասխանում են բժիշկները

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

 

266
թեգերը:
համավարակ, վարակ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Գիտնականները բացահայտել են կորոնավիրուսի «թույլ տեղը»
Գիտնականները կորոնավիրուսը կանխող վիտամին են հայտնաբերել
Գիտնականները կորոնավիրուսի նոր բռնկում են կանխատեսել