Աննա Հակոբյան

Աննա Հակոբյանն ընտանեկան լուսանկար է հրապարակել

584
Փաշինյանի ընտանիքը լուսանկարվել է ամբողջ կազմով։

ԵՐԵՎԱՆ, 26 մարտի – Sputnik. ՀՀ վարչապետի կինը` Աննա Հակոբյանը, ընտանեկան լուսանկար է հրապարկել Facebook սոցիաական ցանցի իր էջում։

«Իմ ընտանիքը-իմ ամենամեծ ձեռքբերումը»,– լուսանկարին կից գրել է նա։

Նրանք ընտանիքով լուսանկարվել են Հանրապետության հրապարակի գլխավոր ժամացույցի ֆոնին` կառավարության շենքի աշտարակում։

584
թեգերը:
Աննա Հակոբյան, Հայաստան
Ըստ թեմայի
Աննա Հակոբյանը լոբի է մաքրում Իջևանում. տեսանյութ
Աննա Հակոբյանը ոչինչ չի թաքցնում. նա հաշվետվություն ներկայացրեց ամեն լումայի համար
Աննա Հակոբյանը շնորհավորել է Մեդվեդևի կնոջը և ծաղկեփունջ ուղարկել նրան
Նիկոլ Փաշինյանն ու Աննա Հակոբյանն Արցախում. այն, ինչ մնացել է պաշտոնական լրահոսից դուրս
Փաշինյանը ոտքի վրա պլանները փոխեց. Աննա Հակոբյան
Ձեռնաշղթա

Կարանտինից հետո Հայաստանում հանցագործությունները կաճեն․ ի՞նչ են կանխատեսում մասնագետները

35
(Թարմացված է 22:32 09.07.2020)
Փորձագետների կանխատեսումները բավականին հոռետեսական են․ սպասվում է, որ բոլոր սահմանափակումների վերացումից հետո Հայաստանում կտրուկ կաճի հանցագործությունների թիվը։

ԵՐԵՎԱՆ, 9 հուլիսի – Sputnik, Ժաննա Պողոսյան․ Կորոնավիրուսի համավարակի պատճառով ստեղծված բարդ տնտեսական իրավիճակը մարդկանց դրդում է հանցագործությունների։ Օրինակ՝ վերջերս Հարավաֆրիկյան Հանրապետությունում առանց փողի մնացած քաղաքացիները զավթել էին սուպերմարկետը։ Եվրոպայում նույնպես հանցագործությունների թիվը կտրուկ աճել է։

ՀՀ Վիճակագրական կոմիտեի բաց աղբյուրներում նշվում է, որ Հայաստանում իրավիճակն այդքան էլ ողբերգական չէ․ Հանցավորության մակարդակն այս տարվա հունվար-մայիս ամիսներին նախորդ տարվա նույն ժամանակահատվածի համեմատ աճել է 3%-ով (348-ով)։

Այս թվի կեսը կազմում են կողոպուտները, ընդ որում՝ բնակարանային գողությունների թիվը նվազել է՝ 631-ից հասնելով 569-ի, իսկ փողոցներում, խանութներում և այլ վայրերում կողոպուտներն ավելացել են։ Մեզ հաջողվեց պարզել, որ Հայաստանում ավելացել է անվտանգության ծառայությունների պահանջարկը։

«Վերջերս անվտանգության ծառայությունների պահանջարկն աճել է, կարանտինային միջոցառումների առաջին փուլում մեր անվտանգության աշխատակիցներից ոմանք կորցրել էին աշխատանքը, սակայն հիմա նրանք բոլորը ոչ միայն նոր աշխատանքի են տեղավորվել, այլև աճել է մեզ հետ աշխատող կազմակերպությունների թիվը»,- Sputnik Արմենիային հայտնեցին երկրում անվտանգություն ապահովող խոշորագույն ծառայություններից մեկում՝ «Բերկուտում»։

Նախկին փոխոստիկանապետ Հովհաննես Քոչարյանի կարծիքով՝ բնակարանային գողությունների թվի նվազման պատճառը կարանտինն է։ Նրա խոսքով՝ կորոնավիրուսից առաջ այդպիսի գողություններն առավել հաճախ տեղի էին ունենում ցերեկը, ոչ թե երեկոյան ժամերին, այսինքն՝ այն ժամանակ, երբ տանտերերը բացակայում էին տնից։

«Մարդիկ հիմա օրերով տանն են մնում, և բնակարանային գողերը չեն կարող մուտք գործել տուն։ Բայց կարելի է վստահ ասել՝ հենց սահմանափակումներն ու արտակարգ դրությունը վերացվեն, մյուս հանցագործությունների հետ կավելանա նաև բնակարանային գողությունների թիվը»,-ասաց Քոչարյանը։

