Սկանդալ «Ձայնը» նախագծում. Ալսուի դուստրը երգել է մահացած Նաչալովայի երգը. տեսանյութ
ԵՐԵՎԱՆ, 20 ապրիլի – Sputnik. Համացանցում բուռն քննարկման թեմա է դարձել «Голос. Дети» հայտնի հեռուստաշոուի 6-րդ եթերաշրջանի լրացուցիչ փուլը։ Օգտատերերը զայրացած են, որ նախագծի մասնակիցներից մեկը` հայտնի երգչուհի Ալսուի դուստր Միկելլա Աբրամովան, երգել է վերջերս մահացած Յուլյա Նաչալովայի ստեղծագործությունը։
Աղջիկը երգել է Յուլյայի «Герой не моего романа» ստեղծագործությունը, որը թողարկվել է 1997 թվականին ու դարձել երգչուհու այցեքարտը։ 2006 թվականին ներառվել է «Давай поговорим о любви» ալբոմում։ Երգի երաժշտությունը գրել է Յուլյայի հայրը` Վիկտոր Նաչալովը, իսկ բառերը` Անտոնինա Վլադիմիրովան։
«Շատ տհաճ էր... Ու՞մ էր պետք սա։ Մեզ երկրորդ Ալսուն պե՞տք է։ Անդուր բան ստացվեց, թող նրան խղճի վրա մնա։ Եթե այստեղ լիներ Գրիգորի Լեպսը, կասեր` սա արգելված հնարք է։ Երգն էլ 10 տարեկան աղջկա համար չէր։ Հայրը միլիարդատեր է, մայրը` Ալսուն, դրա համար էլ իրենց անտաղանդ աղջկան ամեն կերպ առաջ են տանում։ Պետք չէր, որ աղջիկն այդ երգը երգեր... Եթե այստեղ ամեն ինչ արդար լիներ, 100%–ով Ալսուի դստերը չէին ընտրի, որն իսկապես շատ վատ է երգում։ Սակայն նրա բախտը բերել է, որ հայրը միլիարդատեր է։ Երբ քվեարկությունն ավարտվեց, նրա հայրը նստած էր, և նույնիսկ չուրախացավ։ Չէ՞ որ նա վճարել է դրա համար։ Անարդար է, արժանի ելույթ չունեցավ և անարժան ձևով եզրափակիչ անցավ։ Տարօրինակ զգացողություն է մնացել այդ թողարկումից հետո»,– գրում են զայրացած օգտատերերը։
Վիրտուալ հանդիսատեսը բողոքել է Սվետլանա Լոբոդայի թիմից. «Անազնիվ խաղ է։ Նաչալովայի հիշատակն են խաղարկում։ Եթե անկեղծ ասեմ` այստեղ կատարում չկար։ Ուրիշի ոսկորների վրա երգեց։ Այս նախագծի պատմության ամենավատ թողարկումն էր։ Նրան շնորհեք հաղթանակն ու հաղթողի կոչումը և մի՛ նյարդայնացրեք հանդիսատեսին։ Սարսափելի է։ Դե, Լոբոդա, մյուսներին ևս կտրի։ Երբ իմացանք, որ նախագծում է լինելու Ալսուի դուստրը, պարզ դարձավ, որ կարևոր չէ, թե ինչպես նա կերգի, միևնույն է` 100%–ով կհաղթի կամ առնվազն եզրափակիչ կհասնի»։
«Անտանելի միջոց է. վերցնել մի երգչուհու երգ, որի մահից նույնիսկ մի քանի ամիս չի անցել։ Մի՞թե հնարավոր չէր ավելի պակաս ստոր միջոց ընտրել հաղթելու համար։ Նաչալովայի երգերն այժմ հաղթում են պարզապես նրա մահվան ֆոնին։ Բացի այդ երգը հասուն սիրո մասին է, և Միկելլեին այդքան էլ չի սազում։ Մեջտեղում բացվեց, վերջում ձայնը դողում էր։ Մի խոսքով, անտանելի կատարում։ Անազնիվ է, շատ անազնիվ, խաղացին Նաչալովայի ընտանիքի ողբերգության վրա։ Դա ստոր, ցածր, արգելված քայլ է, նույնիսկ վարդագույն զգեստ էին ընտրել, ինչպես Յուլյայի դեպքում։ Ինչպե՞ս կարելի է։ Սվետլանա Լոբոդան շատ հիասթափեցրեց, որ թույլ է տվել կատարել այդ երգը։ Ամոթ ծրագրին, ամոթ Ալսուին, եթե նրան նման «հաղթանակը» ձեռ է տալիս։ Խեղճ երեխաներ, որոնք կոտրած տաշտակի առաջ հայտնվեցին արդեն նախորդ փուլում, առավել ևս այս փուլում», – շարունակել են զայրացած օգտատերերը։
