Հայկական պանիր

Հարկի յուղոտ համը. ինչու Հայաստանի խանութներն «էն» պանիրը չեն վաճառում

2759
(Թարմացված է 19:14 24.02.2019)
Հարկային օրենսդրությունը մտածվել էր, թեթևացնելու համար գյուղացիների կյանքը։ Սակայն արդյունքում տուժում են և՛ արտադրությունը, և՛ առևտուրը, և՛ գյուղացիները։

ԵՐԵՎԱՆ, 24 փետրվարի –Sputnik, Արամ Գարեգինյան. Աշխարհում վերջին տարիներին սովորել են պանիր պատրաստել կաթի փոշուց և բուսայուղից։

Այս «նորամուծությունը» բոլորս համով ենք զգում։ Ինչո՞ւ են այն մեզ հրամցնում։

Ո՞ր է պատճառը. հարկայինի հետ հաշվարկները։ Փոշին և կաթնային յուղի փոխարինիչը պանրագործները գործարարներից են գնում։ Իսկ բնական կաթը` գյուղացուց (տոհմաբուծական տնտեսություններ Հայաստանում չկան)։ Գործարարներին կարելի է ԱԱՀ–ով վճարել։ Իսկ գյուղացու պարագայում դա չի կարելի։ Ժամանակին գյուղացիներին ազատեցին ԱԱՀ–ից, նրանց կյանքը թեթևացնելու համար։ Սակայն օրենքում չլուծված հարցեր կան, որոնք կարող են հարված հասցնել գյուղացիներին։ Վտանգ կա, որ այս գարնանը նրանք կաթի դիմաց քիչ գումար կաշխատեն։

Սակայն այս համեղ պատմության մեջ փոքր–ինչ «դժվարամարս» խնդիր է մնացել։ Հում կաթը ազատված է ԱԱՀ–ից։  Իսկ մթերքները (պաստերացված կաթը, կաթնաշոռը, պանիրը և այլն)` ոչ։ Դրանք ամբողջությամբ հարկվում են, այդ թվում այն կաթի համար, որը պարունակում են։

Իսկ ինչ է ԱԱՀ–ն։ Դա այն հարկն է, որը մենք վճարում ենք ապրանքի մեջ մտցրած հավելագնի դիմաց։ Խանութը, որը (օրինակ) հաց է վաճառել, ԱԱՀ է վճարում բոլորի համար. և՛ փռի, և՛ ալրաղացի։ Սակայն հետո խանութը նրանցից հետվերադարձ է ստանում։ Երեխաների լեզվով ասած՝ «նրան գնդակ են տալիս, իսկ նա գլխի վրայով այն հետ է տալիս» շղթայով։

Սակայն ահա շղթան հասավ կաթի գործարանին։ Նա ստանում է «գնդակը», իսկ այն փոխանցելու մարդ չունի։ Չէ՞ որ գյուղացին ԱԱՀ չի վճարում։ Պանրագործը մնում է «գնդակը» ձեռքին և ստիպված է ԱԱՀ վճարել և՛ իր համար, և՛ գյուղացու։

Այդ հարցը հերթական անգամ արտադրողներն ու չինովնիկները քննարկել են «Ռազմավարական զարգացման գործակալության» աջակցմամբ Սննդամթերքի անվտանգության պետական ծառայության կազմակերպած սեմինարի ժամանակ։

«Ինչ է ԱԱՀ–ն։ Ավելացրած արժեքի հարկ։ Այդ դեպքում թույլ տվեք մեզ վճարել մեր ավելացրած արժեքի հարկը։ Իսկ դուք ստիպում եք մեզ վճարել մյուսների համար», – հայտարարել են արտադրող–կաթնավաճառները։

Թեև հարցը միայն նրանց չի վերաբերվում, այլև բոլոր նրանց, ովքեր աշխատում են «հայկական հողի բարիքներով». նրանց, ովքեր տոմատի մածուկ, սմբուկի խավիար, կոմպոտ կամ հյութեր են արտադրում։ Եվ եթե գինու և կոնյակի հարցում խնդիրն այդքան էլ սուր չէ (բարձր մարժայի պատճառով), ապա «սթափ» մթերքների պարագայում ամեն ինչ ավելի բարդ է։

ԱԱՀ–ի փոխհաշվարկն ավելի հեշտ է կատարել «գրեթե բնական» պանրի դեպքում, քան բնական։ Դա ավելի քիչ գլխացավանք է պատճառում և՛ արտադրողներին, և՛ խանութներին։ Այսինքն, թվում էր թե, ուզում էին հեշտացնել գյուղացիների կյանքը, իսկ արդյունքում նրանց աշխատանքը կարող է անպետք դառնալ։ Համենայնդեպս, անցած տարին կաթնային էր (տեղումները նորմայի սահմանում էին, անասունների  կերի համար բավականաչափ խոտ էր աճել)։ Թվում է թե լավ է, սակայն այդ կաթից պատրաստված պանիրն այդպես էլ չի վաճառվում։ Համենայն դեպս, դրանից բողոքում են տեղական արտադրողները։