2020թ-ի առաջին 5 ամիսների ընթացքում, 2019թ-ի ցուցանիշների համեմատ, երկրում թմրամիջոցների օգտագործումն ու վաճառքն ավելացել է 14%-ով(869 դեպք՝ նախկին 740-ի փոխարեն)։ 24%-ով աճել են փող կեղծելու դեպքերը՝ 96-ից դառնալով 127։ Քոչարյանը հանցագործությունների նման աճը տրամաբանական է համարում։

«Երկիրը ճգնաժամային վիճակում է, մարդիկ սոցիալական և տնտեսական խնդիրներ ունեն, ինչի հետևանքով մշտական տագնապ է առաջանում։ Տրամաբանական է, որ բռնությամբ շահույթ հետապնդող բոլոր հանցագործությունները պետք է աճեին։

Մոտակա 5-10 տարում նման հանցագործությունները միայն ավելանալու են, ուժային կառույցները ոչ մի վայրկյան հանգիստ չեն ունենալու և պետք է միշտ աչալուրջ լինեն»,-նշեց նախկին ոստիկանը։

Ինքնամեկուսացման ընթացքում երկրում որոշակիորեն նվազել է բռնաբարությունների թիվը, սակայն կտրուկ աճել է ընտանեկան բռնությունների մակարդակը։ 2019թ-ի հունվար-մայիս ամիսներին ՀՀ-ում բռնաբարության 52 դեպք է գրանցվել, այս տարի՝ 50։

Վիճակագրական կոմիտեի հաշվետվության մեջ ընտանեկան բռնությունների համար առանձնացված սյունակ չկա, սակայն նշվում է, որ 51%-ով աճել է «մարդու կյանքին և առողջությանը վնաս հասցնող գործողություններ» պարունակող հանցագործությունների քանակը․ նախկին 196-ի փոխարեն՝ այս տարի արձանագրվել է 402 դեպք։

Սեռական բռնության ճգնաժամային կենտրոնում հաստատեցին այս վիճակագրությունը և ավելացրին․ «Բռնաբարությունների կամ բռնի սեռական գործողությունների մասին զանգերը եղել են նույնքան, որքան անցած տարի։ Կարելի է ասել՝ այդպիսի ահազանգերի քանակը չի ավելացել։ Փոխարենն ավելացել են ընտանեկան բռնության հետ կապված ահազանգերը։ Մենք ընտանեկան բռնության բոլոր զոհերին ուղղորդել ենք կամ կանանց իրավունքներով զբաղվող կենտրոններ, կամ, հազվագյուտ դեպքերում, ոստիկանություն»։

Հոգեբան Մարի Ամիրխանյանի դիտարկմամբ՝ ընտանեկան բռնության դեպքերի ավելացումը կարանտինի ուղղակի հետևանք չէ։ Նա վստահ է, որ այդպիսի ընտանիքներում մինչ այս էլ արդեն իսկ եղել են խնդիրներ։

«Ամերիկա չեմ հայտնագործի, եթե ասեմ, որ ընտանեկան բռնությունների պատճառ ամենից հաճախ դառնում է անզորությունը։ Իրեն անզոր զգացող մարդը փորձում է բռնությամբ տեղը հանել նրանից, ով իրեն ավելի թույլ է թվում։ Կարանտինն այնքան էլ սարսափելի դժբախտություն չէ, որ ընտանեկան բռնություն ծնի։ Պարզապես մեկուսացումը սրել է ընտանիքներում արդեն իսկ գոյություն ունեցող խնդիրները»,- պարզաբանեց հոգեբանը։

ՀՀ վիճակագրական կոմիտեի տվյալներով՝ մեկուսացումը նպաստել է ՃՏՊ-ների և ապօրինի զենքի շրջանառության դեպքերի նվազմանը։ Վթարները մեր երկրում պակասել են 12, զենքի ապօրինի շրջանառությունը՝ 14 տոկոսով։

Փորձագետների կանխատեսումները լավատեսական չեն․ սպասվում է, որ բոլոր սահմանափակումների վերացումից հետո Հայաստանում հանցագործությունների նոր ալիք կսկսվի, անգամ այն հանցագործությունների, որոնք համավարակի ընթացքում նվազել են։ Իսկ քաղաքացիները, որոնք անհամբեր սպասում են արտակարգ դրության ավարտին, ստիպված կլինեն հաղթահարել ևս մեկ՝ երկրում հանցագործությունների թվի ավելացման տհաճ փուլը։ Մարդիկ դեռ ստիպված կլինեն կրկնել․ «Ուֆ, ե՞րբ այս ամենը կվերջանա»։

