Ավելուկով սալաթ

Հնարավո՞ր է ուտել և նիհարել. հայկական խոհանոցի թոփ 5 մթերատեսակ՝ գեղեցիկ կազմվածքի համար

1897
Մի լավ ասացվածք կա. «Հեռու ման եկան, մոտիկ գտան»։ Sputnik Արմենիան պարզել է, որ ավանդական հայկական խոհանոցի ամենասովորական մթերքը կարող է փոխարինել անդրծովյան գերգովաբանվածներին։

Լիլիթ Հարությունյան, Sputnik Արմենիա

Մեր հայրենակիցներից շատերը, գեղեցիկ կազմվածք ունենալու հետևից ընկած, փորձում են հայթայթել բավականին թանկ «նորաձև» մթերատեսակներ, օրինակ` կինոա կամ ծնեբեկ, որոնք հայտնի են օգտակար հատկություններով և ցածր կալորիականությամբ։ Մինչդեռ ավանդական հայկական խոհանոցը հարուստ է մթերատեսակներով, որոնք ոչ միայն շատ օգտակար են ու ցածր կալորիականություն ունեն, այլև ավելի մատչելի են։ Դիետոլոգ Վարդանուշ Պետրոսյանը Sputnik Արմենիայի թղթակցի հետ զրույցում այդ շարքից առանձնացրեց 5 մթերատեսակ։

Մածուն

Այս հանրահայտ կաթնամթերքի ամենամեծ առավելություն այն է, որ հարուստ է կալցիումով և օրգանիզմին անհրաժեշտ այլ տարրերով:

«Այդ իսկ պատճառով առանձնապես օգտակար է երեխաներին և դեռահասներին, որոնց ոսկրամկանային համակարգը ձևավորման ընթացքում է», – ասաց բժիշկը։

Фестиваль еды Yerevan Food Fest прошел на площади Республики (10 июня 2018). Еревaн
© Sputnik / Asatur Yesayants
Մածուն

Այդ ամենից բացի, մածունը բարձր է գնահատվում, քանի որ պարունակում է մեծ թվով լակտոբակտերիաներ, որոնք անհրաժեշտ են աղիքների համար:

«Լակտոբակտերիաները բարենպաստ ազդեցություն են թողնում աղիքների միկրոֆլորայի վրա, այդ պատճառով էլ մածունը հաճախ օգտագործում են թունավորումներից հետո վերականգնվելու համար», – ավելացրեց նա։

Զարմանալի չէ, որ մածունը լայն կիրառում ունի հայկական խոհանոցում։ Այն, ջրի հետ խառնելով, օգտագործում են որպես զովացուցիչ ըմպելիք՝ թանը, որ առատ գործածվում է հատկապես ամռանը։ Մածնից պատրաստում են նաև ապուր՝ սպասը, թեև, ինչպես նշում են մասնագետները, ջերմային մշակման ժամանակ մթերքն օգտակար հատկությունների մի մասը կորցնում է:

Спас
Armlur
Թանապուր

Ավելուկ

Ավելուկը, դիետոլոգի խոսքով, հարուստ է բջջանյութով և հանքային աղերով։ Հայկական խոհանոցում այս կանաչուց ինչպես աղցաններ, այնպես էլ ապուր են պատրաստում։

«Ժողովրդական բժշկության մեջ ավելուկը լայնորեն կիրառվում է որովայնային ցավերը հանգստացնելու համար», – ասաց նա։

Պետրոսյանը նկատեց, որ շատ օգտակար են նաև հայկական ուտելի կանաչիների մյուս տեսակները` սիբեխ, սպանախ, համեմ, մաղադանոս, կանաչ սոխ և այլն։

Авелук (Конский щавель)
© Sputnik / Asatur Yesayants
Ավելուկ

«Կանաչին հայկական սեղաններին միշտ առատ է, բայց մենք նրան արժանի ուշադրություն չենք դարձնում», – ընդգծեց դիետոլոգը։

Суп с авелуком
© Sputnik / Aram Nersesyan
Ավելուկով ապուր

Լավաշ

Բավական օգտակար է և ցածր կալորիականություն ունի հայկական դասական լավաշը, որը պատրաստում են ցորենի ամբողջական հատիկներից ստացած ալյուրով և առանց թթխմորի։

