Արսեն Թորոսյան

Յուրաքանչյուր 72 ժամը մեկ կին է մահանում դրանից. Արսեն Թորոսյանը գրել է վարակի մասին

289
Առողջապահության նախարարը հարց է տալիս` արդյո՞ք «պայքարողները» և նրանց համակարգողները պատասխան կտան չփրկված կյանքերի համար։

ԵՐԵՎԱՆ, 6 ապրիլի – Sputnik. Յուրաքանչյուր 36 ժամը մեկ մեր երկրում ախտորոշվում է արգանդի վզիկի քաղցկեղ մեկ կնոջ մոտ, իսկ յուրաքանչյուր 72 ժամը մեկ` մեկ կին մահանում է դրանից: Facebook սոցիալական ցանից իր էջում այս մասին գրել է ՀՀ առողջապահության նախարար Արսեն Թորոսյանը։

ՄՊՎ–ի դեմ պատվաստանյութը բացասաբար չի ազդում ապագա հղիության վրա. Տերմենջյան

«Պապիլոմավիրուսային վարակի դեմ պատվաստումը կանխարգելում է մերօրյա տարածված այս հիվանդությունը՝ քաղցկեղը, ապահովելով հիվանդության արդյունավետ վերահսկում և դրանից մահացության կրճատում: Արդյո՞ք սրա դեմ «պայքարողները» և նրանց համակարգողները պատասխան կտան չփրկված կյանքերի համար»,– նշել է նա։

ՄՊՎ-ն վիրուսների խումբ է, որը վարակում է մաշկը կամ տարբեր լորձաթաղանթները (օրինակ` բերանի կամ արգանդի պարանոցի): Այս վիրուսների տեսակների մեծ մասը վտանգավոր չեն, սակայն ՄՊՎ-ի առավել տարածված տեսակները կարող են առաջացնել սեռական գորտնուկներ, արգանդի պարանոցի քաղցկեղ և այլ հիվանդություններ: Կյանքի ընթացքում մարդկանց շուրջ 80% ենթարկվում է այս վիրուսի որևէ տեսակով վարակման ռիսկին։

289
թեգերը:
Արսեն Թորոսյան, Հայաստան
Ըստ թեմայի
Բադալյան. «Պապիլոմա վիրուսի դեմ պատվաստման հետևանքով կարող է ուշագնացություն լինել»
Ովքեր և որքան են վճարում Հայաստանին «Գարդասիլ» պատվաստանյութը կիրառելու համար
Սկանդալ «Գարդասիլ» պատվաստանյութի շուրջ․ պատվաստվածներին անպտղությո՞ւն է սպառնում
Տերմենջյան. «Արգանդի վզիկի քաղցկեղի առաջացման հիմնական պատճառը հենց պապիլոմա վիրուսն է»
Արայիկ Հարությունյան

«Բավականին լավ է կազմակերպված». նախարարը ներկայացրել է քննության ընթացքը. տեսանյութ

21
(Թարմացված է 13:05 04.07.2020)
Արայիկ Հարությունյանն Արտաշատի դպրոցներից մեկն է այցելել, որտեղ ընթանում են միասնական քննություններ։ Նախարարը, ծանոթանալով կազմակերպման ընթացին, ասաց, որ պրոցեսին մի փոքր խանգարում են ծնողները։

ԵՐԵՎԱՆ, 4 հուլիսի — Sputnik. ՀՀ կրթության, գիտության, մշակույթի և սպորտի նախարար Արայիկ Հարությունյանը Արարատի մարզպետ Գարիկ Սարգսյանի հետ այսօր այցելել է Արտաշատի թիվ 1 հիմնական դպրոց, որտեղ անցկացվում են միասնական քննություններ:

«Բավականին լավ է կազմակերպված ամեն ինչ»,-Facebook–ի իր էջում ասաց Հարությունյանը` ուղիղ եթերով ներկայացնելով քննության կազմակերպման գործընթացը:

Այսօր դիմորդները քննություն են հանձնում «Աշխարհագրություն» (286 դիմորդ), «Հայոց պատմություն» (1598) և «Քիմիա» (349) առարկաներից:

Նախարարը ցուցադրեց, որ քննասրահ մտնելուց առաջ դիմորդները պահում են սոցհեռավորությունը, այնուհետև ներսում ջերմաչափում են նրանց, ախտահանում ձեռքերը։ Հարությունյանին նույնպես դպրոց մտնելիս ջերմաչափեցին։

Այնուհետև նախարարը մարզպետի հետ շրջեց քննասենյակներով ու համոզվեց` այնտեղ նույնպես անհրաժեշտ սոցիալական հեռավորությունը պահպանված է։

«Այս պրոցեսին մի փոքր խանգարում են ծնողները, որոնք կուտակվում են դրսում` դարպասների մոտ, բայց այս պահին կարծես ամեն ինչ նորմալ է»,–ասաց նա` հավելելով, որ հաջորդ` հուլիսի 6-ին կայանալիք մաթեմատիկայի քննությանը կայցելի Կապանի դպրոցներից մեկը։

