«Դինգո» անօթևան կենդանիների կացարանի շներից

Պաշտպանել կենդանիներին օրենքով. խեղված շան սկանդալային լուսանկարը վերջին կաթիլը եղավ

232
Քաղաքացիները հանդես են եկել «Կենդանիների մասին» օրենք ընդունելու հորդորով։ Վերջին կաթիլն է դարձել Աշտարակում շան նկատմամբ բռնության աղաղակող դեպքը։

ԵՐԵՎԱՆ, 13 մարտի, Նանա Մարտիրոսյան — Sputnik. Հայաստանում ավելի քան 6,5 հազար մարդ ստորագրել է «Դինգո թիմ» կազմակերպության ստորագրահավաքը Change.org–ում` պահանջելով խորհրդարանից և կառավարությունից օրենք ընդունել «Կենդանիների պաշտպանության մասին»։

Ընդհանուր առմամբ անհրաժեշտ է հավաքել 7,5 հազար ստորագրություն։

«Հայաստանը տարածաշրջանի միակ երկիրն է, որտեղ օրենք չկա «Կենդանիների պաշտպանության մասին»։ Մենք՝ ՀՀ քաղաքացիներս, պահանջում ենք, որ խորհրդարանն ընդունի կենդանիների պաշտպանության օրենք։ Կենդանիների նկատմամբ դաժան վերաբերմունքը պետք է պատժվի քրեորեն», – նշվում է ստորագրահավաքում։

Կենդանասերների համար վերջին կաթիլը եղավ շան հանդեպ դաժան վերաբերմունքի հերթական դեպքը. արնաթաթախ կենդանու լուսանկարը տարածվել է համացանցում։ Սոցիալական ցանցերում ֆլեշմոբ է հայտարարվել. օգտատերերը հրապարակում են դա` #օրենքեմպահանջում հեշթեգով։

Ինչպես պատմեց «Դինգո թիմի» համակարգող Օվսաննա Հովսեփյանը Sputnik Արմենիայի թղթակցին, շանը գտել են 3-4 օր առաջ Աշտարակում, անասնաբույժներին չի հաջողվել փրկել մի թաթը, իսկ երկրորդ թաթը հավաքել են ոսկորներով։

«Ստորագրահավաքին ակտիվորեն մասնակցում են։ Խորհրդարանում ձևավորվել է աշխատանքային խումբ, բայց հիմնականում խոսվել է վարչական տուգանքները բարձրացնելու մասին, բայց կենդանասերները գտնում են, որ անհրաժեշտ են կոշտ միջոցներ», – ասաց նա։

Pawsitive Armenia հասարակական խմբի հիմնադիր Աստղիկ Հարությունյանը գերակա է համարում կենդանիների պաշտպանության մասին օրենքի ընդունումը, իսկ ինչպես պատժել օրենքը խախտողներին` տուգանքով, թե քրեական հետապնդմամբ, կարելի է հետո էլ որոշել։

«Հիմա կարևոր է օրենքի ընդունումը, քանի որ կենդանիների նկատմամբ բռնության մասին բոլորը գործերը կասեցվում են», – նշեց Հարությունյանը։

Այսօրվանից Երևանի կենդանաբանական այգին կաջակցի Երևանի քաղաքապետարանի ենթակայությամբ ստեղծված «Թափառող կենդանիների վնասազերծման կենտրոն» նորաստեղծ ՀՈԱԿ-ին: Կնքված հուշագրի համաձայն՝ առաջիկա մեկ ամսվա ընթացքում Այգու մասնագետները կօգնեն ՀՈԱԿ-ի աշխատակիցներին մայրաքաղաքում թափառող շների ստերջացման գործում:

Կենդանաբանական այգու մասնագետների ներգրավումը կնպաստի նաև «Թափառող կենդանիների վնասազերծման կենտրոն» նորաստեղծ ՀՈԱԿ-ի աշխատանքները մասնագիտական ճիշտ հենքի վրա կառուցելուն:

Կառույցի աշխատանքները սկզբնական շրջանում կկազմակերպվեն Երևանի կենդանաբանական այգու կենդանաբուժական կլինիկայում, որն իր հագեցվածությամբ և կահավորանքով ավելի քան բավարար է գործընթացը պրոֆեսիոնալ կազմակերպելու և իրականացնելու համար:

  • Երևանի կենդանաբանական այգու կենդանաբուժական կլինիկան
    Երևանի կենդանաբանական այգու կենդանաբուժական կլինիկան
    © Sputnik / Rouben Abrahamyan
  • Երևանի կենդանաբանական այգու կենդանաբուժական կլինիկան
    Երևանի կենդանաբանական այգու կենդանաբուժական կլինիկան
    © Sputnik / Rouben Abrahamyan
  • Երևանի կենդանաբանական այգու կենդանաբուժական կլինիկան
    Երևանի կենդանաբանական այգու կենդանաբուժական կլինիկան
    © Sputnik / Rouben Abrahamyan
1 / 3
© Sputnik / Rouben Abrahamyan
Երևանի կենդանաբանական այգու կենդանաբուժական կլինիկան

