Երևանի կենդանաբանական այգի

Երևանի կենդանաբանական այգու վագրերից մեկի մոտ լեյկոզ է ախտորոշվել. լուսանկարներ

164
Բինգոյին բուժելու համար տեղացի և արտասահմանցի մասնագետների կոնսիլիում է հրավիրվել։

ԵՐԵՎԱՆ, 1 ապրիլի – Sputnik. Երևանի կենդանաբանական այգու վագրերից մեկը`Բինգոն, բուժման կարիք ունի։ Sputnik Արմենիային այս մասին հայտնեցին այգու մամուլի ծառայությունից։

Նախորդ շաբաթվա սկզբում Բինգոն թույլ է եղել, քիչ է դուրս եկել զբոսանքի, ակտիվության կորուստն ակնհայտ է եղել:

Կենդանաբույժի ձեռնարկած մասնագիտական միջամտությունից հետո վագրի մոտ դրսևորվել են կազդուրման նշաններ, բայց ուրբաթ խնամողները նրա քթից արնահոսություն են նկատել:

Հրավիրվել է օնլայն կոնսիլիում՝ Մոսկվայի, Թեհրանի և Ամստերդամի կենդանաբանական այգիների գլխավոր անասնաբույժների մասնակցությամբ, որի ընթացքում որոշվել է թմրեցնել կենդանուն, որպեսզի հնարավոր լինի սոնոգրաֆիայի եղանակով զննել նրան և վերցնել կենսաբանական նմուշներ՝ ախտորոշման ու բուժման հետագա ընթացքը որոշելու համար:

Сонографическое исследование тигра Бинго Ереванского зоопарка
© Photo : press office of Yerevan zoo
Վագրին քնեցրել են, որպեսզի հնարավոր լինի սոնոգրաֆիայի եղանակով զննել նրան և վերցնել կենսաբանական նմուշներ

Սոնոգրաֆիան ի հայտ է բերել, որ կենդանու մոտ կա ընդգծված երիկամային անբավարարություն, իսկ արյան լաբորատոր հետազոտությունների արդյունքում ախտորոշվել է լեյկոզ:

Сонографическое исследование тигра Бинго Ереванского зоопарка
© Photo : press office of Yerevan zoo
Արյան լաբորատոր հետազոտությունների արդյունքում ախտորոշվել է լեյկոզ

Ախտորոշումից հետո կրկին հրավիրվել է օնլայն կոնսիլիում. այժմ մշակվում է բուժման սխեման, իսկ առաջիկայում Հայաստան կժամանեն այգու գործընկերները` իրավիճակին տեղում ծանոթանալու և մասնագիտական աջակցություն ցուցաբերելու համար:

Նշենք, որ Երևանի կենդանաբանական այգում երեք վագր կա, որոնցից մեկը բերվել էր Մանվել Գրիգորյանի առանձնատան տարածքում գտնվող կենդանաբական այգուց։

164
թեգերը:
Հայաստան
Ըստ թեմայի
Մանվել Գրիգորյանին պատկանող արջերից երկուսին տեղափոխեցին Կենդանաբանական այգի. տեսանյութ
Կարմիր գրքում գրանցված բվեճն այլևս զվարճանքի առարկա չէ. նա կապրի Կենդանաբանական այգում
Երևանի կենդանաբանական այգու վագրերից մեկը սատկել է
IAR-ի մասնագետները բուժում են Կենդանաբանական այգու գիշատիչների ատամները