Գյումրու կենդանաբանական այգի

Կալանք՝ ծիծաղելի տուգանքի փոխարեն. կենդանիների հանդեպ բռնությունը ՀՀ-ում քրեականացնում են

288
Խորհրդարանականները և կենդանիների պաշտպաններն առաջարկում են քրեականացնել կենդանիների նկատմամբ դաժան վերաբերմունքը և մի քանի անգամ բարձրացնել տուգանքները։

ԵՐԵՎԱՆ, 9 ապրիլի — Sputnik. Հայաստանում սկսվել է կենդանիների հանդեպ բռնությունը քրեականացնելու գործընթացը։ Առիթ է դարձել սոցիալական ցանցերում վերջերս տարածված արնաթաթախ շան լուսանկարը։ Պատգամավոր Նաիրա Զոհրաբյանը նախաձեռնել և շրջանառության մեջ է դրել Քրեական օրենսգրքում շտկումները և առաջարկում է ձերբակալել բոլորին, ովքեր դաժանաբար են վարվում շների հետ կամ ուղղակի չեն կատարում տիրոջ պարտականությունները։

Պատգամավորն առաջարկում է 258 հոդվածին կետ ավելացնել, որը քրեական պատիժ կամ տուգանք է նախատեսում դաժան վերաբերմունք ցուցաբերած անձի նկատմամբ, որի արդյունքում կենդանին սատկել է կամ խեղվել։ Առաջարկվում է տուգանք կիրառել աշխատավարձի հարյուրապատիկի կամ երեքհարյուրապատիկի չափով կամ ազատությունից զրկել երեք ամսից մինչև 2 տարի ժամկետով։ Եթե բռնությունը հրապարակվել է սոցիալական ցանցերում, ապա անձը կարող է երկու տարով զրկվել ազատությունից։

Սոցիալական ցանցերում տվյալ շտկումներն առաջացրել են կենդանասերների բուռն արձագանքը, սակայն կան մարդիկ, որոնք մտավախություններ ունեն այդ առիթով։ Վերջինները չեն բացառում, որ օրենքը կօգտագործվի բյուջեի մուտքերն ավելացնելու և հազվագյուտ կենդանիներին խլելու համար։

«Pro Paws» բարեգործական միության նախագահ Նարե Արամյանը նշեց, որ կենդանիների պաշտպաններն ամբողջ աշխարհում հենց լրացուցիչ բյուջետային միջոցներով փորձում են գայթակղել պաշտոնյաներին` նման օրենքներ ընդունելու համար։ Սակայն, նրա կարծիքով, օրենքը կօգնի ոչ միայն բացառել կենդանիների նկատմամբ դաժան վերաբերմունքի դրսևորումները, այլ նաև կբարձրացնի հասարակական գիտակցությունն ու զգոնությունը։

«Անշուշտ, անհրաժեշտ են փոփոխություններ քրեական և վարչական օրենսգրքերում, քանի որ հիմա կենդանիների նկատմամբ բռնությունը և դաժան վերաբերմունքը պատժվում են ծիծաղելի տուգանքներով։ Պատիժը պետք է խիստ լինի, բայց համարժեք կատարված արարքին», – ասաց նա։

Արամյանը նշեց, որ առայժմ ներկայացված է նախագիծ, որը լրացումների, քննարկումների և փոփոխությունների կարիք ունի, սակայն «Կենդանիների պաշտպանության մասին» առանձին օրենքի անհրաժեշտություն կա, որը վերջնականապես կարգի կբերի այդ ոլորտը։

Նշենք, որ տվյալ պահին կենդանիների նկատմամբ դաժան վերաբերմունքը պատժվում է վարչական օրենսգրքով և նվազագույն աշխատավարձի երեսունապատիկից մինչև հիսունապատիկի չափով, իսկ բարձրաստիճան անձանց դեպքում` նվազագույն աշխատավարձի ութսունից մինչև հարյուրապատիկի չափով։

288
թեգերը:
ՀՀ Ազգային ժողով, Հայաստան
Ըստ թեմայի
Կառավարությունը կովերին LED լամպերով ու ռետինե ներքնակներով էլիտար գոմեր է առաջարկում
ՀՀ–ն կենսաբանական պաշտպանվածության առումով շատ թույլ է. Գրիգորյան
Երևանի կենդանաբանական այգու վագրի մոտ արյան լեյկոզ կա, թե՞ ոչ. զարգացումներ`սկանդալի շուրջ
Տուգանքները նորից կբարձրանան. որսագողության դեմ պայքարը կպաշտպանի ընձառյուծներին
Շտապօգության մեքենաներ. արխիվային լուսանկար

Գեղարքունիքում մի կենդանու պատճառով 4 երիտասարդ հիվանդանոցում են հայտնվել

58
Երիտասարդները մարմնական տարբեր վնասվածքներով հոսպիտալացվել են Ճամբարակի բուժկենտրոն, որտեղ բժիշկները նրանց վիճակը գնահատել են բավարար։

