Sanitek ընկերության աղբամաններից

Աղբային մղձավանջը Երևանում շարունակվում է. քաղաքապետարանը սպառնում է, Sanitek-ը` անտեսում

139
«Սանիթեք» ընկերությունը անտեսում է երևանցիների բողոքներն ու լրագրողների ահազանգերը, իսկ Երևանի քաղաքապետարանը ոչ մի կերպ չի կարողանում աղբահանության խնդրի արդյունավետ լուծում գտնել։

ԵՐԵՎԱՆ, 11 ապրիլի — Sputnik, Նանա Մարտիրոսյան. Երևանը կրկին թաղված է աղբի մեջ, իսկ տաք եղանակը միայն նպաստում է չհավաքված աղբից բխող գարշահոտի տարածմանը։ Սոցցանցերի օգտատերերը շարունակում են ֆլեշմոբը` տեղադրելով լցված աղբամանների լուսանկարները և իրենց գրառումներում նշելով քաղաքապետարանին և «Սանիթեք» ընկերությանը, սակայն ամեն ինչ ապարդյուն է։

Ընկերությունը, որի պարտականությունն է Երևանում աղբահանություն իրականացնելը, համառորեն անտեսում է բոլոր նկատողությունները` հայտարարություններ տարածելով այն մասին, որ քաղաքում ավելի քան 200 նոր աղբաման է տեղադրված։ «Սանիթեքի» հետ կապ հաստատելը գրեթե անհնար է. դա չեն կարողանում անել ոչ միայն քաղաքի բնակիչները, այլև Sputnik Արմենիայի թղթակիցը, թեև արդեն ավելի քան 10 օր է՝ փորձում դա անել։

Ինչպես պարզվեց, քաղաքապետարանի ներկայացուցիչներին հաջողվում է կապ հաստատել ընկերության կառավարիչների հետ, սակայն դրանից աղբահանության ծառայության որակը չի բարելավվում, և քաղաքային իշխանությունները ստիպված կտրուկ քայլերի են պատրաստվում։

Ավելի վաղ քաղաքապետ Հայկ Մարությանը ընկերությանը վերջնագիր էր ներկայացրել. կամ օպերատորը հարկ եղած ձևով կկատարի իր պարտականությունները, կամ նրան ստիպված կլինեն հրաժեշտ տալ։  Ընկերությունը դեռ լռում է, իսկ քաղաքապետարանը կրկին հայտարարությամբ է հանդես եկել։

Քաղաքային իշխանությունները չեն հերքում այն փաստը, որ աղբահանության հետ կապված իրավիճակը վատթարացել է, և միակ օպերատորի աշխատանքը որևէ քննադատության չի դիմանում։

Միևնույն ժամանակ, քաղաքապետարանը խոստովանել է, որ ընկերությունը աղբահավաք տեխնիկայի բավարար քանակ չունի, մեքենաները մշտապես շարքից դուրս են գալիս, աղբամանները չեն թարմացվում, իսկ եղածները չեն լվացվում, ինչի պատճառով էլ քաղաքում կեղտ ու գարշահոտ է տարածվում։ Քաղաքապետարանում չթաքցրեցին նաև այն հանգամանքը, որ նրանք անդադար լցված աղբամանների լուսանկարներ են ստանում։

Երևանի վարչական շրջանների աշխատողները փորձում են լուծել խնդիրը, սակայն հասարակական տարածքներում սանիտարահիգիենիկ վիճակն ահավոր է։

Քաղաքապետարանը նաև հայտարարել է, որ փորձում է արագացնել խնդրի լուծումը, ամեն օր աշխատելով խնդրի վրա։

Sputnik  Արմենիայի թղթակցի հարցին, թե արդյո՞ք «հարցի լուծման իրավական ընթացակարգը ժամանակ է պահանջում» ձևակերպումը նշանակում է, որ քաղաքապետարանը կխզի պայմանագիրը ընկերության հետ, քաղաքապետարանի մամուլի քարտուղար Հակոբ Կարապետյանն ասաց, «խոսքը նորմալ աղբահանություն իրականացնելու մասին է»։

«Սանիթեքի» հետ պայմանագիրը մնում է ուժի մեջ», – ավելացրեց նա։

Կարապետյանը նշեց, որ ընկերությունը մի շարք պատճառներ է բերում քաղաքում ոչ պատշաճ աղբահանություն իրականացնելու համար։ Քաղաքապետարանն իր հերթին բազմիցս հայտարարել է ընկերությանն ընդառաջ գնալու մասին, սակայն այս իրավիճակը չի կարող հավերժ տևել։

