Եղնիկ գյուղի ճանապարհները

Գյուղի ճանապարհը 25 տարի չի նորոգվել. մարդիկ լցնում են փոսերը և կրկնակի վճարում տաքսիներին

662
(Թարմացված է 14:06 12.06.2019)
Արագածոտնի մարզի Եղնիկ գյուղ հասնելու համար գյուղացիները տաքսիստներին ստիպված են կաշառել, կամ ջարդել սեփական ավտոմեքենան։

ԵՐԵՎԱՆ, 15 Ապրիլ — Sputnik, Մարո Եղոյան. Արդեն 25 տարի է` Արագածոտնի մարզի Եղնիկ գյուղում ճանապարհաշինության խնդիրը բարձրաձայնվում, բայց լուծում չի ստանում:

Գյուղացիների խոսքով, գյուղի ճանապարհը քարուքանդ անողը հիմնականում գյուղի մոտ գտնվող քարհանքի բեռնատար մեքենաներն են, որոնք ամեն օր անցնում են այդ ճանապարհով։

Состояние дорог в селе Егник, Арагацотн
© Sputnik / Stringer
Եղնիկ գյուղի ճանապարհները

«Ծանր բեռ տեղափոխող մեքենան, որ անցնի ասֆալտի վրայով, հաստատ էդ ասֆալտը չի դիմանա: Ասֆալտն էլ «Նոյի թվի» ասֆալտ է»,– Sputnik Արմենիայի հետ զրույցում ասաց Եղնիկ գյուղի բնակիչ Մ. Ենգիբարյանը:

Գյուղացիները նաև պնդում են, որ վերջին 25 տարվա ընթացքում ճանապարհը երբևէ չի վերանորոգվել, ճանապարհը բարեկարգելու ոչ մի աշխատանք չի կատարվել: Բնակիչներն իրենք իրենց ուժերով են փորձել հարթեցնել այն` հսկա փոսերի մեջ ժամանակ առ ժամանակ ավազ լցնելով:

Состояние дорог в селе Егник, Арагацотн
© Sputnik / Stringer
Եղնիկ գյուղի ճանապարհները

«Ճանապարհների վատ վիճակի պատճառով գյուղում սարքին մեքենա չի մնացել»,– ասում են գյուղացիները: Մեքենաները չվնասելու համար վարորդների մի մասը շրջանցում է ճանապարհը` անցնելով կողքի գյուղով: «Ճիշտ է` ճանապարհը երկարում է , ծախսն էլ` կրկնապատկվում, բայց ի՞նչ արած, ուրիշ տարբերակ չկա»,– ասաց գյուղի` ավտոմեքենա ունեցող բնակիչներից մեկը:

Այնուամենայնիվ, ճանապարհների անբարեկարգ վիճակը միայն ավտոմեքենա ունեցող բնակիչների պրոբլեմը չէ: Նրանք, ովքեր օգտվում են տաքսիներից, գրեթե ամեն անգամ բախվում են նույն խնդրին: Տաքսիստները կամ հրաժարվում են անցել այդ ճանապարհով, կամ կրկնակի գումար են պահանջում գյուղացուց։

Состояние дорог в селе Егник, Арагацотн
© Sputnik / Stringer
Եղնիկ գյուղի ճանապարհները

«Գյուղում մարդ է վատանում, 10 րոպեի ճանապարհը 30-40 րոպեում է գալիս շտապօգնության մեքենան , արդյո՞ք նորմալ է դա»,– ասաց տիկին Թամարան:

Բնակիչներն իրենց այս խնդրի համար շատ անգամ են դիմել մարզպետարան, սակայն գործնական քայլերի փոխարեն լսել են`«գումար լինելու դեպքում կվերանորոգենք» ոչինչ չասող պատասխանը:  

Состояние дорог в селе Егник, Арагацотн
© Sputnik / Stringer
Եղնիկ գյուղի ճանապարհները