ԵՐԵՎԱՆ, 5 հուլիսի - Sputnik. Ժամեր առաջ ավտովթար է տեղի ունեցել Գեղարքունիքի մարզի Դրախտիկ գյուղի մոտակայքում։ ԱԻՆ մամուլի ծառաությունը հայտնում է, որ վթարի մասին ահազանգը ժամը 13:48-ին է ստացվել Ճգնաժամային կառավարման ազգային կենտրոնում։

Դեպքի վայր մեկնած փրկարարները պարզել են, որ Ճամբարակ-Ծովագյուղ ավտոճանապարհի 25-րդ կմ-ին 25-ամյա Ալեքսանդր Մ.-ի վարած «Mazda» մակնիշի ավտոմեքենան վրաերթի է ենթարկել կենդանու և հայտնվել ճանապարհի երթևեկելի հատվածից դուրս։
Վթարի պահին մեքենայում երեք ուղևոր է եղել. 22-ամյա Գոռ Գ.-ն, 23-ամյա Մհեր Խ.-ն, 25-ամյա Դավիթ Խ.-ն։

Երիտասարդները մարմնական տարբեր վնասվածքներով հոսպիտալացվել են Ճամբարակի բուժկենտրոն։

Գեղարքունիքում «ջիփեր» և «դղյակներ» ունեցող 983 ընտանիքի նպաստը կտրել, կովեր են առել

Բժիշկները տուժած երիտասարդների առողջական վիճակը գնահատել են բավարար։

Փրկարարները հոսանքազրկել են ավտոմեքենան և փակել գազի բալոնի փականը։

Ապարան-Վարդենիս ավտոճանապարհին «ԳԱԶել» է կողաշրջվել

58
թեգերը:
Երիտասարդ, Տուժածներ, կենդանի, ավտովթար, վթար, Գեղարքունիքի մարզ
թեմա:
Վթար, պատահար, սպանություն, գողություն
Ըստ թեմայի
ՃՏՊ Սյունիքի մարզում. մեքենաներից մեկի ղեկին եղել է 15 տարեկան պատանի
ՃՏՊ Կոտայքի մարզում. 4 մարդ է տեղափոխվել հիվանդանոց
ՃՏՊ Վարդենիս-Մարտունի ճանապարհին․ կա 6 տուժած
Ռոբերտ Քոչարյան. արխիվային լուսանկար

Ռոբերտ Քոչարյանը ցույց է տվել՝ ինչպես է զբաղվում սպորտով. տեսանյութ

67
(Թարմացված է 20:28 05.07.2020)
Գրավի դիմաց ազատ արձակվելուց հետո ՀՀ երկրորդ նախագահը չի մոռանում մարզավիճակի մասին ու սպորտով է զբաղվում։

ԵՐԵՎԱՆ, 5 հուլիսի — Sputnik. Չնայած առողջական որոշ խնդիրներին՝ ՀՀ երկրորդ նախագահ Ռոբերտ Քոչարյանը շարունակում է ակտիվ ու առողջ ապրելակերպ վարել։ Քոչարյանի ֆեյսբուքյան էջում տեսանյութ է հրապարակվել․ այնտեղ նա լողով է զբաղվում։

Հունիսի 19-ի երեկոյան նախկին նախագահ Ռոբերտ Քոչարյանը գրավի դիմաց ազատ է արձակվել ու տուն վերադարձել։ Հայտնի է, որ նա պետք է ավարտի իր բուժումը «Իզմիրլյան» բժշկական կենտրոնում, որտեղ նրան վիրահատել են մայիսի 12-ին։

«Վերադարձ ակտիվ սպորտային կյանքին», - գրված է լուսանկարին կից։

Բացի այդ, երկրորդ նախագահի կողմնակիցների էջում տեսանյութ է հրապարակվել, թե ինչպես է նա լողով զբաղվում։

«Ռոբերտ Քոչարյանը՝ առողջ ապրելակերպի հետևորդ»,- մեկնաբանել են տեսանյութը։

Տեսանյութում երևում է, որ նախկին նախագահը բաթերֆլյայ ոճով է լողում։ Դա լողի ամենահոգնեցուցիչ ու տեխնիկապես ամենաբարդ ոճերից է։

Ի դեպ, Քոչարյանը մեկուսարանում էլ չէր մոռանում ֆիզիկական վիճակը պահպանելու մասին ու յոգայով էր զբաղվում։

Հիշեցնենք՝ Վերաքննիչ քրեական դատարանի դատավոր Արսեն Նիկողոսյանը հունիսի 18-ին մասնակի բավարարել էր Քոչարյանի կալանքը փոխելու միջնորդությունները մերժելու մասին` դատարանի որոշման դեմ բողոքը։ Քոչարյանն ազատ էր արձակվել 2 մլրդ դրամ գրավի դիմաց։