Իշխանյան․ Անմեղության կանխավարկածը խախտելը հետհեղափոխական Հայաստանի լրջագույն խնդիրներից է

35
թեգերը:
սեռական բռնություն, Բռնություն, կորոնավիրուս, Արտակարգ դրություն, հոգեբան, հանցագործություն, Ազգային վիճակագրական ծառայություն (ԱՎԾ), Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Արտակարգ դրության օրերին Հայաստանում հանցագործությունների թիվն էապես նվազել է
Հարկային հանցագործությունները վտանգավոր են տնտեսական կայունության համար. ՊԵԿ–ը`Մարուքյանին
Անչափահասների հանցագործությունների դեպքում մեղավոր ենք բոլորս. Նելլի Դուրյան
Համացանցում են հայտնվել Ծառուկյանին վերագրվող հանցագործությունների մասին տեղեկություններ
Օպերայի բակ

Ի՞նչ է կատարվում օպերայի բակում. շենքի մոտ հրշեջներ ու մարտական հաշվարկներ են հավաքվել

338
(Թարմացված է 22:18 09.07.2020)
Արտակարգ իրավիճակների նախարարությունում բացատրել են շենքի մոտ մարտական հաշվարկների առկայությունը։

ԵՐԵՎԱՆ, 9 հուլիսի - Sputnik. Ալեքսանդր Սպենդիարյանի անվան օպերայի և բալետի ազգային ակադեմիական թատրոնի շենքի մոտ հրշեջ մեքենաներ են հավաքվել։ ԱԻՆ-ի մամուլի խոսնակ Էդմոն Զարգարյանը Sputnik Արմենիային հայտնեց, որ շենքում ռումբ կամ հրդեհ չկա։

«Մարդիկ կայծեր են նկատել շենքում, հրշեջները շտապ տեղ են հասել։ Օպերայի շենքը հատուկ պահպանվող տարածքներից է, պետք է ամեն ահազանգին ուշադիր լինել», - ասաց նա։

Sputnik Արմենիայի թղթակիցը օպերայի շենքի բակում ԱԻՆ-ի հինգ մարտական հաշվարկ է տեսել։ Հրշեջները կանգնած են եղել մեքենաների մոտ։

Сотрудники пожарной службы МЧС у здания оперы и балета (9 июля 2020). Еревaн
© Sputnik / Arsen Haytyan
Օպերայի շենքի մոտ

Հիշեցնենք, որ այս շաբաթ մեկը մյուսի հետևից ահազանգեր հնչեցին, թե ռումբեր են տեղադրված «Դալմա Գարդեն մոլ» և «Մեգամոլ Արմենիա» առևտրի կենտրոններում։ Դեպքի վայր մեկնած փրկարարներն ու ոստիկանները 350 քաղաքացու տարհանեցին «Մեգամոլ Արմենիայից» և շուրջ 500 քաղաքացու «Դալմա Գարդեն մոլից», սակայն պարզվեց` ահազանգերը կեղծ էին. տեղազննման արդյունքում առևտրի կենտրոններից ոչ մեկում ռումբ չհայտնաբերվեց։

Այս անգամ ահազանգը կեղծ չէր. «Մերիդիանի» մոտակայքում նռնակ է հայտնաբերվել

 

338
թեգերը:
ՀՀ արտակարգ իրավիճակների նախարարություն (ԱԻՆ), հրշեջ, Օպերայի և բալետի ազգային ակադեմիական թատրոն, Հայաստան
Ըստ թեմայի
«Դղյակ» ռեստորանից մարմնական վնասվածքներով հիվանդանոց է տեղափոխվել 18-ամյա երիտասարդ
«Գնում եմ կովերի հետևից». 30-ամյա Նարեկը ճանապարհ է ընկել դեպի ձորն ու չի վերադարձել
Ողբերգական դեպք Երևանում․ վրաերթի հետևանքով 3 տարեկան փոքրիկ է մահացել
Տանկեր

Մրցակցությանը չդիմացավ․ Եվրոպան ու Ասիան հրաժարվում են ամերիկյան բնական հեղուկ գազից

0
(Թարմացված է 22:17 09.07.2020)
Անգամ ԱՄՆ էներգետիկայի նախարարությունը խոստովանում է, որ ամերիկյան բնական հեղուկ գազն անիմաստ է գնել։ Հաճախորդները հրաժարվել են մատակարարումներից։ Ինչո՞ւ է անդրօվկիանոսյան գազն անպիտան դարձել՝ պարզաբանում է ՌԻԱ Նովոստիի սյունակագիր Նատալյա Դեմբինսկայան։