Գյուղապետը ճանապարհի վերանորոգման հարցով 2 շաբաթ առաջ  դիմել է Արագածոտնի մարզպետարան, բայց դեռ ոչ մի արձագանք չի ստացել։ Նրա խոսքով, այս պահին ճանապարհաշինության 1 ծրագրի առաջ մարզի 3 գյուղեր են կանգնած։ «Որ գյուղի ճանապարհն ավելի վատ վիճակում լինի, այդ գյուղն էլ կընտրեն և կսկսեն ճանապարհաշինությունը»,– ասաց Եղնիկի գյուղապետ Արծրուն Սարգսյանը։

Գյուղում այսօր անհամբեր սպասում են մարզպետարանի որոշմանը։ Բայց միևնույն ժամանակ նաև այլ մտահոգություն ունեն. եթե անգամ գյուղի ճանապարհն անթերի վերանորոգվի, կարճ ժամանակ անց այն կարող է հայտնվել նույն վիճակում։ Գյուղի ճանապարհը պահպանելու համար գյուղացիներն անհրաժեշտ են համարում քարհանքի մեքենաների համար այլընտրանքային ճանապարհի կառուցումը։

662
թեգերը:
Հայաստան
Մաշտոցի պողոտա, արխիվային լուսանկար

Մյասնիկյան պողոտայից դեպի Սարալանջ տանող թունելը որոշ օրերի փակ կլինի

12
(Թարմացված է 14:53 15.07.2020)
Երևանի քաղաքապետարանը հայցում է քաղաքացիների ներողամտությունը՝ պատճառվող ժամանակավոր անհարմարությունների համար:

ԵՐԵՎԱՆ, 15 հուլիսի - Sputnik. Երևանի քաղաքապետարանը զգուշացնում է, որ առաջիկա մի քանի օրերին, առանձին ժամերի ժամանակավորապես փակ կլինեն Մյասնիկյան պողոտայից դեպի Սարալանջի փողոց տանող տրանսպորտային թունելը:

Որոշումը պայմանավորված է թունելի լուսավորության ցանցի արդիականացման աշխատանքներով:

Այսպես՝ հուլիսի 18-ին և 19-ին` ժամը 08:30-20:00-ն, ժամանակավորապես կդադարեցվի երթևեկությունը Սարալանջի փողոցից դեպի Մյասնիկյան պողոտա, իսկ հուլիսի 25-ին և 26-ին՝ Մյասնիկյան պողոտայից դեպի Սարալանջի փողոց ուղղություններով:

Պատճառվող ժամանակավոր անհարմարությունների համար Երևանի քաղաքապետարանը հայցում է քաղաքացիների ներողամտությունը:

«Հայրենիք» կինոթատրոնի խաչմերուկում արված փոփոխությունն իրեն չի արդարացրել

12
թեգերը:
վարորդ, երթևեկություն, գետնանցում, Երևանի քաղաքապետարան
Ըստ թեմայի
Հանրապետության հրապարակ տանող փողոցներում երթևեկությունը սահմանափակվելու է
Կայանատեղիներ չկան, երթևեկությունը ծանրաբեռնված է. ՃՈ պետը վիճակագրություն է ներկայացրել
Ժամանակավորապես կասեցվում է Երևան-Թբիլիսի-Երևան գնացքների երթևեկությունը
Վրաստանից Ռուսաստան բեռնատար և մարդատար կցորդիչով մեքենաների երթևեկությունը կդադարեցվի
Երևան

Օդի ջերմաստիճանը կհասնի 40 աստիճանի. Վարդավառը կանցնի անոմալ ջերմաստիճանի ներքո

33
(Թարմացված է 14:34 15.07.2020)
Գագիկ Սուրենյանը ՀՀ քաղաքացիներին զգուշացնում է անոմալ բարձր ջերմաստիճանի մասին: Հանրապետության հովտային և նախալեռնային գոտիներում սպասվում է նաև բարձր կարգի հրդեհավտանգ իրավիճակ։

ԵՐԵՎԱՆ, 15 հուլիսի – Sputnik. ՀՀ ՇՄ նախարարության Հիդրոօդերևութաբանության և մոնիթորինգի կենտրոնի տնօրեն Գագիկ Սուրենյանը Facebook-ում գրառում է արել, որտեղ ՀՀ քաղաքացիներին զգուշացրել է առաջիկա օրերին Հայաստանում սպասվող անոմալ բարձր ջերմաստիճանի մասին: Կանխատեսումը վերաբերում է մասնավորապես կիրակի օրվան, երբ Հայաստանում նշվելու է Վարդավառի տոնը և դրան հաջորդող երկուշաբթիին:

