Յուլյա Նաչալովա

«Նա անմահ է և երգում է հրեշտակների համար». Աֆանասևֆը և Պուգաչովան` Յուլյա Նաչալովայի մասին

732
Լեգենդար ամերիկացի պրոդյուսերը և ռուսական էստրադայի պրիմադոննան սգում են հայտնի երգչուհու մահը։

ԵՐԵՎԱՆ, 17 մարտի –Sputnik. Յուլյա Նաչալովայի ոչ միայն ընկերները, գործընկերները, մտերիմներն ու հարազատները, այլև համաշխարհային շոու բիզնեսի առաջատար գործիչները շարունակում են ցավակցություն հայտնել և հիշել 38 տարեկանում մահացած տաղանդավոր երգչուհուն։

Ժամանակին նրա հետ համագործակցություն ունեցած հայտնի ամերիկացի կոմպոզիտոր, երաժշտական պրոդյուսեր, երկու անգամ Գրեմմի մրցանակին արժանացած Ուոլթեր Աֆանասևֆը Facebook–ի իր էջում հուզիչ գրառում է արել։

«Սիրտս ցավում է իմ թանկ և հիանալի ընկերուհի Յուլյա Նաչալովայի մահվան լուրը ստանալուց հետո։ Խոսքեր չեմ գտնում արտահայտելու համար այն տխրությունը, որ զգում եմ։ Նա այնքան երիտասարդ էր, այնքան տաղանդավոր, այնքան լի երաժշտությամբ ու սիրով։ Այնքան եմ կարոտում քեզ, սիրելի՛ Յուլյա։ Հիմա Դուք հրեշտակների համար եք երգում», – գրել է պրոդյուսերը։

Հիշեցնենք, որ 2010 թվականին ԱՄՆ–ում Յուլյան ձայնագրել է իր նոր «Wild Butterfly» անգլալեզու ալբոմը։ Դրանում նրան օգնել էր հենց հայտնի պրոդյուսեր Ուոլտեր Աֆանասևֆը։ Նա այնքան էր հիացած աղջկա ձայնով, որ առաջարկել էր ալբոմ ձայնագրել։ Յուլյան 2.5 տարի անցկացրել էր Լոս Անջելեսում` ալբոմի վրա աշխատելով Ուոլթերի հետ, որի ձայնագրմանը մասնակցել էին Լոս Անջելեսի լեգենդար նվագախումբը, հայտնի սաքսոֆոնահար Քեննի Ջին և այլ երաժիշտներ, որոնք աշխատել են Սթիվի Ուանդերի, Ուիթնի Հյուսթոնի, Մերայա Քերիի հետ։  Ամերիկացի մաեստրոյի հետ համատեղ ստեղծագործությունը «Սպասիր ինձ» երգն էր։ Տեսահոլավակում նկարահանվել է նաև երգչուհու փոքրիկ դուստրը` Վերան։

Ռուսական էստրադայի պրիմադոննա Ալլա Պուգաչովան էլ գրառում է կատարել Instagram–ի իր էջում. «Քանի դեռ քեզ հիշում ու սիրում են, դու անմահ ես։ Ցտեսություն, լուսավոր, բարի և անսահման տաղանդավոր աղջիկ»։

Посмотреть эту публикацию в Instagram

Публикация от Алла Пугачева / Alla Pugacheva (@allasuperstar)

Յուլյա Նաչալովան ժամանակին մասնակցել է «Один в один» հայտնի շոուին` ցուցադրելով կերպարանափոխության իր անհավանական ունակությունները։ 2016 թվականին էր դա։ Բոլորը հիշում են Նաչալովայի ելույթը Ալլա Պուգաչովայի կերպարում` «Երեք երջանիկ օր» երգով։ Պրիմադոննան, որը քննադատաբար է վերաբերվում իրեն նմանակող ցանկացածին, հիացած էր նման կատարմամբ և երկար ծափահարում էր։

Հիշեցնենք, որ Մոսկվայում մարտի 16-ին կյանքից հեռացել է հայտնի երգչուհի Յուլյա Նաչալովան։ 38 տարեկան երգչուհին մահացել է սրտի անբավարարությունից, ինչը  գլխուղեղի և թոքերի այտուցի հետևանք էր։ Ինչպես հայտնում են որոշ ԶԼՄ–ներ, Նաչալովան մահացել է հետվիրահատական բարդությունների արդյունքում։

732
Ըստ թեմայի
Ի՞նչ վիճակում է Յուլյա Նաչալովան. միայն ծնողներին են թույլ տալիս նրա հիվանդասենյակ մտնել
Յուլյա Նաչալովայի հայրը պատմել է դստեր մահվան մասին