«Այսպիսի լավաշը հարուստ է վիտամին B–ի և բջջանյութի պաշարով», – ասաց Պետրոսյանը։

Միևնույն ժամանակ նա նշեց, որ այսօր, ցավոք, այդպիսի լավաշ գտնելը դժվար է, որովհետև ցորենի ամբողջական հատիկներից ստացած ալյուրի դեֆիցիտ կա։

Лаваш
© Sputnik / Asatur Yesayants
Լավաշ

Թթի դոշաբ

Թթի դոշաբը հատկապես դուր կգա քաղցրասերներին, որոնք խուսափում են շաքարավազ օգտագործել։

«Դոշաբը պարունակում է թթի հանքային աղերի ողջ համալիրը։ Այն օգտագործում են նաև ժողովրդական բժշկության մեջ՝ որպես հազի դեմ արդյունավետ միջոց», – նշում է բժիշկը։

Նրա խոսքով՝ դոշաբը կարող է փոխարինել տարբեր ջեմերին, որոնց պատրաստման մեջ շաքար են օգտագործում։

Шелковица черная
© CC BY-SA 3.0 / Anastasija1984 / Plant
Թութ

Մասուր

«Հիմնականում մենք մասուրի թուրմ ենք օգտագործում։ Այն լավ է օգնում ամռանը, երբ, օրինակ, շոգից այտուցվում են ոտքերը, կամ երբ ճնշումն է բարձրանում։ Մասուրը հարուստ է C վիտամինով, հետևաբար բարենպաստ ազդեցություն է ունենում իմունային համակարգի վրա», – ընդգծեց Պետրոսյանը։

Բժիշկը հիշեցրեց, որ մասուրը (թուրմը, թեյը) նաև օգտագործում են որպես միզամուղ միջոց։

Իհարկե, պետք է նկատի ունենալ, որ ջերմային մշակման ժամանակ մասուրի վիտամինների և օգտակար հատկությունների մի մասը վերանում է։

Плоды шиповника
© Sputnik / Виталий Аньков
Մասուր
1897
թեգերը:
Հայաստան
Ըստ թեմայի
Չափազանց շատ պաղպաղակ ուտելու արդյունքը. չինացին էսկիմոյի փայտիկներից հեծանիվ է սարքել
«Ուտելիքի համաշխարհային ատլասում» հայկական ամենահայտնի ճաշատեսակը խորովածն է
Ի՞նչ ուտել, բացի մողեսներից և միջատներից․ խորհուրդներ Վիետնամ այցելողների համար
Ուտել ցորեն-հաց, չուտել մարդու միս… Պահքի խորհուրդը միայն մսեղեն չուտելը չէ
 «Ջանա, ես ֆիթնես-միթնես չգիտեմ». Սիմոնյանը խորհուրդ է տվել Կանդելակիին խեցգետիններ ուտել
Արմեն Չարչյան

Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին

30
(Թարմացված է 17:54 22.06.2021)
«Իզմիրլյան» ԲԿ-ի ղեկավարը հավատում է արդարադատությանն ու համոզված է, որ դատարանը ճիշտ վճիռ կկայացնի։

ԵՐԵՎԱՆ, 22 հունիսի - Sputnik․ «Իզմիրլյան» բժշկական կենտրոնի ղեկավար Արմեն Չարչյանը հավատում է, որ դատարանն արդար վճիռ կկայացնի իր դեմ հարուցված քրեական գործով։ Պրոֆեսոր Չարչյանը վստահ է, որ մեղադրանքը «քաղաքական տեռորի» մաս է։ Հիշեցնենք, որ պրոֆեսոր Չարչյանը ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

«Ինձ առաջադրված է մեղադրանք, որը ինձ համար բացարձակ անհասկանալի է, ըստ իս՝ այդ մեղադրանքի մեջ որևէ հանցակազմ չկա, և այն կրում է խիստ քաղաքական բնույթ ու քաղաքական տեռոր է»,- դատարանի մուտքի մոտ լրագրողների հետ զրույցում նշեց բժիշկ Չարչյանը։

Ինչ է վերաբերում է հայտնի ձայնագրությանն ու իրեն ուղղված մեղադրանքին՝ Չարչյանը նշեց՝ իր խոսքերում «հարկադրանք ու պարտադրանք չկա»։