Գները նվազել են

Անցած տարի ԱՄՆ–ում բնական գազի զուտ արտահանումը հասել էր 54,7 միլիարդ խորանարդ մետրի՝ 20,7 միլիարդով շատ, քանի 2018-ին։ Բնական հեղուկ գազի (ԲՀԳ) խոշորագույն արտադրող Cheniere Energy-ի տվյալներով՝ այս տարվա առաջին եռամսյակում միջազգային շուկայում վաճառքի ծավալը հասել է 100 միլիոն տոննայի՝ 10 միլիոնով շատ, քանի 2019-ին։ Աճն ապահովել են հիմնականում ամերիկացիները։

Հավակնոտ ծրագրեր կային․ 2020թ․-ին՝ 67,2 միլիարդ խորանարդ մետր, 2021-ին՝ 79,5։ Հունվարին այս ցուցանիշները ներկայացրեց ԱՄՆ էներգետիկայի նախարարության Էներգետիկ տեղեկատվության վարչությունը։ Բայց արդեն իսկ պարզ է, որ նշվածից ոչինչ էլ տեղի չի ունենա։

Տաք ձմռան և կորոնավիրուսի համավարակի հետևանքով պահանջարկը կրճատվեց, և առաջարկի ավելցուկը հանգեցրեց Եվրոպայի և Ասիայի գազային շուկաների անկմանը։ Այսպես, միջին գինը հոլանդական TTF բաշխիչ կայանում տարվա առաջին չորս ամիսների ընթացքում 2019թ․-ի նույն ժամանակահատվածի համեմատ երկու անգամ նվազել է, Ճապոնիայի ուղղությամբ գործարքային (spot) մատակարարումները կրճատվել են 44%-ով։

Հայաստանում գազի պատճառով հոսանքն առնվազն 8 ամիս դեռ չի թանկանա. պաշտոնյայի պարզաբանումը

Արդեն ապրիլին ամերիկյան ԲՀԳ-ի արտահանումը Եվրոպա դարձել էր ոչ նպատակահարմար։ Եվրոպական և Ասիական խոշոր ընկերությունները չեղարկեցին հունիս-հուլիս ամիսների պայմանագրերը։

Ըստ Bloomberg-ի տվյալների՝ առաքումները ԱՄՆ-ի բնական հեղուկ գազի գործարաններից նվազել են գրեթե 30%-ով։ Մայիսին արտահանումը նվազել է ավելի քան մեկ երրորդով, այդ թվում՝ կորոնավիրուսի հետ կապված սահմանափակումների պատճառով։

Տնտեսապես ոչ կենսունակ է

ԱՄՆ էներգետիկայի նախարարության Էներգետիկ տեղեկատվության վարչության հուլիսյան կանխատեսումը բավական հոռետեսական է։ Եվրոպական և ասիական գնորդները հրաժարվել են ԲՀԳ-ի 110 խմբաքանակից․ 70-ը՝ հունիս-հուլիս ամիսների, և 40-ը՝ օգոստոսի համար։ Մարտի վերջից գազի մատակարարումները դեպի ամերիկյան ծովային տերմինալներ ռեկորդային օրական 277 միլիոն խորանարդ մետրից գրեթե կրկնակի կրճատվել են։

«Բնական գազի և բնական հեղուկ գազի ցածր գործարքային գները Եվրոպայում և Ասիայում թուլացրել են ԱՄՆ արտահանման տնտեսական կենսունակությունը, որը շատ զգայուն է գների նկատմամբ»,-փաստում են EIA-ի վերլուծաբանները։

Նրանց գնահատմամբ՝ հունիսին ԱՄՆ-ից Եվրոպա և Ասիա են ուղարկել օրական մոտ 101 միլիոն խորանարդ մետր, իսկ հուլիսին և օգոստոսին կլինի 62 միլիոն։ Դա արտահանման ներուժի մոտավորապես 25%-ն է։

Կշարունակի նվազել

Հաստատվեցին փորձագետների այն պնդումները, որ հաճախորդները առնվազն մինչև ամառվա վերջ կշարունակեն հրաժարվել անդրօվկիանոսյան գազից․ ԱՄՆ-ում ֆյուչերսային գները եվրոպականից բարձր են ընդհուպ մինչև սեպտեմբեր։

