Խանութ

«Կաթնային» մթերք, բակային միս, «պերեխոդի քյաբաբնոցներ». Սննդի տեսչության ցավոտ հարցերը

187
2019 թվականի հուլիսից Հայաստանում պետք է ավելի խիստ հետևեն կաթնամթերքի տուփերի վրա առկա գրություններին։ Իսկ մսի և շաուրմայի հետ կապված հարցը դեռ չի լուծվել։

ԵՐԵՎԱՆ, 6 մարտի — Sputnik. Բնական և ոչ բնական կաթնամթերքն առանձին վաճառելու պահանջները կարելի է ուսումնասիրել։ Սպառողների իրավունքների պաշտպանության հարցերով զբաղվող կազմակերպությունների ներկայացուցիչների հետ խորհրդակցության ժամանակ այս մասին ասաց ՍԱՊԾ սննդամթերքի անվտանգության և որակի հսկողության տեսչության պետ Վահե Դանիելյանը։

Նրա խոսքով` նման գաղափար է քննարկվում Ռուսաստանում, և այդ փորձը կարելի է կիրառել նաև Հայաստանում։ Այսպես թե այնպես Հայաստանում հուլիսից վերջնականապես կսկսեն գործել կաթնամթերքի մասին ԵԱՏՄ տեխնիկական կանոնակարգի նոր պահանջները։ Կաթնայուղի փոխարինիչներով, այդ թվում նաև տրանսճարպեր պարունակող արտադրանքը պետք է հստակ մակնշում ունենա։  Պետք է նշվի ամեն ինչ` կաթնային ճարպ է, թե բուսական, սովորական, թե տրանսճարպ (հեղուկ, որը պնդացվել է)։

«Կարելի է մտածել նաև այն մասին, որ խանութներում այս մթերքն առանձին դարակներում վաճառվի, որպեսզի նույնիսկ վիզուալ առումով չշփոթեն կաթնամթերքի հետ», – ավելացրեց Դանիելյանը։

Ինչ վերաբերում է մսամթերքին, ապա մինչև վերջ չի լուծվել անասուների մորթի հետ կապված հարցը։ Այն գրաֆիկի համաձայն, որն ընդունել էր Կարեն Կարապետյանի կառավարությունը, հանրապետությունում արգելվում էր բակում մորթած անասունի միս վաճառել 2018 թվականի հուլիսի 1-ից։ Անասունների մորթն ամբողջությամբ պետք է տեղափոխվեր սպանդանոցներ։

Սակայն այս պահանջը առայժմ գործում է պետական գնումների շրջանակում իրականացրած մսի համար։ Մանրածախ վաճառքում ոչինչ չի փոխվել։ Երկրում առկա սպանդանոցների թիվը չի բավականացնում, իսկ գյուղացիները չեն ցանկանում անասուններին բեռնատարներով 10-20 կմ տանել ու բերել և վճարել մորթի համար։ Կառավարությունը դեռ չի որոշել` սպանդանոցների հարցում  պետք է առաջ մղի նախորդների նախաձեռնությունը, թե ոչ։ Այդուհանդերձ, ինչպես նախկինում, այնպես էլ հիմա վաճառքից առաջ միսը պետք է հետազոտի անասնաբույժը։ Իսկ 2017 թվականի նոյեմբերի 1-ից արգելված է առանց սանիտարական անձնագիր ունենալու ֆուրգոններով հաց և միս տեղափոխելը։ Այլ կերպ ասած, խանութները չպետք է ընդունեն այս մթերքները ավտոմեքենայի բեռնախցիկից։ Հարցն այն է, թե ինչպես է իրականացվում սպանդն ու պահվում միսը խանութ հասնելուց առաջ։

Մեկ այլ հարց էլ կա, որը դեռ բաց է մնում։ Խոսքը հանրային սննդի կետերի ստուգումների մասին է։ 2009 թվականից տեսչական ստուգումները (բացի հարկայինից) դադարեցվել են բոլոր ընկերություններում, որոնց շրջանառությունը 70 մլն դրամի չի հասնում։ Այդ կետերում ստուգումներ են իրականացվում միայն ահազանգի դեպքում։

«Հարցն այն է, որ փոքր բիզնեսն ինքը չպետք է բանը հասցնի այդ ահազանգին»,– ավելացրեց Դանիելյանը։ Պետությունը քյաբաբ կամ շաուրմա վաճառող փոքր կրպակները չի ստուգում` ամեն կերպ թեթևացնելով փոքր բիզնեսի աշխատանքը։ «Բայց իրենք էլ իրենց կողմից պետք է պատասխանատու լինեն, որովհետև գործ ունեն հազարավոր մարդկանց առողջության հետ»,– ընդգծեց Դանիելյանը։

Նրա խոսքով` փոքր բիզնեսի պլանային ստուգումները չեն վերականգնվի. այս ընթացակարգային արտոնությունն ուժի մեջ կմնա։