Հիշեցնենք, որ ըստ Երևանի քաղաքապետարանի հրապարակած տվյալների՝ թափառող կենդանիների վերաբերյալ միայն վերջին 2 ամսում ստացել է ավելի քան 700 ահազանգ: Կատարված ուսումնասիրությունների համաձայն՝ մայրաքաղաքում այսօր թափառող կենդանիների թիվը հասել է 15-20 հազարի: Ստեղծվել է սուր իրավիճակ. ավելացել է անտուն շների քանակը:

Այս տարի նախատեսվում է թափառող 6000 էգ շներից ստերջացնել 4500-ը, այսինքն` շուրջ 75 տոկոսը:

232
Ըստ թեմայի
Թափառող շների ստերջացման հարցում կօգնի Կենդանաբանական այգին
Պետք չէ նրանց ուտել. մեկ օր Երևանի կենդանաբանական այգու կյանքից
Աշնան գույներն՝ ըստ մանուկների. կայացավ ևս մեկ գունագեղ միջոցառում
Արայիկ Հարությունյան

«Բավականին լավ է կազմակերպված». նախարարը ներկայացրել է քննության ընթացքը. տեսանյութ

10
(Թարմացված է 13:05 04.07.2020)
Արայիկ Հարությունյանն Արտաշատի դպրոցներից մեկն է այցելել, որտեղ ընթանում են միասնական քննություններ։ Նախարարը, ծանոթանալով կազմակերպման ընթացին, ասաց, որ պրոցեսին մի փոքր խանգարում են ծնողները։

ԵՐԵՎԱՆ, 4 հուլիսի — Sputnik. ՀՀ կրթության, գիտության, մշակույթի և սպորտի նախարար Արայիկ Հարությունյանը Արարատի մարզպետ Գարիկ Սարգսյանի հետ այսօր այցելել է Արտաշատի թիվ 1 հիմնական դպրոց, որտեղ անցկացվում են միասնական քննություններ:

«Բավականին լավ է կազմակերպված ամեն ինչ»,-Facebook–ի իր էջում ասաց Հարությունյանը` ուղիղ եթերով ներկայացնելով քննության կազմակերպման գործընթացը:

Այսօր դիմորդները քննություն են հանձնում «Աշխարհագրություն» (286 դիմորդ), «Հայոց պատմություն» (1598) և «Քիմիա» (349) առարկաներից:

Նախարարը ցուցադրեց, որ քննասրահ մտնելուց առաջ դիմորդները պահում են սոցհեռավորությունը, այնուհետև ներսում ջերմաչափում են նրանց, ախտահանում ձեռքերը։ Հարությունյանին նույնպես դպրոց մտնելիս ջերմաչափեցին։

Այնուհետև նախարարը մարզպետի հետ շրջեց քննասենյակներով ու համոզվեց` այնտեղ նույնպես անհրաժեշտ սոցիալական հեռավորությունը պահպանված է։

«Այս պրոցեսին մի փոքր խանգարում են ծնողները, որոնք կուտակվում են դրսում` դարպասների մոտ, բայց այս պահին կարծես ամեն ինչ նորմալ է»,–ասաց նա` հավելելով, որ հաջորդ` հուլիսի 6-ին կայանալիք մաթեմատիկայի քննությանը կայցելի Կապանի դպրոցներից մեկը։

Նշենք, որ Գնահատման և թեստավորման կենտրոնի մամուլի խոսնակ Խաչանուշ Գրիգորյանը հայտնում է, որ միասնական քննությունների համար ձևավորված 47 քննական կենտրոնից այսօր գործելու է 23-ը, որից 8-ը՝ մայրաքաղաքում:

Միասնական քննությունները մեկնարկում են. պարսկերենից քննություն հանձնող չի լինի

Հիշեցնենք, որ միասնական քննությունները կավարտվեն հուլիսի 8-ին։ Այս տարի կորոնավիրուսով պայմանավորված իրավիճակով դիմորդները մեկ քննությամբ բուհ կընդունվեն, իսկ քննությունները կկազմակերպվեն մեկ փուլով։

10
թեգերը:
Գարիկ Սարգսյան, Արարատի մարզ, Քննություն, դպրոց, Նախարար, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Ըստ թեմայի
ԿԳՄՍՆ–ն փոխում է դպրոցական բարքերը. գնահատականով չեն պատժի, նույն դասարանում չեն թողնի
Լավագույն տարբերակը կլինի, եթե դպրոցները բացվեն. նախարարը դիմել է ուսուցիչների օգնությանը
Պարտադիր առարկաները կնվազեն, աշակերտներին չեն համեմատի իրար հետ. նոր փոփոխություններ
Կորոնավիրուսով վարակված տղամարդ