«Ես կարող եմ ձեզ խնդրել, դա պարտադրանք չէ, ես կարող եմ ձեզ հորդորել, դա պարտադրանք չէ, ես կարող եմ ձեզնից պահանջել, և դուք իմ պահանջը չկատարեք, դա նույնպես պարտադրանք չէ։ Այ եթե ես ձեզ խնդրելուց, հորդորելուց ու պահանջելուց հետո որոշակի միջոցներով ստիպեմ, որ դուք դա անեք, այ, էդ դեպքում է պարտադրանք»,- նշեց Չարչյանը։

Նա նաև պարզաբանել է, որ իր և իր անձնակազմի հարաբերություններն առանձնահատուկ են եղել։ Յուրաքանչյուրն, ով դիմել է իրեն հետազոտության, վիրահատության խնդրանքով իր հարազատների համար, միշտ օգնություն է ստացել։ Չարչյանը նշել է, որ ինքը հարգանքով է վերաբերվել յուրաքանչյուր աշխատակցի խնդրանքին՝ մայրապետից մինչև բաժանմունքի պետ, հետևաբար ակնկալում է, որ նրանք էլ իր խնդրանքին պետք է հարգանքով մոտենան։

Վաստակավոր բժշկի խոսքով՝ այն դեպքում, եթե նրանք չհարգեին իր խնդրանքը, ինքն էլ իր մոտեցումը կփոխեր՝ գործելով օրենքի շրջանակներում։

ԿԸՀ–ն թույլատրել է Արմեն Չարչյանին քրեական հետապնդման ենթարկել

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Հունիսի 20-ի գիշերը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարեց պաշտպանների բողոքը, ու Արմեն Չարչյանն առավոտյան դուրս եկավ «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

Ավելի ուշ Հատուկ քննչական ծառայությունը որոշում կայացրեց նրան որպես մեղադրյալ ներգրավելու մասին։ Այսօր Երևան քաղաքի առաջին ատյանի ընդհանուր իրավասության դատարանը, Արմինե Մելիքսեթյանի նախագահությամբ, քննում է Չարչյանին կալանավորելու միջնորդությունը։

30
Ըստ թեմայի
Փաշինյանը պետք է Խաչատրյաններից ներողություն խնդրի․ դատարանը մերժել է բողոքը
Թաթոյանի հայտարարությունը զրպարտություն է, դիմելու եմ դատարան. Վիլեն Գաբրիելյան
Ինչու դատարանը չի հրապարակում Արմեն Չարչյանի վերաբերյալ որոշումը․ պաշտպանն իր վարկածն ունի
Կաշառք

Պատգամավորի թեկնածուն կալանավորվել է ընտրակաշառք տալու համար․ ՀՔԾ

65
(Թարմացված է 16:42 22.06.2021)
Իրավապահները փորձում են բացահայտել ընտրակաշառք բաժանելու հանցավոր սխեմայում ներգրավված բոլոր անձանց։

ԵՐԵՎԱՆ, 22 հունիսի - Sputnik․ Պատգամավորի թեկնածուն կալանավորվել է ընտրակաշառք տալու և խոստանալու մեղադրանքով։ Հատուկ քննչական ծառայության լրատվության բաժինը տեղեկացնում է, որ դատարանն այսօր բավարարել է քննիչի միջնորդությունը՝ որպես խափանման միջոց կալանավորումն ընտրելու վերաբերյալ։

«2021 թվականի հունիսի 20-ին նշանակված ՀՀ ԱԺ արտահերթ ընտրություններին մասնակցելու և կուսակցությունների դաշինքի օգտին կողմ քվեարկելու համար ՀՀ Վայոց Ձորի մարզի Եղեգնաձոր քաղաքում մի խումբ անձանց կողմից ընտրողներին անձամբ և միջնորդների միջոցով կաշառք բաժանելու դեպքերով հիմնավորվել է, որ կուսակցությունների դաշինքի պատգամավորության թեկնածու Գ.Ս.-ն, մի խումբ անձանց հետ նախնական համաձայնությամբ, երկու և ավելի անձանց առաջարկել և տվել է 20.000-ից 30.000 ՀՀ դրամ գումարի չափով կաշառք` կուսակցությունների դաշինքի օգտին կողմ քվեարկելու համար»,- նշված է հաղորդագրության մեջ։

