Քաղաքապետարանի մուտքի մոտ հասած «Նիվան»

«Նիվայով» Երևանի քաղաքապետարանի մուտքի մոտ բարձրացած քաղաքացին հոգեբուժարան է տեղափոխվել

251
Տղամարդը, որ մի քանի անգամ բուժում է ստացել հոգեբուժարանում, «Ավան» հոգեբուժական կենտրոն է տեղափոխվել շտապօգնության բրիգադի ուղեկցությամբ։

ԵՐԵՎԱՆ, 9 մարտի – Sputnik. Sputnik Արմենիայի տեղեկություններով` երեկ Երևանի քաղաքապետարանի գլխավոր մուտքի աստիճանահարթակի վերևում կայանած «Նիվա» մակնիշի ավտոմեքենայի վարորդը՝ 36-ամյա Ռոմիկ Ջնդոյանը, տեղափոխվել է ՀՀ առողջապահության նախարարության «Ավան» հոգեբուժական կենտրոն, որովհետև եղել է հոգեկան անհավասարակշիռ վիճակում։

Մեզ հայտնի է նաև, որ տղամարդը մի քանի անգամ բուժվել է հոգեբուժական կենտրոնում, սակայն նա, ամենայն հավանականությամբ, հաշվառված չէ բուժհաստատությունում, քանի որ վարորդական իրավունք ունի։

Տղամարդը «Ավան» հոգեբուժական կենտրոն է տեղափոխվել շտապօգնության բրիգադի ուղեկցությամբ։

Հիշեցնենք, որ երեկ` մարտի 8-ին, վարորդը Երևանի քաղաքապետարանի շքամուտքի աստիճանահարթակի վերևում կայանելուց հետո բենզին է լցրել մեքենայի վրա ու փորձել այն այրել: Ոստիկանները կարողացել են կանխել հրդեհի բռնկումը, իսկ վարորդը հրավիրվել է ոստիկանության բաժանմունք:

Մեր տեղեկություններով՝ «Նիվայի» վարորդն ազգությամբ եզդի է։ Նա այդ քայլին է դիմել, քանի որ Երևանի Դավիթ Բեկի փողոցում իրեն պատկանող շինության հետ կապված խնդիրներ ունի քաղաքապետարանում։

 

251
Ըստ թեմայի
Հրապարակվել են ՌԴ–ում ավտովթարի զոհ դարձած հայերի անունները
Ողբերգական ավտովթար ՌԴ–ում. հայկական պետհամարանիշով մեքենայի 3 ուղևորներից 2–ը մահացել են
Ստեփանավանի տներից մեկի բակում հակատանկային ական են հայտնաբերել ու պայթեցրել