Դպրոց

Դպրոցներում կսահմանափակեն համացանցը. որոշ կայքեր կարգելափակվեն

189
Դպրոցական ինտերնետ կապի մոդեմներում կգործի բռնություն և պոռնոգրաֆիա տարածող կայքերի արգելափակման համակարգը։

ԵՐԵՎԱՆ, 21 փետրվարի — Sputnik. Հայաստանի դպրոցների ինտերնետ կապում կարգելափակվեն անցանկալի կայքերը։ Դպրոցական համացանցից աղբը կմաքրվի հուշագրի շրջանակում, որը ստորագրեցին կրթության նախարար Արայիկ Հարությունյանը և Ucom ընկերության գլխավոր տնօրեն Հայկ Եսայանը։

Ընկերությունն իր հաշվին կպատվիրի արգելափակման միջոցներ` «ֆայերվոլներ», որոնք կփակեն «18+», ահաբեկչություն, ատելություն տարածող կայքերը։

Նման ֆայերվոլներ են առաջարկում խոշոր հակավիրուսային ընկերությունները։ Նրանք ամբողջ աշխարհում իրենց տվյալների բազաներում մշտապես թարմացնում են «կեղտոտ» կայքերի ցանկը։

Դպրոցներում չեն արգելափակի սոցիալական կայքերը։

Արգելափակումը կգործի համացանցի դպրոցական հանգույցներում։ Ուստի, եթե երեխան ցանկանում է «չարություն անել» ոչ թե դպրոցական համակարգչից, այլ իր հեռախոսից, ապա նրան չի հաջողվի կանգնեցնել։

«Բայց մենք այդպիսի ծառայություն ունենք առանձին օգտատերերի համար։ Այն կարող են պատվիրել ծնողները իրենց երեխաների համար։ Ցավոք, առայժմ օգտատերերի թիվը մեծ չէ։ Մենք հույս ունենք, որ ապագայում նրանք կավելանան», – ասաց Եսայանը։

Նախագիծը փորձնական ռեժիմով կգործի 20 դպրոցում, հետագայում ցանկանում են տարածել Հայաստանում գործող բոլոր 1400 դպրոցներում։

189
թեգերը:
դպրոց, Հայաստան
Ըստ թեմայի
Դպրոցներում նոր դասագրքերով ու նոր առարկաներ կդասավանդվեն. նախարարը հայտնեց` երբվանից
Դպրոցին հայեցակարգ է պետք. միայն այդ ժամանակ Նարեկացուն կդադարեն տիեզերագնաց անվանել
Խաչատրյան. «Երեխաները չեն կարող 8 ժամ դաս անել դպրոցում, 5 ժամ էլ` տնային աշխատանք»
Երևանցի դպրոցականներին մասնագիտություն գտնելու հարցում օգնում է փայլաթիթեղի գործարանը