«Հուլիսի 19-20-ին Արարատի և Արմավիրի մարզերում, Արագածոտնի նախալեռներում, Սյունիքի հովիտներում և Երևանում, սպասվում է անոմալ բարձր ջերմային ֆոն, ցերեկային ժամերին օդի ջերմաստիճանը կհասնի +38․․․+40 աստիճանի»,- հայտնում է Սուրենյանը։

Նույն օրերին հանրապետության հովտային և նախալեռնային գոտիներում սպասվում է նաև բարձր կարգի հրդեհավտանգ իրավիճակ։

Իսկ աշխատանքային շաբաթվա ընթացքում՝ հուլիսի 15-ի ցերեկը, 16-18-ին առանձին շրջաններում կեսօրից հետո սպասվում է կարճատև անձրև և ամպրոպ, ամպրոպի ժամանակ` քամու ուժգնացում 20-25մ/վրկ:  Առանձին վայրերում սպասվում է նաև կարկուտ:

Հուլիսի 19-20-ին սպասվում է առանց տեղումների եղանակ: Օդի ջերմաստիճանը հուլիսի 18-20-ին աստիճանաբար կբարձրանա 5-7 աստիճանով:

Ոչ մի պարեկություն. ինչու են ռուսական ուղղաթիռները հայտնվել հայ-թուրքական սահմանին

33
թեգերը:
Վարդավառ, ամառ, շոգ, Հայաստան, եղանակ
թեմա:
Եղանակը Հայաստանում
Ըստ թեմայի
Երկաթուղու Թումանյան-Սանահին հատվածում մինչև 12 տոննա քաշով ժայռաբեկոր է ընկել
Ինչ վնասներ են գրանցվել Տավուշում հակառակորդի կրակոցներից. ՔԿ–ն մանարամասներ է ներկայացրել
Ադրբեջանի մայրաքաղաքի հանրահավաքը

Բաքվում բանակի աջակցությանն ուղղված հանրահավաքն անկարգությունների է վերածվել

0
(Թարմացված է 15:02 15.07.2020)
Ցուցարարներից մի քանիսը փորձել են ներխուժել խորհրդարանի շենք։  Ոստիկանությունը ջրցան մեքենաների օգնությամբ ցրել է նրանց, ոմանց էլ` ձերբակալվել։

ԵՐԵՎԱՆ, 15 հուլիսի –Sputnik. Բաքվում ադրբեջանական բանակի աջակցությանն ուղղված չարտոնված հանրահավաք–երթի հետևանքով կան ձերբակալվածներ, ոստիկաններ են ծեծի ենթարկվել։

Հուլիսի 14 լույս 15–ի գիշերը Ադրբեջանի մայրաքաղաքում հանրահավաք է տեղի ունեցել, որը մեկնարկել է Շեհիդների ծառուղուց («Ազատություն Ղարաբաղին» կարգախոսով)։ Այնուհետև հանրահավաքը վերածվել է ցույցի, որը վերահսկողությունից դուրս է եկել։

Участники во время шествия в Баку
Sputnik
Ադրբեջանի մայրաքաղաքի հանրահավաքը

Քրեական գործ է հարուցվել ջարդերի, խորհրդարանի շենք ապօրինի ներխուժման և ցույցի մասնակիցների կողմից ոստիկանների վրա հարձակման փաստերով։

Ինչպես գրում է Sputnik Ադրբեջանը, դեպքի վայր ժամանած մի խումբ անձինք մարդկանց միջև խռովություն են հրահրել, խախտելով հասարակական կարգը։ Նրանք ոստիկանության աշխատակիցների ուղղությամբ քարեր և այլ առարկաներ են նետել։  Անկարգությունների հետևանքով տուժել են 7 ոստիկան, որոնք տարբեր տեսակի մարմնական վնասվածքներ են ստացել։ Բացի այդ, ցուցարարները շրջել ու վնասել են ոստիկանության երկու ավտոմեքենա, վնասել նաև 14 այլ ծառայողական մեքենաներ։

0