Նշենք, Երևանում աղբահանության խնդիրը սրվեց անցած տարվա ամռանը։ Աղբահանությամբ զբաղվող «Սանիթեք» ընկերությունն իր պարտավորությունները պատշաճ չէր կատարում` բացատրելով դա անսարք տեխնիկայով ու այլ գործոններով։

Ընկերությանը երկու անգամ տուգանել են ընդհանուր առմամբ 50 հազար դոլարի չափով։ Դրանից հետո Հայաստան նոր տեխնիկա են բերել։

Ավելի ուշ Երևանի նոր քաղաքապետ  Հայկ Մարությանը խոստացել էր երկրորդ օպերատոր ներգրավվել, սակայն աղբահանության հետ կապված խնդիրն այդպես էլ լուծում չի ստացել։

139
թեգերը:
«Թավշյա հեղափոխություն», Հայկ Մարության
Ըստ թեմայի
Բանը հասավ Փաշինյանի՞ն. աղբամարտերը Երևանի փողոցներում ու սոցցանցերում
Ինչպես Երևանը կարող է Եվրոպա դառնալ առանց հաչոցի ու աղբի. բոլոր շները Չալոյի բախտը չունեն
Մենք մեզ թունավորում ենք այլոց աղով,իսկ մերը մնում է մրցակցությունից դուրս. ինչպես չխաբվել
Հեղափոխական, թե կոմունիստական շաբաթօրյակ, կամ «Մաքուր Հայաստանի» կեղտոտ երեսը
«Սանիթեքը» պետք է հասկանա` կա՛մ պետք է լավ աշխատի, կա՛մ դուրս մղվի դաշտից. Փաշինյան
Կորոնավիրուսի թեստավորում

Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան

133
(Թարմացված է 19:00 30.05.2020)
Մոլեկուլային կենսաբանության ինստիտուտն ավարտել է լաբորատոր փորձաքննությունները և ԱՆ–ին է դիմել անկախ փորձարկումները կատարելու համար։

ԵՐԵՎԱՆ, 30 մայիսի – Sputnik. ՀՀ վարչապետ Նիկոլ Փաշինյանն այսօր պարետատան նիստից հետո կայացած ճեպազրույցի ընթացքում, անդրադառնալով լրատվամիջոցի այն հարցին, թե ինչու են նվազել թեստավորման քանակները և երբ պատրաստ կլինեն հայկական արտադրության առաջին թեստերը, պատասխանեց, որ թեստավորումներն անցկացվում են ըստ ցուցումների։

«Առողջապահության նախարարը կանոններ է սահմանել, թե որ դեպքում է պետք թեստավորել քաղաքացիներին, ուստի ամեն օր թեստավորվում են այն քաղաքացիներին, որոնց թեստավորելու անհրաժեշտություն է առաջանում։ Ինչ վերաբերվում է թեստերի արտադրությանը, ասեմ, որ Մոլեկուլային կենսաբանության ինստիտուտն ավարտել է լաբորատոր փորձաքննությունները և ԱՆ–ին է դիմել անկախ փորձարկումները կատարելու համար։ Առողջապահության նախարարությունը օրեր հետո այս գործընթացն ավարտին կհասցնի, որից հետո հնարավոր կլինի սկսել թեստերի արտադրությունը»,–ասաց Փաշինյանը։

Հիշեցնենք, որ Մոլեկուլային կենսաբանության ինստիտուտը պլանավորում է օրական նվազագույնը 1000, առավելագույնը 2000-3000 թեստ արտադրել։

Արդյունքում Հայաստանը կունենա ավելի մատչելի թեստեր, քան այն, որը ձեռք է բերում կառավարությունը։

Ծրագրի վրա աշխատել է մոտ 30 մարդ, որոնցից 10-ը` փորձարկումների վրա։ Երբ հերթը հասնի թեստերի արտադրությանը, ինստիտուտում կաշխատեն հերթափոխով։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 251-ով և հասել 8927–ի, գրանցվել է մահվան ևս 7 դեպք։