Նշենք, որ Գնահատման և թեստավորման կենտրոնի մամուլի խոսնակ Խաչանուշ Գրիգորյանը հայտնում է, որ միասնական քննությունների համար ձևավորված 47 քննական կենտրոնից այսօր գործելու է 23-ը, որից 8-ը՝ մայրաքաղաքում:

Միասնական քննությունները մեկնարկում են. պարսկերենից քննություն հանձնող չի լինի

Հիշեցնենք, որ միասնական քննությունները կավարտվեն հուլիսի 8-ին։ Այս տարի կորոնավիրուսով պայմանավորված իրավիճակով դիմորդները մեկ քննությամբ բուհ կընդունվեն, իսկ քննությունները կկազմակերպվեն մեկ փուլով։

21
թեգերը:
Գարիկ Սարգսյան, Արարատի մարզ, Քննություն, դպրոց, Նախարար, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Ըստ թեմայի
ԿԳՄՍՆ–ն փոխում է դպրոցական բարքերը. գնահատականով չեն պատժի, նույն դասարանում չեն թողնի
Լավագույն տարբերակը կլինի, եթե դպրոցները բացվեն. նախարարը դիմել է ուսուցիչների օգնությանը
Պարտադիր առարկաները կնվազեն, աշակերտներին չեն համեմատի իրար հետ. նոր փոփոխություններ
Կորոնավիրուսով վարակված տղամարդ

Կորոնավիրուսից հետո խանգարումնե՞ր են ի հայտ գալիս. գիտնականների նոր բացահայտումը

107
(Թարմացված է 00:33 04.07.2020)
Բժիշկներն ուսումնասիրություն են անցկացրել, որը ցույց է տվել, որ կազդուրվելուց հետո պացիենտներից շատերը նույն զգացողություն են ունենում։

ԵՐԵՎԱՆ, 4 հուլիսի – Sputnik. Journal of Endocrine Society–ն ներկայացրել է Շրի Լանկայի ազգային հիվանդանոցի բժիշկների ուսումնասիրության արդյունքը, ըստ որի` կորոնավիրուսը կարող է էնդոկրին համակարգի խանգարումներ առաջացնել։

Ապաքինվելուց հետո պացիենտների մոտ կարող է հոգնածության զգացողություն ի հատ գալ։ Գիտնականները կարծում են, որ դա կապված է մակերիկամների ֆունկցիայի խանգարման հետ, որի դեպքում օրգանիզմը բավարար չափով կորտիզոլ չի արտադրում։

Շրի Լանկայի բժիշկները նման եզրակացության են հանգել, երբ ուսումնասիրել են SARS-CoV-1–ով վարակված ու առողջացած մարդկանց։ SARS-CoV-1–ն ատիպիկ թոքաբորբի բռնկման հարուցիչ է դարձել 17 տարի առաջ, և այդ վիրուսը 80%–ով նման է SARS-CoV-2–ին։

Գիտնականները զգուշացրել են` ապաքինվելուց հետո կորոնավիրուսի հակամարմիններն անհետանում են

Միաժամանակ բժիշկները վստահեցրել են, որ նախորդ դեպքում պացիենտները մեկ տարվա ընթացքում լիովին կազդուրվել են։

Ներկա պահին աշխարհում կորոնավիրուսով վարակված անձանց թիվը հատել է 11 միլիոնի սահմանը։ Վարակի զոհ է դարձել ավելի քան 526 հազար մարդ։

Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները

107
թեգերը:
կորոնավիրուս, գիտնական
թեմա:
Կորոնավիրուսը Չինաստանում և աշխարհում
Ըստ թեմայի
Գիտնականներին հաջողվել է գտնել կորոնավիրուսի թույլ կողմերը
Գիտնականները պարզել են, թե ինչ հոգեբանական խանգարումներ է առաջացնում կորոնավիրուսը
Ինչպես երջանիկ զգալ համավարակի պայմաններում. գիտնականները ստացել են բանաձևը
Ռուս գիտնականները կորոնավիրուսի դեմ պատվաստանյութը փորձարկել են իրենց վրա
Кадр из фильма Одиноким предоставляется общежитие

Ֆրունզիկ, այնտեղից հետևիր մեզ. խորհրդային կինոյի հայտնիները պատմել են Մհեր Մկրտչյանի մասին

0
(Թարմացված է 14:22 04.07.2020)
Մհեր Մկրտչյանի 90-ամյակն է, ինչի առթիվ նրա հետ աշխատած դերասանները պատմել են իրենց հուշերի մասին` ներկայացնելով այնպիսի դեպքեր, որոնք հանրությանը հայտնի չեն։

ԵՐԵՎԱՆ, 4 հուլիսի — Sputnik. «Ֆրունզի՛կ,  երբեմն այնտեղից հետևի՛ր մեզ, մենք քեզ հիշում ու սիրում ենք»․Մհեր Մկրտչյանի գործընկերուհին` «Ունայնություն ունայնությանց» (Суета сует)  ֆիլմի ռեժիսոր, ՌԴ ժողովրդական արտիստ Ալլա Սուրիկովան այսպես է սկսել իր վիդեոուղերձը` շնորհավորելով Մհեր Մկրտչյանի ծննդյան 90-ամյակը։