Նշենք նաև, որ աղջկան պաշտպանողներ էլ կան, թեև նրանք փոքրամասնություն են։
«Մի՞թե չեք տեսնում, որ Միկելլայի համար ավելի կարևոր է ոչ թե երգի իմաստը, այլ մարդը, որ ժամանակին երգել է այդ երգը։ Ի՞նչ կապ ունի հնարքը։ Եթե այդ երգը երգեր ոչ թե Ալսուի դուստրը, այլ նախագծի մեկ այլ մասնակից, դուք ոչինչ չէիք ասի։ Դա պարզապես Յուլյա Նաչալովայի նկատմամբ մեծ հարգանք է։ Պետք չէ խարդախություն փնտրել այնտեղ, որտեղ չկա։ Երևում է, որ շատ անկեղծ ու բարի երեխա է։ Երևում էր, որ նա ջանում էր։ Ասում եք, որ անտանելի է երգել, բայց չէ՞ որ դա ուղիղ եթեր էր։ Հազիվ թե դուք չհուզվեիք և չանհանգստանայիք ելույթից առաջ։ Սա PR քայլ չէ, Միկելլան հազիվ էր արցունքները զսպում, նրա համար Յուլյան հաստատ ինչ–որ նշանակություն ուներ, մենք ամբողջ պատմությունը չգիտենք, չի կարելի 10 տարեկան աղջկան այդպես քարկոծել ու վրան կեղտ նետել միայն այն պատճառով, որ նա երգչուհու դուստր է, չէ՞ որ նա հիանալի տեմբր ունի և մորից էլ լավ է երգում։ Էական չէ` ովքեր են նրա ծնողները, կարևորը, որ երեխան ջանում է։ Նրա ծնողները չէին կարող գնել հազարավոր հանդիսատեսի հոգիներն ու սրտերը», – նշում են համացանցի առավել հանդուրժող ներկայացուցիչները։
Օգտատերերը համերաշխ են միայն մեկ հարցում. «Նման դեպքերը բացասական վերաբերմունք են ծնում երեխայի հանդեպ»։
Հիշեցնենք, որ Յուլյա Նաչալովան մահացել է 2019 թվականի մարտի 16-ին 38 տարեկանում արյան վարակից և սրտի անբավարարությունից։
Երևանում և մարզերից 5–ում էլեկտրաէներգիայի պլանային անջատումներ կլինեն
(Թարմացված է 09:11 05.03.2021)
ՀԷՑ–ից հիշեցնում են, որ սպառած էլեկտրաէներգիայի, անջատումների, ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել շուրջօրյա գործող հեռախոսահամարներով:ԵՐԵՎԱՆ, 5 մարտի - Sputnik. «Հայաստանի էլեկտրական ցանցեր» ընկերությունը տեղեկացնում է, որ մարտի 5-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը.
Երևան քաղաքում՝
10:00-16:00 Չարենցի փ. 55, 59, 61, 63/13 շենքեր, Այգեստան 4, 5, 6, 12 փողոցների սեփական տներ մասնակի, Մարտի 8փ. 13, 18, 34, 36 սեփական տներ, Ալեք Մանուկյան փ. 36 սեփական տուն, Ֆիզկուլտուրնիկների փ. 29, 29/1 սեփական տներ և հարակից ոչ բնակիչ-բաժանորդներ, Ներքին Չարբախ 3, 4, 5, 10 փողոցների սեփական տներ, Ներքին Չարբախ 5-րդ փողոցի 1-ին նրբանցքի սեփական տներ, Լազոյի փ․ 4, 6 շենքեր, Նոր Նորք 1-ին զանգ.՝ Նանսենի փ. 10 շենք, Նոր Նորք 9-րդ զանգ.՝ Վիլնյուսի փ. 41, 45, 49, 53, 55, 55ա, 55բ, 57 շենքեր, թիվ 104 մսուր-մանկապարտեզ և հարակից ոչ բնակիչ-բաժանորդներ,
11:00-15:00 Ջրաշեն 1 և 2 փողոցներ,
11:00-17:00 Բագրատունյաց պող․ 38/1 շենք, Լազոյի, Կաշեգործների փողոցների սեփական տներ և հարակից ոչ բնակիչ-բաժանորդներ, Գ-1 թաղամասն ամբողջությամբ և հարակից ոչ բնակիչ-բաժանորդներ,
