Տիգրան Քեոսայան

«Հարսանիք դեռ չի եղել»․ Տիգրան Քեոսայանը «սարսափելի գաղտնիք» է բացել

730
(Թարմացված է 17:16 09.02.2019)
Տիգրան Քեոսայանը խոսել է Մարգարիտա Սիմոնյանի հետ ապրելու ու հարսանիքի մասին։

ԵՐԵՎԱՆ, 9 փետրվարի — Sputnik. Հայտնի ռեժիսոր և հաղորդավար Տիգրան Քեոսայանը «Կոմսոմոլսկայա պրավդա» պարբերականի հետ հարցազրույցում խոսել է կնոջ՝ Sputnik–ի և RT-ի գլխավոր խմբագիր Մարգարիտա Սիմոնյանի հետ հարաբերությունների մասին։

Նրա խոսքով՝ Սիմոնյանի հետ ծանոթանալուց հետո սկսել է այլ կերպ նայել պետական աշխատողներին։

«Ռիտան հիվանդագին ազնվության տեր մարդ է։ Նրա հետ ծանոթանալուց հետո տեսա, որ հաջողակ հոլդինգի ղեկավար է, անկեղծորեն սիրում է հայրենիքը։ Ինձ կարելի է մեկ-երկու ամիս խաբել, բայց տարիներ շարունակ խաբելը դժվար է։ Գուցե Ռիտայի հետ ծանոթանալուց հետո իսկապես սկսել եմ այլ կերպ նայել պետական այրերին», -խոստովանել է Քեոսայանը։

Հեռուստահաղորդավարը պատասխանել է «հայի արյան կանչին» վերաբերող հարցին։ Ասել է, որ հումորով է վերաբերվում «ամուսնությունը պետք է նույն ազգերի միջև լինի» գաղափարին։ Նա հիշեցրել է, որ 21 տարի ապրել է Ալյոնա Խմելնիցկայայի հետ։

Քեոսայանին զարմացնում է, որ չնայած տարիքային տարբերությանը և այն հանգամանքին, որ ամուսինները տարբեր քաղաքներում են մեծացել, իրենց մտածելակերպն ու կյանքի ընկալումը շատ նման են։

«Ես ծնվել ու մեծացել եմ Ռուսաստանում՝ Մոսկվայում, նա մեծացել է Ռուսաստանում՝ Կրասնոդարի մարզում։ Իսկ արդյունքում այնպիսի տպավորություն է` ասես ես իմ ծնողների տանն եմ։ Կարծես նա գիտի՝ երեխա ժամանակ ինչպես եմ ապրել։ Ռիտան դրա համար ոչինչ չի անում, բայց ես ասես մանկություն վերադարձած լինեմ», - նշել է Քեոսայանը։

Պատասխանելով հարսանիքի մասին հարցին՝ ռեժիսորն ասել է․ «Սարսափելի գաղտնիք բացեմ՝ հարսանիք դեռ չի եղել»։

Հիշեցնենք, որ 2014 թվականի ամռանը, 21 տարվա համատեղ կյանքից հետո, Քեոսայանը անսպասելիորեն ամուսնալուծվեց կնոջից` դերասանուհի Ալյոնա Խմելնիցկայայից։ Գրեթե անմիջապես պարզվեց, որ ռեժիսորն այլ կին ունի` Մարգարիտա Սիմոնյանը։ 2014 թվականի սեպտեմբերին Սիմոնյանն ու Քեոսայանը որդի ունեցան։ Պարզվեց, որ սա նրանց երկրորդ երեխան էր. 2013 թվականի օգոստոսին լրագրողը ռեժիսորից նաև դուստր էր լույս աշխարհ բերել։

730
Ըստ թեմայի
«Խաշի բաց դռների օր»․ Մարգարիտա Սիմոնյանը հրավիրում է բոլոր ընկերներին
Մարգարիտա Սիմոնյանը պատմել է, թե ինչպես են ընտանիքում նշել սկեսրոջ հոբելյանը. տեսանյութ
«Մեր հպարտությունը». Մարգարիտա Սիմոնյանը ցույց է տվել պոլիգլոտ որդուն. տեսանյութ