Կորոնավիրուսից հետո խանգարումնե՞ր են ի հայտ գալիս. գիտնականների նոր բացահայտումը

91
(Թարմացված է 00:33 04.07.2020)
Բժիշկներն ուսումնասիրություն են անցկացրել, որը ցույց է տվել, որ կազդուրվելուց հետո պացիենտներից շատերը նույն զգացողություն են ունենում։

ԵՐԵՎԱՆ, 4 հուլիսի – Sputnik. Journal of Endocrine Society–ն ներկայացրել է Շրի Լանկայի ազգային հիվանդանոցի բժիշկների ուսումնասիրության արդյունքը, ըստ որի` կորոնավիրուսը կարող է էնդոկրին համակարգի խանգարումներ առաջացնել։

Ապաքինվելուց հետո պացիենտների մոտ կարող է հոգնածության զգացողություն ի հատ գալ։ Գիտնականները կարծում են, որ դա կապված է մակերիկամների ֆունկցիայի խանգարման հետ, որի դեպքում օրգանիզմը բավարար չափով կորտիզոլ չի արտադրում։

Շրի Լանկայի բժիշկները նման եզրակացության են հանգել, երբ ուսումնասիրել են SARS-CoV-1–ով վարակված ու առողջացած մարդկանց։ SARS-CoV-1–ն ատիպիկ թոքաբորբի բռնկման հարուցիչ է դարձել 17 տարի առաջ, և այդ վիրուսը 80%–ով նման է SARS-CoV-2–ին։

Գիտնականները զգուշացրել են` ապաքինվելուց հետո կորոնավիրուսի հակամարմիններն անհետանում են

Միաժամանակ բժիշկները վստահեցրել են, որ նախորդ դեպքում պացիենտները մեկ տարվա ընթացքում լիովին կազդուրվել են։

Ներկա պահին աշխարհում կորոնավիրուսով վարակված անձանց թիվը հատել է 11 միլիոնի սահմանը։ Վարակի զոհ է դարձել ավելի քան 526 հազար մարդ։

Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները

91
թեգերը:
կորոնավիրուս, գիտնական
թեմա:
Կորոնավիրուսը Չինաստանում և աշխարհում
Ըստ թեմայի
Գիտնականներին հաջողվել է գտնել կորոնավիրուսի թույլ կողմերը
Գիտնականները պարզել են, թե ինչ հոգեբանական խանգարումներ է առաջացնում կորոնավիրուսը
Ինչպես երջանիկ զգալ համավարակի պայմաններում. գիտնականները ստացել են բանաձևը
Ռուս գիտնականները կորոնավիրուսի դեմ պատվաստանյութը փորձարկել են իրենց վրա
Սարսանգի ջրամբար

Սարսանգի ջրամբարում երեխաներ են ջրահեղձ եղել

0
(Թարմացված է 13:37 04.07.2020)
Փրկարարները Սարսանգի ջրամբարից դուրս են բերել ջրահեղձ եղած երեխաներից մեկի դին, իսկ մյուսին դեռ որոնում են։

ԵՐԵՎԱՆ, 4 հուլիսի – Sputnik. ԱՀ արտակարգ իրավիճակների պետական ծառայությունը տեղեկացնում է, որ Սարսանգի ջրամբարում երեկ երեկոյան երկու անչափահաս են ջրահեղձ եղել։

«Հուլիսի 3-ին ժամը 21։20-ին տեղեկություն է ստացվել, որ Մարտակերտի Վերին Հոռաթաղ համայնքի անչափահաս բնակիչներ՝ Է.Ա.-ն՝ ծնված 2009 թվականին և Դ.Ս.-ն՝ ծնված 2006 թվականին, ջրահեղձ են եղել: Որոնողական աշխատանքներին միացել են Չափարի տեղամասային փրկարար ջոկի անձնակազմը»«–նշված է հաղորդագրության մեջ։

Է. Ա.-ի դին հայտնաբերվել է ջրամբարից և շտապօգնություն մեքենայով տեղափոխվել Գետավանի տեղամասային հիվանդանոց:

Դ. Ս.-ին դեռևս չեն հայտնաբերել: Փրկարարաորոնողական աշխատանքները շարունակվում են:

0
թեգերը:
Սարսանգի ջրամբար, երեխա, Լեռնային Ղարաբաղ, Արցախ
թեմա:
Վթար, պատահար, սպանություն, գողություն
Ըստ թեմայի
Արցախում համաներում կհայտարարվի
Կորոնավիրուսի հետևանքով Հայաստանում 8 մարդ է մահացել. ամենաերիտասարդը 59 տարեկան է