Վարդանյան եղբայրների ելույթը Britain's Got Talent-ում

Վարդանյանների վտանգավոր հնարքը շոկի մեջ է գցել Britain's Got Talent դիտողներին. տեսանյութ

381
(Թարմացված է 15:08 07.04.2019)
Եղբայրները կրկնել են հնարքը, որով ցնցել էին ռուսական Առաջին ալիքի «Փառքի րոպե» մրցույթի ժյուրիին։

ԵՐԵՎԱՆ, 7 ապրիլի — Sputnik. «Փառքի րոպե» մրցույթում հաջողությունից հետո Վարդանյան եղբայրները փորձել են իրենց ուժերը Բրիտանիայում։ Ուժային ակրոբատներ Գևորգը և Անդրանիկը ելույթ են ունեցել Britain's Got Talent նախագծի 2019թ-ի եթերաշրջանի առաջին շոուում։

Եղբայրները կրկնել են հնարքը, որով ցնցել են ռուսական Առաջին ալիքի «Փառքի րոպե» մրցույթի ժյուրիին։ Նրանք պահել են հավասարակշռությունը մեկը մյուսի գլխի վրա՝ բերանի մեջ պահած թրերով։ Նրանց առաջին փորձը չի հաջողվել, սակայն հաղորդավար Էնթոնի Մակ Փարթլինը խնդրել է նրանց չհանձնվել և կրկին փորձել։ Դահլիճում վախեցած ձայներ են հնչել։

Ժյուրիի անդամներից մեկը՝ Սայմոն Քոուելը, խոստովանել է․ «Քիչ էր մնում որոշեի, որ դա ձեզ չի հաջողվի։ Մենք բոլորս շոկի մեջ էինք։ Դա ամենավտանգավոր հնարքն է, որը երբևէ տեսել եմ այս շոուում»։ Նշենք, որ Քոուելը ժյուրիի անդամ է 2017թ-ից։

2017թ-ին Վարդանյանները եղել են Sputnik Արմենիայում՝ ներկայացնելով իրենց ելույթներից մեկը։

381