ՀՀ երկրորդ նախագահին մեղադրանք է առաջադրվել 2008 թ–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։

2018թ-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ:

Երկրորդ նախագահին նաև կաշառք ստանալու մեղադրանք է առաջադրված։

Ռոբերտ Քոչարյանը խաղում է թոռնիկների հետ. փոքրիկ Դավիթը չի կարողանում զսպել էմոցիաները

67
թեգերը:
տեսանյութ, սպորտ, լողավազան, Լողազգեստ, Ռոբերտ Քոչարյան
Ըստ թեմայի
«Նորից միասին»․ Բելլա Քոչարյանը ամուսնու հետ լուսանկար է հրապարակել
Դատախազությունը Քոչարյանին գրավի դիմաց ազատ արձակելու որոշման դեմ բողոք է ներկայացրել
Առաջինը ո՞ր դիմումը կքննի ՍԴ–ն. Քոչարյանի պաշտպանը մեկնաբանել է ստեղծված իրավիճակը
Շանքար Կուրադեն

Հնդիկ տղամարդը մոտ 4000 դոլար է վճարել ոսկե դիմակի համար, բայց գիտի, որ դա իրեն չի փրկի

0
(Թարմացված է 21:03 05.07.2020)
Ոսկե դիմակը կշռում է մոտ 56,7 գրամ։ Շանքար Կուրադեն գիտի, որ նույնիսկ այդքան թանկ դիմակն արդյունավետ չէ, եթե սոցիալական հեռավորություն չես պահպանում։

ԵՐԵՎԱՆ, 5 հուլիսի - Sputnik. Հնդկաստանի Մահարաշտրա նահանգի բնակիչ Շանքար Կուրադեն կորոնավիրուսի համավարակից պաշտպանվելու համար հատուկ դիմակ է պատվիրել՝ ամբողջությամբ ոսկուց։ ՌԻԱ Նովոստիին նա պատմել է, թե որտեղից է ծնվել ոսկեզօծ պաշտպանիչ դիմակի գաղափարը։

«Ոսկե դիմակ պատրաստելու գաղափարը մտքումս ծնվեց, երբ տեսա մի մարդու արծաթյա դիմակով։ Քանի որ ես սիրում եմ ոսկի և կրում եմ ծանր ոսկե շղթաներ, մատանիներ, որոշեցի՝ ինչո՞ւ ես էլ ոսկե դիմակ չկրեմ»,- պատմել է հնդիկ տղամարդը։

Նրա ոսկե դիմակը կշռում է մոտ 56,7 գրամ։ Դրա համար Շանքար Կուրադեն 289 հազար ռուփի է վճարել (մոտավորապես 3870 դոլար)։

Նա հավելել է, որ դիմակի մեջ շնչելու համար փոքրիկ անցքեր են արված։

«Ինչ վերաբերում է դիմակի արդյունավետությանը, մենք գիտենք, որ դիմակները բավարար չեն, դեռ պետք է սոցիալական հեռավորություն պահպանել։ Այդ պատճառով ոսկե դիմակով փողոց դուրս գալիս ես նույնպես պատշաճ կերպով հետևում եմ հեռավորության պահպանմանը»,- նշել է Կուրադեն։

Իրանն անցնում է «դիմակային ռեժիմի». կորոնավիրուսով վարակվածների թիվն աճում է

Նրա խոսքով ՝ դիմակը գրավել է տեղի բնակիչների և լրատվամիջոցների ուշադրությունը։

«Ես հայտնվեցի ուշադրության կենտրոնում, երբ ոսկե դիմակով փողոց դուրս եկա։ Չնայած իմ ընտանիքի՝ ոսկով հետաքրքրվելը հայտնի է այս տարածաշրջանում, ոսկե դիմակը բոլորովին նոր բան է, այդ պատճառով էլ մարդկանց հետաքրքիր է», - հավելել է նա։

Նշենք՝ Հնդկաստանը կորոնավիրուսով վարակվածների թվով աշխարհում երրորդ տեղում է՝ «զիջելով» միայն ԱՄՆ-ին և Բրազիլիային։

Worldometers կայքի հուլիսի 5-ի տվյալներով՝ երկրում կորոնավիրուսով վարակվել է 695 396 մարդ. նրանցից 423 001-ն ապաքինվել են, 19 692 -ը՝ մահացել։

 

0
թեգերը:
Հնդկաստան, կորոնավիրուս, Ոսկի, դիմակ
թեմա:
Կորոնավիրուսը Չինաստանում և աշխարհում
Ըստ թեմայի
Սև, սպիտակ, մոխրագույն․ ի՞նչ վտանգներ են պարունակում հայերի սիրած գունավոր դիմակները
Հայաստանում նորաձև են դառնում կտորե դիմակները. նախարարը կոչ է անում մոդայի հետևից չընկնել
«Դժվար է այն համատեղել լուքիս հետ»․ հայտնի հայերը, դիմակներն ու Նիկոլ Փաշինյանը