Ինչո՞ւ են անչափահասները փախչում տանից. մասնագետը վերհանում է խնդիրները
(Թարմացված է 21:52 22.03.2019)
Անչափահասների կողմից տնից փախչելու կամ առանց ծնողների գիտության ծանոթների տանը հայտնվելու դեպքերը, հատկապես վերջին ամիսներին, շատացել են: Շատ դեպքերում խնդիրն առողջական է, երբեմն էլ դա անչափահասի կողմից հարցի լուծման իր տարբերակն է՝ ինքնահաստատում կամ փախուստ ընտանեկան խնդիրներից:ԵՐԵՎԱՆ, 23 մարտի — Sputnik, Արմենուհի Մխոյան. Եթե տնից փախչում է սոցիալապես ապահովված ընտանիքի երեխան, ապա դա ծնողների ու հասարակության անուշադրության պատճառն է: Այս մասին Sputnik Արմենիայի հետ զրույցում ասում է Հայկ Զաքարյանը, որը երկար տարիներ զբաղեցրել է ՀՀ ոստիկանության Գյումրու անչափահասների գծով ծառայության պետի պաշտոնը, իսկ ներկայումս նախագահում է Ընտանիքի և երեխաների շահերի պաշտպանություն հասարակական կազմակերպությունը։ «Երբեմն պատճառն այն է, որ երեխաների հետ չի տարվում սոցիալական աշխատանք:
Երեխային մեկ զույգ կոշիկ կամ 1 կգ բրինձ տալով չի լուծվում նրա հոգեվիճակը, չի կարգավորվում նրա խնդիրն ու իրավունքները չեն վերականգնվում: Եթե նորմալ սոցիալական աշխատանք տարվի, ապա կբացահայտվի այդ երեխայի ապրումները, խնդիրները, հուզմունքները և այս դեպքում հեշտությամբ կարելի է այդ քայլը կանխարգելել»,–ասում է նա:
Հայկ Զաքարյանը նաև նշում է, որ չկա անչափահասների հարցերով զբաղվող կառույցների համալիր մոտեցում ու կարիքի գնահատում:
«Ընդհանարապես վերջին տարիներին նկատելի է անչափահասների կողմից իրականացվող բացասական երևույթների ավելացում: Անչափահասների հարցերով զբաղվող կառույցները շատ են, բայց համալիր մոտեցում ու համակարգված աշխատանք չկա: Երեխաների իրավունքների պաշտպանության կարևորագույն օղակը համայնքային օղակն է, սակայն այսօր քաղաքապետարանն ասես հեռացել է իր գործառույթից»,-նշեց Հայկ Զաքարյանը` փաստելով` ի տարբերություն համայնքապետարանների, մարզպետարանները փորձում են այդ բեռն իրենց ուսերին առնել, սակայն, երբեմն, դա իրենց ուժերից վեր աշխատանք է։
Հայկ Զաքարյանը նաև սխալ է համարում մանկատների բեռնաթափման ծրագիրը: Եթե խնամքի հաստատություններից բեռնաթափում ծրագիրն իրականացվում է առանց լուծելու այդ երեխաների կեցության հարցը, ապա այս պայմաններում, անշուշտ, փողոցներում հայտնվող երեխաների թիվը կավելանա:
թեգերը:
«Մեռած ենք, թաղած չենք». գերիների հարազատները փակել են Շիրակի մարզպետարանի մուտքը
(Թարմացված է 18:16 03.03.2021)
Ադրբեջանում հայտնված գերիների ծնողները վրդովված են, ասացին, որ պատրաստվում են դիմել ծայրահեղ քայլերի:ԵՐԵՎԱՆ, 3 մարտի- Sputnik, Արմենուհի Մխոյան. Շիրակցի գերիների հարազատները փակել են Շիրակի մարզպետարանի դուռը: Նրանք կեսօրից սկսած նստել են մարզպետարանի մուտքի դիմաց և աստիճաններին ու պահանջում են հստակ պատասխան, թե երբ են իրենց որդիները վերադարձվելու Հայաստան:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
«Այս ակցիան մեր երեխաների համար է, ուզում ենք իմանալ, թե երբ են բերելու մեր տղաներին` հստակ ժամանակ ենք պահանջում։ Ո՞վ է բերելու մեր տղաներին, ե՞րբ՝ ոչ մի բան չգիտենք»,-մեզ հետ զրույցում ասաց գերիներից մեկի մայրերը:
