Հետ եմ կանչել տղաներին ու խնդրել, որ աղբը նետեն աղբամանը. Հայկ Մարության
Հայաստանում համապետական շաբաթօրյակի շրջանակում Երևանի քաղաքապետ Հայկ Մարությանն այսօր Սոս Սարգսյանի անվան համազգային թատրոնի կառուցվելիք տարածք էր այցելել։ Sputnik Արմենիան Երևանի քաղաքապետին աղբահանության կազմակերպման հետ կապված մի քանի հարց է ուղղել։
–Աղբի վերամշակման հետ կապված` արդյո՞ք սկզբի համար աղբի տեսակավորման կարիք չունենք, և այդ ուղղությամբ ի՞նչ ծրագրեր ունեք։
-Աղբի տեսակավորմանը պետք է հասնենք։ Երբ աղբահանության խնդիրը լուծվի, մյուս փուլն աղբի տեսակավորումը կլինի։ Առանց աղբահանության խնդիրը լուծելու` տեսակավորման հարցը չի լուծվի։ Պատկերացրեք` աղբահանությունը լավ վիճակում չլինի, ու մենք դնենք աղբի տեսակավորման համար մի քանի աղբամաններ։ Ուղղակի այն չի էլ տեսակավորվի, և մեկ աղբամանի մեջ կլցնեն ինչ ուզում են, այսինքն` սխալ աղբը կլցվի սխալ աղբամաններ։ Աղբահանության խնդիրը լուծելուց հետո աղբի տեսակավորումն անպայմանորեն երկրորդ փուլում պետք է լինի։ Աղբի տեսակավորում պետք է իրականացնենք նախ աղբավայրերում և հետո արդեն սկսենք փողոցներում էլ աղբամանների թիվն ավելացնել։
–Երկրորդ օպերատոր ունենալու խնդրով աշխատանքներ տարվո՞ւմ են։
–Մենք պետք է նախ տեխնիկա ձեռք բերենք, ինչի համար արդեն մրցույթ է հայտարարվել։ Մի ընկերություն, որը մրցույթի պայմանների հետ համաձայն չէր, բողոքարկել է, ինչը 2 ամսով մեր գործերը հետ է գցել։ Փաստացի ստացվում է այնպես, որ դեռ երկու ամիս պետք է սպասենք մինչև երկրորդ օպերատորի ի հայտ գալը։ Սակայն մինչ այդ «Սանիթեքը» պետք է շարունակի իր գործունեությունը, ավելին` հորդորում եմ նորմալ աշխատանքային գրաֆիկով իրականացնել աղբահանման աշխատանքները։ Գիտե՞ք` երկրորդ օպերատորը դեռ տարիներ առաջ պետք է գործի մեջ մտած լիներ, սակայն չգիտեմ, թե ինչ պայմաններում և ինչպես երկու պայմանագիրն էլ մեկ ընկերության հետ է կնքվել։ Աղբահանության, երկրորդ օպերատոր ունենալուց բացի, քաղաքացիների հետ էլ որոշակի աշխատանքներ պետք է տարվեն։
–Այսինքն` բացի աղբահանության հարցը լուծելուց, պետք է նաև քաղաքացիների մոտ աղբը գետնին չնետելու մշակո՞ւյթը փորձենք ձևավորել։
–Այո, քանի որ ես իմ աչքով քանիցս տեսել եմ, որ աղբամանը դատարկ է եղել, երկու երիտասարդ եկել են աղբի տոպրակներով, աղբը դրել են աղբամանի կողքն ու գնացել։ Հետո ձայնել եմ այդ տղաներին, հետ կանչել ու խնդրել, որ աղբամանը գցեն աղբը։ Սա աբսուրդ է։ Այսինքն` այո, երկկողմանի լուծում է պետք` առաջինը, որ աղբահանությունը նորմալ աշխատի, և մեր բնակիչների մոտեցումը պետք է փոխվի։ Եթե մի հարցը լուծենք, մյուս չլուծենք, միևնույն է, կեղտոտ էլ մնալու է մեր քաղաքը։ Սակայն առաջնայինն այս պահին աղբահանությունը ճիշտ կազմակերպելն է։
Հիշեցնենք, որ այսօր` մարտի 23-ին, Հայաստանում համապետական շաբաթօրյակ է անցկացվում։
Մարտի 20-ին ՀՀ տարածքային կառավարման և զարգացման նախարար Սուրեն Պապիկյանը տեղեկացրել էր, որ համապետական շաբաթօրյակի ժամանակ 6 աղբանոցներ և 447 աղբակույտեր կփակվեն, կմաքրվեն մի շարք տարածքներ: Շաբաթօրյակին ակնկալվում է 125-150 000 քաղաքացու մասնակցություն։
«Մեռած ենք, թաղած չենք». գերիների հարազատները փակել են Շիրակի մարզպետարանի մուտքը
(Թարմացված է 18:16 03.03.2021)
Ադրբեջանում հայտնված գերիների ծնողները վրդովված են, ասացին, որ պատրաստվում են դիմել ծայրահեղ քայլերի:ԵՐԵՎԱՆ, 3 մարտի- Sputnik, Արմենուհի Մխոյան. Շիրակցի գերիների հարազատները փակել են Շիրակի մարզպետարանի դուռը: Նրանք կեսօրից սկսած նստել են մարզպետարանի մուտքի դիմաց և աստիճաններին ու պահանջում են հստակ պատասխան, թե երբ են իրենց որդիները վերադարձվելու Հայաստան:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
