ԵՐԵՎԱՆ, 5 ապրիլի – Sputnik. Հայաստանի առանձին շրջաններում այսօր` ապրիլի 5-ին, կարճատև անձրև և ամպրոպ կգրանցվի։ Այս մասին նշված է ՀՀ արտակարգ իրավիճակների նախարարության կայքում։
Ապրիլի 6-ին ժամանակ առ ժամանակ սպասվում են տեղումներ, լեռնային շրջաններում` ձյան, նախալեռնային և հովտային գոտում` անձրևի տեսքով:
«Ապրիլի 7-9-ը սպասվում է առանց տեղումների եղանակ»,– նշված է հաղորդագրության մեջ:
Օդի ջերմաստիճանն ապրիլի 6-ի ցերեկը 4-5 աստիճանով կնվազի, 7-ի ցերեկը կբարձրանա 5-6 աստիճանով։
Երևանում ապրիլի 5-ին հնարավոր է կարճատև անձրև և ամպրոպ։ Ապրիլի 6-ին ժամանակ առ ժամանակ սպասվում է անձրև և ամպրոպ։ Ապրիլի 7-9-ը սպասվում է առանց տեղումների եղանակ:
Այսօր մայրաքաղաքում ցերեկային ժամերին օդի ջերմաստիճանը կհասնի 16 աստիճան տաքության, գիշերային ժամերին կտատանվի 5-7 աստիճան տաքության սահմանում։