Ամերիկյան վեց ԲՀԳ գործարաններ, որոնք հունվար-ապրիլ ամիսներին աշխատում էին առավելագույն հնարավորություններով, մայիսին ծանրաբեռնվածությունը նվազեցրել, հասցրել են հզորության 65%-ի։ Հուլիսի սկզբին կլինի արդեն 50% և ավելի քիչ, ասվում է Platts Analytics-ի հունիսյան վերլուծության մեջ։

«Քանի որ գնային առավելությունները գործնականում անհետացել են, ամերիկյան մատակարարումներից հրաժարվելը ընդամենը ժամանակի հարց էր»,-փաստել է Ռազմավարական և միջազգային հետազոտությունների ամերիկյան կենտրոնի փորձագետ Նիկոս Ցաֆոսը։

Ինչպես պարզաբանում է Ազգային էներգետիկ անվտանգության հիմնադրամի առաջատար վերլուծաբան Իգոր Յուշկովը, այս պահին գնորդները պատրաստ են ամերիկյան ԲՀԳ-ի համար վճարել այնքան, որ դա չի ծածկի անգամ հեղուկացման և տեղափոխման ծախսերը։

2020 թվականին աշխարհում բնական գազի պահանջարկի ռեկորդային նվազում է սպասվում

Գլխավոր տուժողը Sabine Pass-ն է՝ ամերիկյան առաջին և ամենախոշոր տերմինալը․ հզորությունները գնել էին բարձր գների ֆոնին, իսկ գործարկման պահին՝ 2016-թ․-ից, իրավիճակը սկսեց փոխվել։ Այդ ժամանակներից ի վեր գործարանը միայն կորուստներ է ստեղծում։

Էներգետիկայի նախարարության տեղեկատվության համաձայն ՝ 2020 թ․-ի առաջին չորս ամիսների ընթացքում ԱՄՆ-ից ԲՀԳ-ի արտահանումը միջին հաշվով կազմել է օրական 218 մլն խորանարդ մետր, սակայն ապրիլ-մայիս ամիսներին նվազել է 17%-ով: EIA-ում սպասում են, որ արդեն սեպտեմբերին մատակարարումները կսկսեն աճել, քանի որ բնական գազի համաշխարհային պահանջարկն աստիճանաբար վերականգնվում է:

Գազի մեջ կխեղդվեն

Իսկ ահա խոշորագույն ներդրումային բանկերը նույնքան լավատես չեն։ Վերլուծաբաններն ասում են՝ աշխարհում վառելիքի հսկայական պաշար է կուտակվել։ ԲՀԳ-ի միջազգային առևտուրն անկում է ապրել` փակելով ամերիկյան թերթաքարի սպառման կարևորագույն ուղիները։

Իսկ քանի որ նավթը կրկին թանկացել է` հասնելով մեկ բարելի դիմաց 40 դոլարի, նավթամշակողները վերսկսել են արդյունահանումը, և որպես կողմնակի ապրանք` մեծ քանակությամբ էժան գազ է շուկա մտնում։

Ավանդաբար Եվրոպան ամերիկյան ԲՀԳ-ի «թափոնավայրն» է համարվել․ հիմա գների անկման հետևանքով, ինչպես նշում են BofA Securities-ի վերլուծաբանները, այն դադարել է պահանջված լինել, և արտասահմանում վաճառելու փոխարեն այդ վառելիքը լցնում են պահեստարաններ։

Ռուս–վրացական պայմանագիրը Հայաստանին ուղղված մեսի՞ջ է. վրացագետը` գազի գնի նվազեցման մասին

Goldman Sachs-ի հաշվարկներով՝ արտահանման չեղարկման պատճառով Ամերիկայի պահուստները կավելանան 21,52 միլիարդ խորանարդ մետրով։ Արդեն մեկ երրորդով գերազանցվել է մեկ տարի առաջ արձանագրված ցուցանիշը, և 18 տոկոսով՝ վերջին հինգ տարիների միջին ցուցանիշը։ Հոկտեմբերին գազը պահեստավորելու հնարավորությունները երկրում կարող են սպառվել, ինչը կհանգեցնի ԲՀԳ-ի արդյունահանության և արտադրության ռեկորդային կրճատման։

0
թեգերը:
գին, գազ, ԱՄՆ
Ըստ թեմայի
Ռուսաստանը չէ․ ով է ամերիկացիների «գլուխների» իրական որսորդը
ԱՄՆ-ի ու Եվրոպայի հրթիռային դավադրությունը․ ի՞նչ են պարզել գերմանացի լրագրողները
«Այնտեղ ամեն ինչ լուրջ է». ինչո՞ւ է ՆԱՏՕ-ն «պատերազմում» Ռուսաստանի սահմանների մոտ