133
թեգերը:
թեստ, Նիկոլ Փաշինյան, կորոնավիրուս, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Հայաստանը կորոնավիրուսի ցուցանիշով մոտենում է Իտալիային. Փաշինյան
Կորոնավիրուսից մահացել է ԱԺ պատգամավորի հայրը
Ելենա Մալիշևան անդրադարձել է Փաշինյանի` կորոնավիրուսի 2-րդ ալիքի մասին հայտարարությանը
«Սուրբ Գրիգոր Լուսավորիչ բուժկենտրոն

Կորոնավիրուսով վարակվածներից 358–ը ծանր վիճակում են, 58–ը` ծայրահեղ ծանր. Փաշինյան

167
(Թարմացված է 19:32 30.05.2020)
Պարետատան նիստում արձանագրել են, որ կորոնավիրուսը շատ ծանր են տանում շաքարային դիաբետով տառապող և զարկերակային բարձր ճնշում ունեցող հիվանդները։

ԵՐԵՎԱՆ, 30 մայիսի – Sputnik. ՀՀ վարչապետ Նիկոլ Փաշինյանն այսօր պարետատան նիստից հետո կայացած ճեպազրույցի ընթացքում հայտարարեց, որ ճիշտ է, այսօր կորոնավիրուսով վարակվածների թիվը համեմատաբար նվազել է, բայց դա չի կարող որոշիչ դեր ունենալ համաճարակային իրավիճակում։

«Համաճարակային անվտանգության կանոնների խստիվ պահպանումը առաջիկա մեկ տարվա ընթացքում լինելու է անհրաժեշտություն։ Այն, որ այսօր չեն պահպանվում այդ անվտանգության կանոնները, վկայում է այն, որ վերջին 3 օրվա ընթացքում ոստիկանությունը կազմել է շուրջ 1300 արձանագրություն»,–ասաց Փաշինյանը` նշելով, որ նույնիսկ բացօթյա առևտրի պարագայում թե՛ գնորդը, թե՛ վաճառողը պետք է լինեն դիմակով։

Նա հայտնեց, որ երեկվա դրությամբ Հայաստանում կա 358 ծանր, 58 ծայրահեղ ծանր պացիենտ, իսկ 15 մարդ միացված է թոքերի արհեստական շնչառական համակարգին։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 251-ով և հասել 8927–ի։ Այսօր գրանցվել է մահվան 7 դեպք։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով լինեն։ Դիմակների առկայությունը պարտադիր է նաև բոլոր փակ տարածություններում։

Դիմակ կրելով կյանքեր կփրկեք. ԱԻՆ-ի մեքենաները շրջում են բակերով և իրազեկում. տեսանյութ

167
թեգերը:
կորոնավիրուս, Նիկոլ Փաշինյան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայաստանը կորոնավիրուսի ցուցանիշով մոտենում է Իտալիային. Փաշինյան
Աշխարհում կորոնավիրուսով վարակվածների թիվը հատել է 6 միլիոնի սահմանագիծը
Կորոնավիրուսից մահացել է ԱԺ պատգամավորի հայրը
Սարդարապատի ճակատամարտի ժամանակ օգտագործված զենք

Եպիսկոպոսը խորհուրդ էր տալիս նշան բռնել գլխին․ հայ հոգևորականն ու Սարդարապատի ճակատամարտը

38
(Թարմացված է 21:44 30.05.2020)
Մի քանի հայ հոգևորականներ օգնել են փարատել հայկական զորքի բարոյալքված վիճակը և Էջմիածնի մատույցներում մարտնչել թուրքերի դեմ։

ԵՐԵՎԱՆ, 30 մայիսի – Sputnik. «Սարդարապատ» թանգարանի տնօրեն Կարեն Փահլևանյանը Sputnik Արմենիային պատմեց, որ Սարդարապատի ճակատամարտի ժամանակ եպիսկոպոս Գարեգին Հովսեփյանն անձամբ է հայ «դիպուկահարներին» հրահանգել նշան բռնել հակառակորդի գլխին։

Директор Национального музея этнографии армян и истории освободительной борьбы в Мемориальном комплексе Сардарапат Карен Пахлеванян
© Sputnik / Aram Nersesyan
Կարեն Փահլևանյան