187
թեգերը:
Հայաստան
Ըստ թեմայի
Հայաստանում ադրբեջաներեն մակնշմամբ կոնֆետ է հայտնաբերվել
«Մենք պետք է զերծ մնանք սպառողին խաբելուց ու մոլորեցնելուց». Գեորգի Ավետիսյան
Հայաստանում վաճառվող բելառուսական մսի շուրջ աղմուկ է բարձրացել. անորա՞կ է, թե՞ վտանգավոր
Արհեստական կարմիր իշխան, թթվասերային մթերք` թթվասերի փոխարեն. ի՞նչ է ուտում Հայաստանը
Пресс-конференция председателя Комитета государственных доходов Армении Давида Ананяна (16 октября 2019). Еревaн

Անանյանի փոխարինողին գտել են. Պետեկամուտների կոմիտեն նոր նախագահ ունի

32
(Թարմացված է 20:58 05.06.2020)

ԵՐԵՎԱՆ, 5 հունիսի — Sputnik. ՀՀ կառավարությունը Պետեկամուտների կոմիտեի նոր նախագահ է նշանակել։

«Ղեկավարվելով «Հանրային ծառայության մասին» օրենքի 9-րդ հոդվածի 2-րդ մասով՝ Հայաստանի Հանրապետության կառավարությունը որոշում է Էդվարդ Հովհաննիսյանին նշանակել Պետական եկամուտների կոմիտեի նախագահ»,–նշված է կառավարության որոշման մեջ։

Նշենք, որ Հովհաննիսյանը մինչ այդ զբաղեցնում էր ՊԵԿ նախագահի տեղակալի պաշտոնը։ Նա այդ պաշտոնում նշանակվել էր 2019–ի հուլիսի 1-ին։

ՊԵԿ նախկին նախագահ Դավիթ Անանյանը պաշտոնից ազատման դիմում էր գրել երեկ` հունիսի 4-ին։

32
Կորոնավիրուսի թեստ

«Գլորիա» կարի ֆաբրիկայի 135 աշխատակցի մոտ կորոնավիրուս է հայտնաբերվել. մարզպետ

2
(Թարմացված է 20:58 05.06.2020)
Լոռիում կորոնավիրուսով վարակված 251 մարդ կա, ավելի քան 50 տոկոսը «Գլորիա» կարի ֆաբրիկայի աշխատողներն են։

ԵՐԵՎԱՆ, 5 հունիսի – Sputnik. Վանաձորի «Գլորիա» կարի ֆաբրիկայի 135 աշխատակցի մոտ կորոնավիրուս է հայտնաբերվել։ Տեղեկությունը Facebook սոցիալական ցանցի իր էջում հայտնել է Լոռու մարզպետ Անդրեյ Ղուկասյանը։

«Տեղեկացնեմ, որ վարակվածների թիվը ստացվել է «Գլորիա» ֆաբրիկայի 197 աշխատակցի թեստավորման արդյունքում»,–գրել է մարզպետը։

Նա տեղեկացրել է նաև, որ Լոռու մարզում այսօրվա դրությամբ 251 մարդ է կորոնավիրուսով վարակված, առողջացել են 67–ը, եղել է մահվան մեկ դեպք: Լոռիում մեկուսացված է 621 մարդ:

Հիշեցնենք, որ ՀՀ վարչապետ Նիկոլ Փաշինյանը օրերս ֆեյսբուքյան իր էջում լուսանկար էր հրապարակել, որում երևում էր` ինչպես են «Գլորիայի» աշխատակիցները փորձում բարձրանալ ավտոբուս։ Լուսանկարից պարզ էր դառնում, որ ավտոբուսում չեն պահպանվում հանրային տրանսպորտի համար սահմանված պահանջները։ Աշխատակիցները թեպետ դիմակներով էին, բայց առանց ձեռնոցների։ Բացի այդ, լուսանկարից կարելի էր ենթադրել, որ ավտոբուսը գերբեռնված է։

Դրանից հետո հայտնի դարձավ, որ ֆաբրիկայի 39 աշխատակցի մոտ կորոնավիրուս է հաստատվել։ Դրան հաջորդեց կարի ֆաբրիկայի աշխատանքը երեք օրով դադարեցնելու որոշումը։

«Լոռու մարզպետը քեֆ է անում, բայց ասում են` ժողովուրդ, լավ չնստեցիք ավտոբուս». Մարուքյան

2
թեգերը:
Վանաձոր, կորոնավիրուս, Հայաստան
Ըստ թեմայի
«Կարծում ենք, որ կորոնավիրուսի գագաթնակետը կլինի հունիսի վերջին». Փաշինյան
Ինչու են առողջացածների տվյալները նվազել. Փաշինյանը հայտնեց հաշվարկի նոր սխեմայի մասին
«Հիմա պետք է «սպեցնազ» հանեմ, ծեծուջարդ անե՞մ, որ կարգուկանոն պահպանեմ». Փաշինյան