ԵՐԵՎԱՆ, 20 մարտի – Sputnik. Հայաստանի Սյունիքի մարզում և Արցախում այսօր տեղումներ են գրանցվելու, լեռնային և նախալեռնային շրջաններում՝ ձյան, հովտային գոտում՝ անձրևի տեսքով: Այս մասին նշված է ՀՀ արտակարգ իրավիճակների նախարարության կայքում։
Ըստ կանխատեսումների` մարտի 21-24-ը սպասվում է առանց տեղումների եղանակ:
Օդի ջերմաստիճանը մարտի 20-21-ը կբարձրանա 2-3 աստիճանով:
Երևան քաղաքում մարտի 20-24-ը տեղումներ չեն գրանցվի։
Այսօր մայրաքաղաքում ցերեկային ժամերին օդի ջերմաստիճանը կտատանվի 10-12 աստիճան տաքության, գիշերային ժամերին` 0-2 աստիճան ցրտի սահմանում։