1918թ․-ի մայիսի կեսին տարածաշրջանում իրավիճակը ծանր էր։ Բրեստ-Լիտովսկի պայմանագրի ստորագրումից և Բաթումը, Արդահանն ու Կարսը գրավելուց հետո թուրքերը շարունակում էին գրոհը Էջմիածնի ուղղությամբ։ Հայոց քաղաքական և ռազմական ղեկավարությունը նախազգուշացրեց կաթողիկոս Գևորգ Ե Սուրենյանցին, որ ժամանակն է լքել Էջմիածինը և տեղափոխվել Բջնի, Բյուրական կամ Սևան, բայց կաթողիկոսը մերժեց։

Կաթողիկոսն ասաց, որ եթե հայկական զորքն ի վիճակի չէ պաշտպանել իրեն, պաշտպանել քրիստոնեությունը, ապա ինքը պատրաստ է մնալ Էջմիածնում։ Եվ Սարդարապատի հերոսամարտի օրերին հոգևորականությունը զորքի կողքին մնաց՝ ռազմաճակատի առաջին գծում։

«Թվում է՝ հոգևորականությունը պետք է հանդես գար ընդդեմ սպանության, առավել ևս՝ չպետք է գտնվեր իրադարձությունների էպիկենտրոնում։ Բայց ոչ այս դեպքում»,-ասաց Փահլևանյանը։

Այն ժամանակ խաղասեղանին էր դրված ազգի ֆիզիկական ինքնապահպանման հարցը։ Եպիսկոպոս Գարեգին Հովսեփյանը (հետագայում՝ Մեծի Տանն Կիլիկիո կաթողիկոս) Հայաստանի ամենակրթված մարդկանցից էր, սովորել էր արտասահմանում։

Հենց նա էլ ռադիոյով դիմեց զորքին, ու նրա խոսքը ոգեշնչեց հուսալքված մարդկանց։

Թուրքերի դեմ պայքարի դուրս եկան ոչ միայն զինվորները, այլև սովորական գյուղացիները, հողագործները, որսորդները։ Այն ժամանակ հենց որսորդներն էին դառնում լավագույն «դիպուկահարները»։

Մի պատմություն է պահպանվել այդպիսի որսորդներից մեկի՝ Զարզանդի և Գարեգին եպիսկոպոսի խոսակցությունից։

Մենք մի պատասխան ունենք աշխարհին. Գագիկ Գինոսյանը երիտասարդների հետ պարում է Սարդարապատում

«Երբ Զարզանդը կրակում էր հակառակորդին, Գարեգինը քմծիծաղով ասում էր` գլխին չկպավ։ Նա համարում էր, որ կրակոցները պետք է դիպուկ լինեն»,-պատմեց Փահլևանյանը` ուշադրություն հրավիրելով զինամթերքի պակասության և դրա արդյունավետ օգտագործման անհրաժեշտության վրա։

Իհարկե, այս պատմությունը գեղարվեստական տարր ունի, բայց կոնկրետ մարդկանց անուններ և գյուղերի անվանումներ են նշվում։

Ճակատամարտին մասնակցած հոգևորականների հստակ թիվը հայտնի չէ։ Բայց ամբողջ Գևորգյան ճեմարանը այնտեղ է եղել, ուստի կարելի է խոսել մոտ 300 հոգևորականի մասնակցության մասին։

Առհասարակ հոգևորականները հսկայական դեր են խաղացել զորքի հոգեբանական և բարոյական աջակցության հարցում։ Չպետք է մոռանալ, որ ընդամենը մի քանի տարի առաջ էր ցեղասպանությունը սկսվել, և Հայաստանում հարյուր հազարավոր փախստականներ կային, սով էր ու ավերածություններ։

Եվ ահա այդպիսի պահին պատմական հրաշք կատարվեց։ Իզուր չէ, որ որոշ պատմաբաններ Սարդարապատի ճակատամարտը համեմատում են Ավարայրի ճակատամարտի հետ և նույնիսկ ավելի կարևոր են համարում։

Տոնի տխուր կողմը. Սարդարապատի հերոսամարտի հուշահամալիրում մայիսի 28–ին մարդ չկա

38
թեգերը:
Սարդարապատ, Հայաստան
Ըստ թեմայի
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը
Ամենադժվարն առաջին անկախությունն էր. ինչով են նման Առաջին և Երրորդ հանրապետությունները
Հայաստանի 1-ին Հանրապետության և Սարդարապատի հերոսամարտի 100-ամյակը` լուսանկարներով
Կենաց-մահու կռիվ, որ պետականության վերականգնման արժեք ունեցավ. Սարդարապատից մինչև…