ԵՐԵՎԱՆ, 30 մարտի — Sputnik. Գարնանը զգացմունքները սրվում են, ամեն ինչ` սեր, կիրք, նոր երկրպագուներ, խանդ, դժվար ընտրություն հաճելիորեն խառնվում են իրար։ Գարնանը շատերը սիրահարվում են` անգամ չիմանալով, թե ում։ Սիրային հարցերում ապրիլը կենդանակերպի նշաններից շատերի համար կարող է բեկումնային լինել, եթե կանխավ իմանան` ինչ է սպասվում իրենց։ Ներկայացնում ենք ապրիլ ամսվա սիրային հորոսկոպը։
Խոյ
Ապրիլ ամսին միայնակ խոյերին սպասվում են ռոմանտիկ ծանոթություններ, որոնք արդյունավետ արդյունք կտան։ Բոլոր այն խոյերի համար, որոնք արդեն իսկ գտել են իրենց երկրորդ կեսին, ապրիլն իդեալական ամիս է մտածելու երեխա ունենալու մասին։
Ցուլ
Ցուլերն ապրիլ ամսին պարզապես կլողան սիրո մեջ. մի վախեցեք դիմացինին սեր խոստովանել, նա սպասում է դրան։
Երկվորյակ
Երկվորյակներն ապրիլ ամսին նոր երկրպագուների կողմից կհայտնվեն ուշադրության կենտրոնում։ Իսկ եթե արդեն իսկ կատարել եք ձեր ընտրությունը, ապա ձեր հարաբերություններում պարզապես կայրվեք կրքի կրակներում։
Խեցգետին
Ապրիլը ճիշտ ժամանակն է ընտրություն կատարելու. լսեք ձեր ներքին ձայնը ու բաց մի թողեք նրան, ում գտել եք։ Ամուսնացած խեցգետինների մոտ կամրապնդվի ընտանեկան կայունությունը։
Առյուծ
Ապրիլը վերարժևորելու ճիշտ ժամանակն է. դուք կսկսեք այլ աչքերով նայել հին ծանոթին կամ կրկին կսիրահարվեք ձեր զուգընկերոջը։
Կույս
Կույսերի համար ապրիլը ներդաշնակության ամիս կլինի. միայնակ Կույսերը հանկարծ հայտնված երկրպագուների բանակից կկարողանան ընտրել նրան, ով երջանիկ տարիներ կպարգևի, իսկ ընտանիք կազմածների կյանքում ներդաշնակությունն ու հանգստությունը կթևածի։
Կշեռք
Ապրիլ ամսին ձեր զուգընկերոջ զգացմունքներն իրենց բումին կհասնեն. մեղավորը դուք եք` ձեր անկրկնելի տեսքով։ Թե՛ միայնակ, թե՛ ընտանիք կազմած Կշեռքների հարաբերություններում մշտապես առկա կլինի խանդը, սակայն նրանք դրանից միայն կշահեն։
Կարիճ
Կարիճները դժվար ընտրության առջև են կանգնելու` լավից լավին ընտրելու համար։ Ընտանիք կազմածները, սակայն, կարող են վայելել իրենց ընտրությունը, քանի որ ապագան ցույց կտա, որ նրանք չեն սխալվել։
Աղեղնավոր
Ապրիլն Աղեղնավորների համար սիրախաղի ամիս է լինելու։ Սակայն եթե միայնակ Աղեղնավորների համար սիրախաղը կարող է նոր հարաբերության սկիզբ դառնալ, ապա ամուսնացածների համար ճիշտ ժամանակին կանգ առնել է պետք` զուգընկերոջ խանդը կարող է չափից շատ լինել։
Այծեղջյուր
Միայնակ Այծեղջյուրներ, ուշադիր նայեք ձեր շուրջբոլորը և կգտնեք այն միակին, որի մասին երազել եք մի ամբողջ կյանք։ Իսկ եթե արդեն իսկ գտել եք ձեր կեսին, ապա հարաբերությունների նոր փուլ անցնելու ու երեխա ունենալու մասին մտածելու ճիշտ ժամանակն է։
Ջրհոս
Միայնակ Ջրհոսները պետք է ուշադիր լինեն արտաքին ազդակների ու ներքին ձայնի հանդեպ, քանի որ ապրիլին նրանց մոտ ամեն ինչ կլինի ինչպես ռոմանտիկ ֆիլմերում` ծանոթություն, ամուսնություն ու երջանիկ ավարտ։
Իսկ նրանք, ովքեր ամուսնացած են, լիովին կվայելեն ընտանեկան կյանքի բոլոր հաճույքները։
Ձկներ
Ապրիլ ամսին անգամ ամենառեալիստ Ձկներին ռոմանտիկ օրեր են սպասվում` նվերներ, կրքոտ օրեր, փոխադարձ սեր։