«Այս ակցիան մեր երեխաների համար է, ուզում ենք իմանալ, թե երբ են բերելու մեր տղաներին` հստակ ժամանակ ենք պահանջում։ Ո՞վ է բերելու մեր տղաներին, ե՞րբ՝ ոչ մի բան չգիտենք»,-մեզ հետ զրույցում ասաց գերիներից մեկի մայրերը:
Գերիների ծնողները վրդովված են, որ իրենց մինչ այս պահը հստակ պատասխան չեն տվել, միայն հորդորել են համբերել ու սպասել: «Բայց էս մոլորությամբ ինչքան կարելի է սպասել: Գոնե իմանանք` ինչ է կատարվում: Հա ասում են` այս ամսվա վերջին կբերենք, մյուս ամսվա 15-ին կբերենք: Ասենք թե մենք այստեղ սպասենք, բա էն երեխեքը այնտեղ, ինչպե՞ս կսպասեն, հլը իրենց վիճակը պատկերացրեք»,-լրագրողների հետ զրույցում ասացին ծնողները:
©
Photo : official site of the President of RF
Ինչպես նախկինում այս անգամ ևս հարազատները վստահեցնում են՝ ոչ մի քաղաքական պահանջ ու ենթատեքստ իրենց ակցիաները չունեն՝ միայն պահանջում են որդիների վերադարձը:
«Մեզ միայն մեր երեխաների հարցի լուծումն է պետք: Մեզ թող պատասխան տան, կամ ՀՀ վարչապետը մեզ ընդունի ու հստակ պատասխան տա մեր երեխաների ճակատագրի մասին: Էլ հնարավոր չէ սպասել: Հա՛մ խնդրում, հա՛մ պահանջում ենք: Մեռած ենք, թաղած չենք»,-նշեցին մայրերը:
Անդրադառնալով ՀՀ վարչապետի հետ օրեր առաջ Գյումրիում կայացած հանդիպմանը` ծնողները վստահեցրին՝ հստակ պատասխաններ չեն ստացել: «Արդեն 80 օր մեր երեխաներին չենք տեսել, ինչքան երկարեց, այնքան մեր տղաների վիճակը վատանալու է: Մենք ինչպես մեր երեխաներին հանձնել ենք իրենց, թող այդպես էլ սաղ-սալամաթ բերեն մեզ վերադարձնեն: Մեզ համար ցավալին այն է, որ մեր տղաները գերեվարվել են հրադադարից հետո»:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
Հիշեցնենք, որ նախորդ ակցիայի ժամանակ գերեվարված զինվորների ծնողները պահանջել էին հանդիպում ՀՀ և ԱՀ նախագահների հետ: Ասացին` մինչ օրս ոչ մեկի կողմից արձագանք չի եղել: Ծնողները վստահեցրին՝ եթե վաղը չստանան իրենց հարցերի պատասխանները, կամ էլ իրենց վարչապետը չընդունի, կդիմեն ծայրահեղ քայլերի: Թե ինչ քայլերի, նախընտրեցին գաղտնի պահել։
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց
(Թարմացված է 18:03 03.03.2021)
Արդեն իսկ երկու փոխմարզպետ է հրաժարական ներկայացրել` միանալով ԳՇ–ի հայտարարությանն ու վարչապետի հրաժարականի պահանջին։ԵՐԵՎԱՆ, 3 մարտի - Sputnik. Արմավիրի փոխմարզպետ, պահեստազորի գեներալ–մայոր Ալեքսան Ալեքսանյանը հրաժարվում է պաշտոնից` միանալով Գլխավոր շտաբի` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում ընթացող Հայրենիքի փրկության շարժման հանրահավաքի ժամանակ տեղեկությունը հայտնեց ՀՅԴ–ական Գեղամ Մանուկյանը` ընթերցելով Ալեքսանյանի հայտարարությունը։
«Պետության առջև ծառացած մարտահրավերները հանրության համախբման, միասնական դաշտի ստեղծման խնդիր են առաջացրել։ Մինչդեռ երկրի իշխանությունը լծված է հանրությունը բաժանելու և պիտակավորելու գործին։ Որդեգրված այս ուղին անհարիր է մեր ազգին։ Ելնելով ստեղծված իրավիճակից` իմ անհամաձայնությունն եմ հայտնում տեղի ունեցողի վերաբերյալ և հրաժարվում եմ փոխմարզպետի պաշտոնից»,–նշված է Ալեքսանյանի հայտարարության մեջ։
Ալեքսանյանը, միաժամանակ, իր աջակցությունն է հայտնում արժանավոր բոլոր սպաներին և հատկապես իր զինակից ընկերոջը` Օնիկ Գասպարյանին։
Հիշեցնենք, որ մարտի 1-ին էլ հայտնի դարձավ, որ բանակի ստեղծման ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից` միանալով ԶՈւ ԳՇ-ի հայտարարությանը։
թեգերը:
Ես որևէ կերպ չեմ խրախուսել նրա որոշումը. Սերժ Սարգսյանը Արոնյանի՝ ԱՄՆ տեղափոխվելու մասին
ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին: