ԵՐԵՎԱՆ, 6 մարտի — Sputnik. Հանրահայտ դերասան Վենսան Կասելի կնոջ` մոդել Թինա Կունակիի հրապարակված տեսանյութը բառացիորեն փոթորկել է համացանցը։
21–ամյա գեղեցկուհին գայթակղիչ տեսանյութ է հրապարակել Instagram–ում, որում երևում է նրա ուրվագիծը։ Ամենայն հավանականությամբ կինը մերկ է։ Ինչ–որ պահի հայտնվում է Կասելը, բայց հետո արագ անհետանում է։ Ակնհայտ է, որ Կունակին հղի է։
Երկրպագուները բազմաթիվ մեկնաբանություններ են գրել։ Շատերի աչքից չի վրիպել Թինայի մարմնի գեղեցկությունը։ Մարդիկ զարմացած են, որ նա հղիության ընթացքում չի գիրացել և առաջվա պես հիանալի մարզավիճակում է։
Վերջերս նա նույնիսկ ներկա է եղել Tommy Hilfiger–ի ցուցադրությանը, որը տեղի է ունեցել Փարիզում Նորաձևության շաբաթվա շրջանակում։
Թինայի առաջնեկը Վենսան Կասելի երրորդ զավակը կլինի։ Դերասանը երկու դուստր ունի նախկին կնոջից` Մոնիկա Բելուչիից։ Ի դեպ, նա և Մոնիկան նույնպես գաղյթակղիչ տեսանյութ ունեն, բայց ֆիլմում։
Դերասանն ու Կասելն ամուսնացել են 2018 թվականին։