Երևանում «Մոսկվայի տուն» կենտրոնը Մհեր Մկրտչյանի 90-ամյակի առթիվ կապ է հաստատել դերասանի ռուս գործընկերների հետ, որոնք հիշել են հայ մեծանուն արտիստին ու պատմել հետաքրքիր պատմություններ իրենց համատեղ աշխատանքներից։

Ալլա Սուրիկովան հիշում է, որ «Суета сует» ֆիլմում Ֆրունզիկին դերի համար միանգամից չեն հաստատել։ Ֆիլմի սցենարիստը չէր համակերպվում Ֆրունզիկի հայկական ակցենտի հետ։ Խնդիրը լուծելու համար հեղինակը գրում է հատուկ դրվագ, որը միանգամից փոխում է ամեն ինչ։ «Հիշում եք`  ֆիլմում հերոսուհին՝ Գալինա Պոլսկիխը, Ֆրունզիկին ասում է, թե այսքան ժամանակ ապրում ես Մոսկվայում, բայց այդպես էլ չսովորեցիր նորմալ ռուսերեն խոսել։ Ի պատասխան Ֆրունզիկի հերոսն ասում է. «Ռուսաց լեզուն այնքան հարուստ է, իսկ ես աղքատ մարդ եմ»»,- հիշում է Ալլա Սուրիկովան։

Նա պատմում է, որ գործընկերն իրեն մի քանի հայերեն արտահայտություն էր սովորեցրել։ «Ինչպես օրինակ՝ «ցավդ տանեմ»։ 

Սուրիկովան ասում է` այժմ աշխարհն այնքան դաժան է, ագրեսիվ և անհանգիստ, երբ մարդը կարողանում է ասել «վերցնեմ քո ցավը»... շատ մեծ, լուրջ ու կարևոր իմաստ կա այդտեղ։ Նա շնորհավորել է հայ ազգին Ֆրունզիկի նման տաղանդավոր որդի ունենալու համար։

Դերասանուհի, ՌԽՖՍՀ վաստակավոր արտիստ, ՌԴ Պետական Դումայի  պատգամավոր Ելենա Դրապեկոն Մհեր Մկրտչյանի հետ նկարահանվել է «Միայնակներին տրվում է հանրակացարան» (Одиноким предоставляется общежитие) ռոմանտիկ կատակերգությունում։ Նա հիշում է, թե բոլորին որքան էր տպավորում Մհեր Մկրտչյանի ստեղծագործ միտքը։ «Ամեն անգամ ռեժիսորի հետ հանդիպելիս մեր դերերը  ներկայացնում էր նորովի, ու մենք դառնում էինք ֆիլմի գլխավոր հերոսները։ Շատ էր աշխատում նաև հագուստների վրա. «Միայնակներին տրվում է հանրակացարան» ֆիլմում մուշտակը հենց ինքն է մտածել, դրանով նա առանձնահատուկ էր»,- հիշում է Դրապեկոն։

Երևան աշխատանքային այցի ժամանակ Ելենա Դրապեկոն այցելել է Մհեր Մկրտչյանի շիրմին։ Նա, կանգնելով  Ֆրունզիկի շիրմի առաջ, ասել է այն խոսքերը, որ հնչում էին ֆիլմում. «Բալիկ ջան, ցավդ տանեմ, ես քեզ սիրում եմ»։

Այդ ուրախ և տխուր մարդը․ Ֆրունզիկ Մկրտչյանի 7 հայտնի դերերը` մահվան օրվա կապակցությամբ

Հիշեցնենք, որ հայ մեծ դերասան, ԽՍՀՄ և ՀԽՍՀ ժողովրդական արտիստ Մհեր Մկրտչյանը ծնվել է Գյումրիում 1930 թվականի հուլիսի 4-ին։

Նա իր ինքնատիպ կերպարով հանդես է եկել մի շարք ֆիլմերում` «01-99», «Նվագախմբի տղաները», «Եռանկյունի», «Մենք ենք, մեր սարերը», «Կտոր մը երկինք», «Հայրիկ», «Հին օրերի երգը»։

Մհեր Մկրտչյանը նկարահանվել է նաև խորհրդային մի շարք սիրված ֆիլմերում`  «Կովկասի գերուհին», «Այբոլիտ-66», «Միմինո», «Ալի բաբան և քառասուն ավազակները», «Ունայնություն ունայնության» և այլն։

0
թեգերը:
հոբելյան, ֆիլմ, դերասան, դերասանուհի, ԽՍՀՄ, Մհեր Մկրտչյան (Ֆրունզիկ)
Ըստ թեմայի
Դովլաթյանի դարաշրջանը, կամ ինչպես են մկրտվել երկու ֆրունզիկները
«Մեկ-զրո, օգուտ քեզ, Իշտոյանի կնիկն ես». «Արարատ-73»-ի լեգենդը 72 տարեկան է
«Մայրիկի», «Արարատի», «Կտոր մը երկնքի» ստեղծողները և ոչ միայն․ 5 հայ հանճարեղ ռեժիսորները