Գերիների ծնողները վրդովված են, որ իրենց մինչ այս պահը հստակ պատասխան չեն տվել, միայն հորդորել են համբերել ու սպասել: «Բայց էս մոլորությամբ ինչքան կարելի է սպասել: Գոնե իմանանք` ինչ է կատարվում: Հա ասում են` այս ամսվա վերջին կբերենք, մյուս ամսվա 15-ին կբերենք: Ասենք թե մենք այստեղ սպասենք, բա էն երեխեքը այնտեղ, ինչպե՞ս կսպասեն, հլը իրենց վիճակը պատկերացրեք»,-լրագրողների հետ զրույցում ասացին ծնողները:
©
Photo : official site of the President of RF
Ինչպես նախկինում այս անգամ ևս հարազատները վստահեցնում են՝ ոչ մի քաղաքական պահանջ ու ենթատեքստ իրենց ակցիաները չունեն՝ միայն պահանջում են որդիների վերադարձը:
«Մեզ միայն մեր երեխաների հարցի լուծումն է պետք: Մեզ թող պատասխան տան, կամ ՀՀ վարչապետը մեզ ընդունի ու հստակ պատասխան տա մեր երեխաների ճակատագրի մասին: Էլ հնարավոր չէ սպասել: Հա՛մ խնդրում, հա՛մ պահանջում ենք: Մեռած ենք, թաղած չենք»,-նշեցին մայրերը:
Անդրադառնալով ՀՀ վարչապետի հետ օրեր առաջ Գյումրիում կայացած հանդիպմանը` ծնողները վստահեցրին՝ հստակ պատասխաններ չեն ստացել: «Արդեն 80 օր մեր երեխաներին չենք տեսել, ինչքան երկարեց, այնքան մեր տղաների վիճակը վատանալու է: Մենք ինչպես մեր երեխաներին հանձնել ենք իրենց, թող այդպես էլ սաղ-սալամաթ բերեն մեզ վերադարձնեն: Մեզ համար ցավալին այն է, որ մեր տղաները գերեվարվել են հրադադարից հետո»:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
Հիշեցնենք, որ նախորդ ակցիայի ժամանակ գերեվարված զինվորների ծնողները պահանջել էին հանդիպում ՀՀ և ԱՀ նախագահների հետ: Ասացին` մինչ օրս ոչ մեկի կողմից արձագանք չի եղել: Ծնողները վստահեցրին՝ եթե վաղը չստանան իրենց հարցերի պատասխանները, կամ էլ իրենց վարչապետը չընդունի, կդիմեն ծայրահեղ քայլերի: Թե ինչ քայլերի, նախընտրեցին գաղտնի պահել։
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց
(Թարմացված է 18:03 03.03.2021)
Արդեն իսկ երկու փոխմարզպետ է հրաժարական ներկայացրել` միանալով ԳՇ–ի հայտարարությանն ու վարչապետի հրաժարականի պահանջին։ԵՐԵՎԱՆ, 3 մարտի - Sputnik. Արմավիրի փոխմարզպետ, պահեստազորի գեներալ–մայոր Ալեքսան Ալեքսանյանը հրաժարվում է պաշտոնից` միանալով Գլխավոր շտաբի` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում ընթացող Հայրենիքի փրկության շարժման հանրահավաքի ժամանակ տեղեկությունը հայտնեց ՀՅԴ–ական Գեղամ Մանուկյանը` ընթերցելով Ալեքսանյանի հայտարարությունը։
«Պետության առջև ծառացած մարտահրավերները հանրության համախբման, միասնական դաշտի ստեղծման խնդիր են առաջացրել։ Մինչդեռ երկրի իշխանությունը լծված է հանրությունը բաժանելու և պիտակավորելու գործին։ Որդեգրված այս ուղին անհարիր է մեր ազգին։ Ելնելով ստեղծված իրավիճակից` իմ անհամաձայնությունն եմ հայտնում տեղի ունեցողի վերաբերյալ և հրաժարվում եմ փոխմարզպետի պաշտոնից»,–նշված է Ալեքսանյանի հայտարարության մեջ։
Ալեքսանյանը, միաժամանակ, իր աջակցությունն է հայտնում արժանավոր բոլոր սպաներին և հատկապես իր զինակից ընկերոջը` Օնիկ Գասպարյանին։
Հիշեցնենք, որ մարտի 1-ին էլ հայտնի դարձավ, որ բանակի ստեղծման ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից` միանալով ԶՈւ ԳՇ-ի հայտարարությանը։
թեգերը:
Վազգեն Մանուկյանի դեմ քրեական գործ է հարուցվել
Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։