Արագածոտնի մարզում՝
10:00-16:00 Աշտարակ քաղաք՝ Տանձանոց թաղամաս, Նարեկացի, Սիսակյան, Վ․Պետրոսյան, Հեքիմյան, Շահազիզ, Շիրազ, Թումանյան, Մաշտոցի և Լինչի փողոցներ, Օհանավան, Ուշի, Արտաշավան և Սաղմոսավան գյուղեր,
Արարատի մարզում՝
10:00-14:00 Սիփանիկ գյուղ մասնակի,
10:30-16:00 Գետազատ գյուղ մասնակի,
11։00-15։00 Արտաշատ քաղաք` Մարքսի, Աճառյան, Արազի, Իսակովի, Դուրյան, Օրբելի, Օգոստոսի 23-ի փողոցներ մասնակի,
13:00-14:00 Նորաբաց գյուղ մասնակի,
Վայոց Ձորի մարզում՝
10:00-13:00 Շատին գյուղ մասնակի,
10:00-16:00 Վայք քաղաք՝ Երկրաբանների փողոց և Ջերմուկի խճուղին՝ մասնակի, Չայքենդ թաղամաս, Խնձորուտ, Նոր Ազնվաբերդ, Զառիթափ, Գոմք, Կապույտ, Ազատեկ, Զեդան, Փոռ, Բարձրունի, Մարտիրոս, Սերս գյուղեր,
11:00-15:00 Եղեգնաձոր քաղաք՝ Մոմիկի, Սևակի փողոցներ մասնակի,
Կոտայքի մարզում՝
11։00-17։00 Կապուտան, Կամարիս, Գեղաշեն, Նոր-Գյուղ, Ջրվեժ գյուղեր մասնակի, Ջրվեժ՝ Բագրևանդ, Մայակ, Բանավան թաղամասեր մասնակի,
10։30-14։30 Զովունի համայնք, ԱԱԾ զորամաս, ԱԻՆ, «Թամարա և Անի», «Նորմա Կաթ» ՍՊ ընկերություններ,
10։30-16։30 Զովունի համայնքի 8, 9 փողոցներ և հարակից ոչ բնակիչ-բաժանորդներ,
Սյունիքի մարզում՝
10:00-11:00 Սիսիան քաղաք՝ Գայի փ. 1, 2, 3 շենքեր,
11:30-12:30 Սիսիան քաղաք՝ Գայի փ. 4, 6, 7, 10, 29ա շենքեր,
10:30-11:30 Շամբ գյուղ և հարակից ոչ-բնակիչ բաժանորդներ,
12:00-17:00 Աղիտու, Նորավան, Վաղատնի, Որոտան գյուղեր և հարակից ոչ-բնակիչ բաժանորդներ:
ՀԷՑ–ից հիշեցնում են, որ սպառած էլեկտրաէներգիայի, անջատումների, ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:
Էներգետիկ առումով ծանր տարի է սպասվում. ատոմակայանը 140 օր կկանգնի
Աղմկահարույց պատմություն. ինչպես է բեռը ՌԴ–ից ուղարկվել ՀՀ, և ինչ կապ ունի Հայկ Սարգսյանը
(Թարմացված է 00:51 05.03.2021)
Պատերազմի օրերին ՌԴ–ից ուղարկված և արցախահայության համար նախատեսված մարդասիրական օգնության շուրջ ծավալված սկանդալը գնալով նոր թափ է առնում: Մաքսային կցորդ Արամ Թանանյանը Sputnik Արմենիային պատմեց` ինչպես են բեռները հատել մաքսակետը, և ինչ կապ ունի «Իմ քայլի» պատգամավորը:ԵՐԵՎԱՆ, 5 մարտի - Sputnik, Լաուրա Սարգսյան. Ռուսաստանում Հայաստանի դեսպանատան մաքսային կցորդ Արամ Թանանյանը Sputnik Արմենիայի թղթակցի հետ զրույցում ասաց, որ արցախյան պատերազմի օրերին ինքն է «Հայեր միացեք» ռուսական նախաձեռնությանը փոխանցել ՀՀ ԱԺ պատգամավոր Հայկ Սարգսյանի տվյալները, որպեսզի կապ հաստատեն պատգամավորի հետ և նրա օգնությամբ մարդասիրական բեռ ուղարկեն Հայաստան։
©
Photo : official site of the MFA of RA
Նշենք, որ պատերազմի ժամանակ «Հայեր, միացեք» նախաձեռնությունը ՌԴ-ում Հայաստանի դեսպանատան խորհրդով մարդասիրական բեռ է ուղարկել «Իմ քայլը» իշխող խմբակցության պատգամավոր Հայկ Սարգսյանի անունով, սակայն ստացականներ չի ստացել: Երեկ կայացած ասուլիսի ընթացքում նախաձեռնության ներկայացուցիչ Բադալ Պարյանը պարզաբանում է պահանջել Արամ Թանանյանից, թե ինչու է բեռն ուղարկվել հենց Հայկ Սարգսյանի անունով: Նա նաև պահանջել էր, որ իշխանությունները հաշվետվություն ներկայացնեն, թե որքան սաղավարտ, զրահաբաճկոն, գիշերային տեսողության սարքեր և ռադիոսարքեր է ստացել Հայաստանը:
Թանանյանը Sputnik Արմենիայի թղթակցի հետ զրույցում պարզաբանեց, որ պատերազմի օրերին մաքսատունն իրականացրել է Ռուսաստանից Հայաստան ուղարկված մարդասիրական բեռը գրանցելու և ձևակերպելու իր բոլոր պարտավորությունները։ Բացի այդ, ամեն ինչ հատ–հատ գրանցվել է և ուղարկվել հասցեատիրոջը:
Այլ հարց է, թե ֆիզիկական և իրավաբանական անձինք, որոնց անունով ուղարկվել է բեռը, ինչպես են բաշխել դրանք։
«Մարտական գործողությունների ամենասկզբից Ռուսաստանում գտնվող հայերը, եկեղեցին, առանձին գործարարներ կենտրոնացրել էին իրենց ուժերը: Ինձ սկսեցին զանգել և հարցնել` ինչպես և ինչով օգնեն մեր երկրին», - պատմեց Թանանյանը:
Նրա խոսքով՝ ինքը միացավ գործընթացին: Որոշվեց ուղարկվող մարդասիրական օգնությունը գրանցել ֆիզիկական անձանց անունով, քանի որ իրավաբանական անձանց, կազմակերպությունների դեպքում նրանք ստիպված կլինեին բեռի ծավալի 20%-ի չափով ԱԱՀ վճարել: Իսկ ֆիզիկական անձանց դեպքում կարգավորման այլ կանոններ էին կիրառվում, քանի որ նրանք կարող էին դիմել կառավարությանը, տվյալներ ներկայացնել, որ բեռը մարդասիրական է, և դրանից հետո կազատվեին վճարներից:
©
Sputnik / Aram Nersesyan
Երբ բեռներն ուղարկում էին կոնկրետ ֆիզիկական անձանց անուններով, նույն անունների կրկնությունը հարցեր ծնեց ռուսական մաքսատանը` արդյոք այդ մարդիկ հուսալի՞ են: Արդյունքում որոշվեց ներգրավել լրացուցիչ անձանց, որոնք քիչ թե շատ հայտնի էին: Եվ «ցանկում» հայտնվեցին նոր ազգանուններ, այդ թվում` պատգամավոր Հայկ Սարգսյանի անունը:
Թանանյանի խոսքով` ինքը շատ է ուրախացել, որ հնարավոր է դարձել նաև ԱԺ պատգամավորի անունով բեռ ուղարկել: Սարգսյանի անունը փոխանցել է բոլոր նրանց, ովքեր չեն իմացել` ում ուղարկեն բեռը: Վերջիններս սկսել են բեռները ձևակերպել պատգամավորի անունով:
«Երբ որոշվեց ԱԱՀ-ից ազատել նաև մարդասիրական օգնություն ստացող կազմակերպություններին, որպես հասցեատեր սկսեցին նշել նաև իրավաբանական անձանց», - ասաց Թանանյանը:
Այդ ժամանակ խրախուսվում էր «Հայաստան» համահայկական հիմնադրամին դրամական միջոցների փոխանցումը, քանի որ դա թույլ կտար ավելի արդյունավետ օգտագործել ֆինանսական ռեսուրսներն ու բացառել ավելորդ ծախսերը:
Թանանյանը նշեց, որ իր մոտ կասկած չի առաջացել, թե որևէ մեկը կարող է բեռը տեղ չհասցնել: Մաքսատանը, ինչպես Ռուսաստանից դուրս գալիս, այնպես էլ Հայաստան մուտք գործելիս, բեռները, հստակ գրանցվել են: Ըստ նրա` խորհուրդ էր տրվում բեռներն ուղարկել ԱԻՆ-ի, առողջապահության նախարարության, իսկ որոշ դեպքերում` նաև ՊՆ-ի հասցեներին:
©
Sputnik / Aram Nersesyan
«Հետևաբար մենք չէինք կարող դրանք վերաձևակերպել այլ հասցեատերերի վրա», - ասաց Թանանյանը:
Նա նշեց, որ բեռներն ուղարկվում էին շուրջօրյա ռեժիմով և որպես մարդասիրական օգնություն՝ արտահերթ: Քանի որ մարդասիրական բեռները ձևավորվում էին տարբեր աղբյուրներից, դրանց իրական գնահատումը լրացուցիչ ժամանակ էր պահանջում, ինչը պատերազմի օրերին չկար: Այդ պատճառով դրանք գրանցվում էին ոչ թե հաշիվ-ապրանքագրերի տեսքով, այլ ձևաթղթերի՝ խորհրդանշական գումարների նշմամբ: Դա արվում էր նաև ձևակերպման ժամանակ մաքսավճարների նվազեցման համար:
Ինչպես ընդգծեց Թանանյանը, բեռ բերած յուրաքանչյուր մեքենայի հարցն առանձին հստակեցվել է մաքսային ծառայության հետ, և բացի համապատասխան փաստաթղթեր ներկայացնելուց, նաև կոնկրետ պարզաբանումներ են տրվել բեռների մասին:
Թանանյանը նշեց, որ բոլոր տվյալները ստացել է ուղարկողներից` բեռը ձևակերպելու փուլում: Ուղարկողները հետևել են` ինչպես է իրենց բեռը ուղարկման կետից հասել ստացողին: Այդ պատճառով էլ Թանանյանին զարմացնում են այն խոսակցությունները, թե որոշ բեռներ կարող էին հասցեատիրոջը չհասնել:
Հիշեցնենք` ավելի վաղ տելեգրամյան ալիքներից մեկը տեղեկություն էր տարածել, որ Հայկ Սարգսյանը, Անդրանիկ Քոչարյանը, Հակոբ Արշակյանը և Էդուարդ Աղաջանյանը «Հայաստան» համահայկական հիմնադրամի միջոցներով գնումներ են կատարել շուկայականից մի քանի անգամ թանկ գներով։ Փետրվարի 28-ին Հայկ Սարգսյանը Facebook-ի իր էջում ծավալուն գրառում արեց` վստահեցնելով, որ այդ տեղեկությունը ստոր կեղծիք է։
Пресс-служба МИД РФ
Նա հայտարարեց, որ նման հոդվածները իրականության հետ որևէ աղերս չունեն, պարունակում են կեղծ մեղադրանքներ և վնաս են հասցնում ոչ միայն իր հեղինակությանը, այլև ամբողջ երկրի, որովհետև հաջորդ անգամ, եթե նորից սփյուռքի օգնության կարիքը լինի, մարդիկ այլևս բեռներ չեն ուղարկի՝մտածելով, որ դրանք յուրացվում են և նպատակին չեն ծառայում։
Նա պատմել էր, թե ինչ է եղել իրականում։ Սարգսյանի խոսքով ՝ պատերազմի օրերին իր հետ կապ է հաստատել Վիտալի անունով մի երիտասարդ և ասել, որ ընկերներով ցանկանում են որպես օգնություն ապրանքներ ուղարկել ՀՀ, բայց այնպես, որ ազատվեն հարկերից։ Խնդրել է օգնել այդ գործընթացը կազմակերպել և համաձայնություն տալ, որ բեռն ուղարկեն պատգամավորի անունով։ Սարգսյանը ուղարկել է իր անձնագրի տվյալները։ Բեռը նրա անունով ուղարկել են Հայաստան։ Սարգսյանը կապ է հաստատել ՊԵԿ աշխատակիցների հետ, մաքսային մարմինները ամբողջ բեռը սահմանված ընթացակարգով ձևակերպել են և հանձնել արտակարգ իրավիճակների նախարարությանը։ Սարգսյանի հավաստմամբ` բեռի տնօրինումը և բաշխումը իրականացրել է ԱԻՆ-ը, և ինքը որևէ կապ չի ունեցել բեռի տնօրինման հետ։
Պատգամավորը նաև նշել է, որ այդ դեպքից անցել է շուրջ 4 ամիս, և որևէ մեկն իրեն դժգոհություն չի հայտնել, հակառակը` բեռ ուղարկող Վիտալին բազմիցս շնորհակալություն է հայտնել իրեն օգնելու համար։