Այսպիսով` Գ.Ս.-ին մեղադրանք է առաջադրվել ՀՀ քրեական օրենսգրքի 154.2-րդ հոդվածի 4-րդ մասի 1-ին և 2-րդ կետերով (ընտրակաշառք տալը):

ՀՔԾ-ն Ազգային անվտանգության ծառայության հետ համատեղ ձեռնարկում է անհրաժեշտ գործողություններ` բոլոր հանգամանքները և ընտրակաշառք բաժանելու հանցավոր սխեմայում ներգրավված բոլոր անձանց ինքնությունը բացահայտելու ուղղությամբ:

Դաշինքի թեկնածուն կձերբակալվի․ նա Վայոց Ձորում կաշառք է բաժանել քաղաքացիներին

Նշենք, որ օրեր առաջ հունիսի 19-ին «Պատիվ ունեմ» դաշինքի ներկայացուցիչ Արսեն Բաբայանը Facebook–ի իր էջում գրել է, որ ձերբակալվել է իրենց դաշինքի պատգամավորության թեկնածու Գոռ Սեդրակյանը։

65
թեգերը:
Հատուկ քննչական ծառայություն (ՀՔԾ), թեկնածու, Կաշառք, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Քաղաքացիների ծայրահեղ հակադիր կարծիքները ընտրությունների արդյունքների մասին. տեսանյութ
Մոսկվան ակնկալում է, որ ընտրությունների արդյունքները կնպաստեն ՀՀ-ի զարգացմանը. Զախարովա
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով
Երեխա, արխիվային լուսանկար

Ողբերգական ավտովթար Արարատում. 16-ամյա տղան մահացել է, 13-ամյա երեխային փորձում են փրկել

0
(Թարմացված է 19:02 22.06.2021)
Մահացած երեխան Վեդիի բնակիչ է, իսկ մյուսը, որի կյանքը փրկելու համար պայքարում են բժիշկները, Երևանի բնակիչ։

ԵՐԵՎԱՆ, 22 հունիսի – Sputnik. Այսօր ողբերգական ավտովթար է տեղի ունեցել Արարատի մարզում, որի հետևանքով 16-ամյա տղա է մահացել։ Տեղեկությունը հայտնում է shamshayn.com-ը։

Ըստ կայքի` ժամը 17:30-ի սահմանում KIA մակնիշի ավտոմեքենան Վեդի-Գոռավան–Արարատ ավտոճանապարհի Գոռավան գյուղի վարչական տարածքում դեռևս անհայտ հանգամանքներում կողաշրջվել է: Վթարի հետևանքով 2 հոգի տեղափոխվել են Վեդու բժշկական կենտրոն:

Մինչ դեպքի վայրում աշխատել են հետաքննիչները, հիվանդանոցից հայտնել են, տուժածներից մեկը մահացել է:

Գցել է գետնին ու կտրել կնոջ պարանոցը. Արտաշատի սարսափելի սպանության մանրամասները

Փաստի առթիվ հարուցվել է քրեական գործ ՀՀ քրեական օրենսգրքի 242–րդ հոդվածի 2-րդ մասի հատկանիշներով (ճանապարհային երթևեկության և տրանսպորտային միջոցների շահագործման կանոնները խախտելը):

Կայքը գրում է, որ մահացածը Վեդի քաղաքի բնակիչ, 16-ամյա Մ. Վարդանյանն է, իսկ տուժածը՝ Երևանի բնակիչ, 13-ամյա Է. Մարտիրոսյանը։

Երևանի կենտրոնում մեքենա է այրվել

 

0
թեգերը:
Մահ, վթար, երեխա, Հայաստան
Ըստ թեմայի
Հավի եփած թևիկներ և հավի մսով փլավ. Լոռիում էքսկուրսիան ավարտվել է ինֆեկցիոն հիվանդանոցում
Վթար Ճամբարակ–Շորժա ճանապարհին. 1 երեխա մահացել է, կա 7 վիրավոր
Վթար Արմավիրի մարզում. 16–ամյա վարորդը և նրա անչափահաս ուղևորները տեղափոխվել են հիվանդանոց
Միհրան Հակոբյանի մեքենայի տակ նռնակ են նետել