Հիմնարկեքի արարողություն

Ինչ իմ աչքով չտեսա, ձեր աչքերով կտեսնեմ. Սոս Սարգսյանի երազանքը կատարվեց

270
Սոս Սարգսյանի անվան համազգային թատրոնի հիմնարկեքի արարողության ժամանակ թատրոնի հիմքում տեղադրվեց Սարգսյանից մի մասունք։

ԵՐԵՎԱՆ, 23 մարտի — Sputnik. Անվանի դերասան Սոս Սարգսյանի երազանքը կատարվեց` այսօր տեղի ունեցավ Սոս Սարգսյանի անվան համազգային թատրոնի հիմնարկեքի արարողությունը։ Թատրոնի հիմքում տեղադրեցին Սարգսյանի մասունքներից։ Դերասանի այրին` Նելլի Սարգսյանը, նշեց, որ երջանիկ է, քանի որ երկար-երկար տարիներ այսօրվա մասին էր երազում Սոս Սարգսյանը։

«Սարգսյանը վերջին տարիներին հիվանդ էր ու երազելով ասում էր` մի հատ տեսնեմ, թե թատրոնի հիմքը ոնց են դնում ու հանգիստ կարող եմ մահանալ։ Այսօր այդ հիմքը դրվեց ու դրվեց իր անունով։ Կարծում եմ` թատրոնը պատվով կկրի իր անունով, ինչպես արել են մինչ այս»,–ասաց տիկին Նելլին։

Նա ասաց նաև, թե ինչ մասունք են տեղադրել թատրոնի հիմքում. Սարգսյանը կյանքի վերջին տարիներին, երբ այցելել էր թատրոն, ինչ–որ բաներ էր գրել։ Ինչպես տիկին Նելլին նշեց, թատրոնի հիմքում դրել են Սարգսյանի ձեռագրով գրված, ծուռ–ծուռ տառերով գրությունը։

Супруга Соса Саркисяна на церемонии закладки фундамента здания Общенационального театра
© Sputnik / Asatur Yesayants
Հիմնարկեքի արարողություն

Թատրոնի տնօրենի ժամանակավոր պաշտոնակատար Արման Նավասարդյանի խոսքով էլ` առավելագույնը երկու տարի հետո թատրոնի շենքը պատրաստ կլինի։ Նավասարդյանը նշեց, որ այժմ, թատերական ինստիտուտի տարածքում աշխատելով, ուղղակի չեն հասցնում մի շարք բաներ անել։ «Ամսական ընդամենը 15 օր է մեզ տրամադրվում, իսկ եթե մենք մեր թատրոնն ունենանք

, շատ արագ կաշխատենք ու բարձր մակարդակով ավելի շատ ներկայացումներ կհասցնենք բեմադրել»,–ասաց Նավասարդյանը։

Мэр Еревана Айк Марутян и директор Общенационального театра Арман Навасардян на церемонии закладки фундамента здания Общенационального театра имени Соса Саркисяна
© Sputnik / Asatur Yesayants
Հիմնարկեքի արարողություն

Թատրոնը, ըստ տնօրենի պաշտոնակատարի, չորսհարկանի է լինելու, իսկ դահլիճը` 250-300–տեղանոց։

Директор Общенационального театра Арман Навасардян
© Sputnik / Asatur Yesayants
Արման Նավասարդյան

Թատրոնի հիմնարկեքի արարողության ժամանակ հնչեց նաև Համո Սահյանի «Ինձ բաց թողեք, ես գնամ» բանաստեղծությունը` Սոս Սարգսյանի կատարմամբ։ Նավասարդյանի խոսքով` բանաստեղծության տողերից մեկը` «Ինչ իմ աչքով չտեսա, ձեր աչքերով կտեսնեմ», կարծես հենց թատրոնի մասին լիներ։

«Սոս Սարգսյանը երազում էր թատրոնի շենքը տեսնել ու ասում էր` ես կմեռնեմ ու այդպես էլ չեմ տեսնի թատրոնի շենքը կանգուն։ Հիմա նա մեր աչքերով է նայում թատրոնի շենքի կառուցմանը»,–ասաց Նավասարդյանը։

Հիշեցնենք, որ թատրոնի շենքի հիմնարկեքի արարողությանը մասնակցեցին նաև ՀՀ վարչապետ Նիկոլ Փաշինյանը, Երևանի քաղաքապետ Հայկ Մարությանը, թատրոնի դերասանները։

Премьер-министр Армении Никол Пашинян и директор Общенационального театра Арман Навасардян на церемонии закладки фундамента здания Общенационального театра имени Соса Саркисяна
© Sputnik / Asatur Yesayants
Հիմնարկեքի արարողություն

Ի դեպ, թատրոնի կառուցվելիք շենքի ճարտարապետն Իսահակ Ներսիսյանն է, կառուցապատողն ու ներդրողը` «Ջի Էմ Դեվելոփեր» ՍՊԸ-ն։

270
թեգերը:
Հայաստան
Ըստ թեմայի
Երևանում Սոս Սարգսյանի պատվին հուշատախտակ է տեղադրվել
Սոս Սարգսյանի վերջին հարցազրույցը
Գողացել են Սոս Սարգսյանի անվան թատրոնի շենքի կառուցման համար նախատեսված գումարը
Ե՞րբ վերջապես կբացվի Երևանի կրկեսը, և ի՞նչ տեսք ունի շենքը ներսից. լուսանկարներ