Օպերա

Օպերայի սրճարանների ապամոնտաժման աշխատանքները դադարեցվել են

173
Սրճարանների ապամոնտաժման դեմ պայքարող քաղաքացիներին քաղաքապետարանը հրավիրել է քննարկման։

ԵՐԵՎԱՆ, 13 մարտի – Sputnik. Ազատության հրապարակին հարող սրճարանների ապամոնտաժման աշխատանքները ժամանակավորապես դադարեցվել են։ Այս մասին լրագրողների հետ զրույցում ասաց Երևանի Կենտրոն վարչական շրջանի ղեկավար Վիկտոր Մնացականյանը։

Նա տեղեկացրեց նաև, որ ժամը 18:00-ին սրճարանների ապամոնտաժման դեմ պայքարող քաղաքացիներին քաղաքապետարանը հրավիրել է քննարկման։ «Հրավիրել ենք քաղաքապետարան` լսելու նրանց կարծիքը, սակայն մեր մտադրությունները չեն փոխվել, և այդ սրճարանները պետք է ապամոնտաժվեն։ Մյուս կողմից, չենք ուզում ավելորդ սրացում լինի»,- ասաց Մնացականյանը:

Հիշեցնենք, որ Երևանի քաղաքապետարանն այսօր առավոտից սկսել էր Օպերայի հարակից տարածքում գտնվող սրճարանների ապամոնտաժումը, ինչը հարուցել է սրճարանների սեփականատերերի և աշխատողների բուռն դժգոհությունը։ Քաղաքային պաշտոնյաները հավաստիացնում են, որ գործընթացն օրինական է, ծանուցումները տրվել են ժամանակին, և այս ամենը արվում է տարածքի բարեկարգման, կանաչապատման նպատակով ու ի շահ քաղաքացիների։

173
թեգերը:
Հայկ Մարության, Երևան
Ըստ թեմայի
Որոշումը վերջնական է. քաղաքապետարանը չի հրաժարվի Երևանի կենտրոնի սրճարանները քանդելուց
Սիրահարված եմ եղել, գնացել եմ, բայց էլ չեմ գնում. քանդե՞լ, թե՞ չքանդել օպերայի սրճարանները
Take Away հայկական ձևով. թրեյլեր-սրճարանները խանգարո՞ւմ են քաղաքապետարանին