ԵՐԵՎԱՆ, 23 ապրիլի – Sputnik. Հայաստանի առանձին շրջաններում ապրիլի 23-ին և 24-ին տեղումներ կգրանցվեն։ Այս մասին նշված է ՀՀ արտակարգ իրավիճակների նախարարության կայքում։
Ապրիլի 25-27-ը Հայաստանում վերջապես տեղումները կդադարեն։
Օդի ջերմաստիճանը 24-27-ի ցերեկն աստիճանաբար կբարձրանա 10-12 աստիճանով։
Երևանում ապրիլի 23-24-ը՝ կեսօրից հետո, քաղաքի առանձին հատվածներում սպասվում է կարճատև անձրև և ամպրոպ։ Ապրիլի 25-27-ը սպասվում է առանց տեղումների եղանակ:
Այսօր մայրաքաղաքում օդի ջերմաստիճանը կհասնի առավելագույնը +13 աստիճանի, իսկ գիշերը կտատանվի 2-4 աստիճան տաքության սահմանում։