Այդ պատճառով էլ նրանք ուզում են իջեցնել կաթի գնման գինը։ Ձմռանը դա դեռ չի զգացվում։

Իսկ գարնանը ֆերմաներում կաթն ավելի շատ կլինի։ Սակայն անհասկանալի է, թե դրանից ով կշահի։ Չէ՞ որ խանութների համար ավելի շահավետ է դառնում գնել կաթի փոշուց պատրաստված պանիրը (ինչից էլ սկսել էինք մեր հոդվածը)։

Իսկ այս խառնաշփոթի մեջ սպառողը չի կարող ընտրել, թե որ պանիրն է բնական, որը «լիովին բնական»։ Գրեթե բոլոր գնապիտակները պնդում են. «որ սրանից բնական լինել չի կարող»։

Միևնույն ժամանակ, հունվարի 16-ից Եվրասիական միությունում ուժի մեջ են մտել կաթնամթերքի մակնշման նոր կանոնները։ Այժմ այդ արտադրանքի վրա պետք է նշել ոչ միայն այն, թե այդ մթերքը պատրաստված է կաթից, թե կաթի փոշուց, այլև այն, թե արդյոք արտադրանքի մեջ կան կաթնային ճարպի և տրանսճարպերի փոխարինիչներ (այդ մասին ավելի մանրամասն այստեղ)։

Սակայն տեղական արտադրողները դիմել են կառավարություն, խնդրելով, որ Հայաստանի համար այդ փոփոխությունները դեռ կես տարի էլ չգործեն։ Նրանց խոսքով` նրանք դեռ մեծ քանակի ապրանք ունեն, որոնք հին փաթեթավորմամբ են և դա դեռ պետք է վաճառել։

Սակայն, ի՞նչ կա մտահոգվելու, եթե փաթեթավորման վրա ամեն ինչ ճիշտ է գրված։

Գնորդները մոլորության մեջ են։ Գործարարները չեն ցանկանում վճարել ուրիշների հարկերը։ Իսկ իշխանությունները այն չեղարկել չեն ուզում։ Կամ, ավելի շուտ, չեն կարող։ Բյուջեի վրա դա թանկ կնստի։ Այդ դեպքում ինչ անե՞լ։

Մինչև 2018 թվականի ապրիլ–մայիս ամիսները սուպերմարկետները լուծեցին այդ խնդիրը` կեղծ մասնավոր ձեռնարկատերերի միջոցով այդ ապրանքները վաճառելով։ Իշխանափոխությունից հետո, ՊԵԿ–ը ստուգումներ անցկացրեց սուպերմարկետներում և ստիպեց նրանց օրինական դաշտում առևտուր անել։  Հարկերն ավելի «բնական» դարձան (ինչը իհարկե շատ կարևոր է)։ Սակայն պանիրը...

2759
թեգերը:
ՀՀ Գյուղատնտեսության նախարարություն, ՀՀ կառավարություն
Ըստ թեմայի
Ուտել ու չգիրանալ. հայկական ուտեստների լավագույն 5-յակն առողջ ապրելակերպի սիրահարի համար
Ճարպիկ գործարարները հայկականի անվան տակ են վաճառել հոլանդական պանիրը
Հացիկ գյուղում հայտնված պատմության վկան, կամ Էրգրից վերադարձած յուղով կճուճի պատմությունը
Երեխա

Մասիսի բնակչուհին 1–ամյա որդուն 500 000 դրամով վաճառել է. հարուցվել է քրգործ

129
(Թարմացված է 19:25 14.08.2020)
Մեկ տարեկան տղայի գնորդը ճանաչել է երեխայի հայրությունը, վերցրել են նրա ազգանունով նոր ծննդյան վկայական։

ԵՐԵՎԱՆ, 14 օգոստոսի — Sputnik. Դատախազությունը տեղեկացնում է, որ Արարատի մարզում մեկամյա երեխայի առուվաճառքի դեպք է բացահայտվել. հարուցվել է քրեական գործ։

«Ոստիկանության Մասիսի  բաժնում օպերատիվ տվյալներ են ստացվել, որ  2020թ. մայիսին Մասիսի բնակչուհին իր մեկամյա երեխային վաճառել է: Իրականացված աշխատանքի արդյունքում այս տարվա մայիսի 13-ին Մասիսի բնակչուհին հաղորդում է տվել, որ իր որդուն 500 000  դրամ  դիմաց վաճառել է Երևանում բնակվող ամուսիններին։ Վերջիններս մաս-մաս վճարել են ընդամենը 300 000 դրամ»,–նշված է հաղորդագրության մեջ։

Պարզվել է` նշված կինը 2019թ. ապրիլին ծննդաբերել է տղա երեխա: Վերջինս Երևանի բնակիչ հանդիսացող ամուսինների հետ նախապես համաձայնության գալով իր մեկամյա որդուն 500 000 դրամի դիմաց նրանց վաճառելու շուրջ՝ 2020թ. մայիսի 5-ին գնացել է Մասիսի ՔԿԱԳ տարածքային բաժին։ Այնտեղ գնորդը  ճանաչել է երեխայի հայրությունը և ստացել է վերջինիս ազգանունով երեխայի՝ նոր ծննդյան պետական վկայականը։

Օրեր անց գնորդ ամուսիները հարազատների հետ գնացել են երեխայի կենսաբանական մոր տուն, որտեղ երեխայի առքի համար նախատեսված պայմանավորված 500 000 դրամից վճարել են 200 000 դրամ  գումար, մնացած մասը՝ 300 000 դրամը, պայմանավորվել են վճարել հետագայում։ Նրանք երեխային տարել են իրենց հետ, իսկ հաջորդ ամիսներին վճարել ևս 50 000 դրամ։

Նորածին վաճառելու նոր փորձ է եղել. ինչքա՞ն է «գնահատվում» Հայաստանում երեխան

Հարուցվել է քրեական գործ՝ ՀՀ քրեական օրենսգրքի 168-րդ հոդվածի 1-ին մասով, այն է` խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը։ Նախաքննություն կատարելու համար քրեական գործն ուղարկվել է ՀՀ քննչական կոմիտեի Մասիսի քննչական բաժին:

Միջոցներ են ձեռնարկվում դեպքի լիարժեք հանգամանքները պարզելու ուղղությամբ:

Հիշեցնենք, որ վերջին օրերին նորածնի վաճառքի դեպքեր էին գրանցվել Արարատի մարզում։ Ավելին` հուլիսի 29-ին զարհուրելի դեպք էր տեղի ունեցել Երևանում. կինը ծննդաբերել է, հետո երեխային փաթեթավորելով պոլիէթիլենային տոպրակի մեջ՝ նետել աղբարկղը։

129
թեգերը:
Մասիս, Քրեական գործ, ՀՀ դատախազություն, վաճառք, երեխա
Ըստ թեմայի
Երկու երեխայի վաճառք կազմակերպելու կասկածանքով ձերբակալված կա. ՔԿ
Ոստիկանները երեխայի վաճառքի դեպք են բացահայտել
Ավտոբուս, արխիվային լուսանկար

Ժամանակավոր կասեցվել է մի շարք երթուղայինների գործունեությունը

66
Երթուղայինների աշխատանքները վերահսկելու համար ստուգայցերի ժամանակ պարզվել է, որ մի շարք երթուղայիններ երթևեկել են գերբեռնված։

ԵՐԵՎԱՆ, 14 օգոստոսի - Sputnik. ՀՀ կառավարությունը տեղեկացնում է, որ ժամանակավոր կասեցվել են մի շարք երթուղայինների գործունեությունը` հակահամաճարակային կանոնները չպահպանելու համար։

«Օգոստոսի 14-ին, ՀՀ պարետի որոշմամբ 24 ժամով կասեցվել է կանոնավոր ուղևորափոխադրում իրականացնող N 8, N 57, N 44, N 42, N 39 համարի երթուղիները սպասարկող թվով 18 տրանսպորտային միջոցի գործունեություն։ Դրանք պարբերաբար երթևեկել են գերբեռնված»,– նշված է հաղորդագրության մեջ։

Կասեցման աշխատանքներին զուգահեռ, շարունակվել է ուժեղացված վերահսկողություն իրականացվել Երևանի Կենտրոն վարչական շրջան մուտք գործող հանրային տրանսպորտի նկատմամբ։ Բաղրամյան պողոտայում, Աբովյանի պուրակի հարակից կանգառներում, Ծովակալ Իսակովի պողոտայի ողջ երկայնքով իրականացված վերահսկողական աշխատանքների արդյունքում մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցներում խախտումներ չեն հայտնաբերվել։ Իսկ կանոնավոր երթուղիներում ուղևորափոխադրում իրականացնող տրանսպորտային միջոցներում հայտնաբերվել են սահմանված քանակից ավելի ուղևորների նստեցումով փոխադրում իրականացնելու դեպքեր։

Վարորդները չեն վախենում կորոնավիրուսից․ նրանց ավելի շատ անհանգստացնում է եկամուտի պակասը

Արձանագրված խախտումների դեպքերով կազմվել են արձանագրություններ։

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները մշտադիտարկումների և վերահսկողության հետ իրականացրել են բացատրական և իրազեկման աշխատանքներ։

66
թեգերը:
պարետ, ուղևոր, վարորդ, երթուղային, երթուղի, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երթուղայինների վարորդներն աջակցություն են պահանջում. ինչ են ասում քաղաքապետարանից
Երևանում միկրոավտոբուսային երթուղիներից ևս մեկի սպասարկումը կդադարեցվի
Բողոքի ակցիա Երևանում. երթուղայինների վարորդները չգիտեն՝ ինչպես տունը պահեն
Երթուղայինների վարորդներն առանձին աջակցություն չեն ստանա. նախարար

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