Սերգեյ Կոպիրկին

ՌԴ դեսպանատան ռմբապաստարանի և ԱՄՆ–ի դեսպանի մասին. Կոպիրկինի անկեղծ զրույցը

243
(Թարմացված է 17:44 07.02.2019)
Հայաստանում Ռուսաստանի դեսպանատան ներկայացուցիչները`արտակարգ և լիազոր դեսպան Սերգեյ Կոպիրկինի գլխավորությամբ, պատասխանեցին Ռուս–հայկական (Սլավոնական) համալսարանի միջազգային ֆակուլտետի և Մոսկվայի պետական համալսարանի Երևանի մասնաճյուղի ուսանողների հարցերին։

Հանդիպումը կազմակերպվել է Sputnik Արմենիայի մուլտիմեդիոն մամուլի կենտրոնում` Sputnik ՄեդիUs նախագծի շրջանակում։ Ինտերակտիվ շփման ժամանակ ուսանողներն իրենց հետաքրքրող հարցեր են տվել, այդ թվում` անձնական բնույթի։

Դա փորձություն էր

Հայաստանում Ռուսաստանի արտակարգ և լիազոր դեսպան Սերգեյ Կոպիրկինը հարուստ դիվանագիտական փորձ ունի աշխարհի տարբեր երկրներում։ Իր նախադիպլոմային պրակտիկան նա անցել է Կենտրոնական Աֆրիկայում` Կամերունում, որտեղ անցկացրել է հինգ ամիս։

«Հիշում եմ`նոր էի ժամանել, իջա ինքնաթիռից, հանդիպելով առաջին պաշտոնյային, հասկացա, որ ոչ մի բան չեմ կարող ասել։ Խելքով ամեն ինչ հասկանում ես, հոգեբանորեն բարդ է, շատ հոգեբանական խնդիրներ կան հաղթահարելու», – խոստովանեց դեսպանը` պատասխանելով ուսանողներից մեկի հարցին։

Посол России в Армении Сергей Копыркин
© Sputnik / Hayk Petrosyan
Սերգեյ Կոպիրկին

Չնայած աֆրիկյան երկրներում դիվանագիտական ծառայությանը,Կոպիրկինի մոտ սնվելու հետ կապված խնդիրներ չեն առաջացել, նույնիսկ Ռուանդայում։ Այդ երկրներում կան եվրոպական խանութներ, իսկ բանջարեղենի շուկան ավելի առողջ է, քան նույն Եվրոպայում, որովհետև գյուղացիները փող չունեն քիմիական պարարտանյութերի համար։

Մի անգամ զավեշտալի իրավիճակ եղավ աֆրիկյան ճաշատեսակների հետ, բայց արդեն Մոսկվայում։ 1989 թ.–ին  Մոսկվա է ժամանել աֆրիկական երկրներից մեկի նախագահը, որին տեղավորել են կառավարական առանձնատանը։

«Նա խնդրեց, որ իր համար իրենց ավանդական ճաշատեսակներից ինչ-որ բան պատրաստեն ու պնդեց, որ ես ճաշեմ իրենց հետ։ Ինձ համար դա իսկական փորձություն էր, պետք էր տեսնել, թե ինչպիսի կարեկցությամբ էր ինձ նայում սպասարկող անձնակազմը», – ժպտալով ասաց Կոպիրկինը։

Ռմբապաստարան Երևանում և ԱՄՆ–ի դեսպանի հետ շփումը

Ռուս դեսպանի խոսքով` Երևանում Ռուսաստանի դեսպանատան շենքում ռմբապաստարան չկա։ Սակայն այն կա Լոնդոնի ռուսական դիվանագիտական ներկայացուցչության տարածքում և կառուցվել է պատերազմի տարիներին։

Իսկ Հայաստանում ԱՄՆ–ի դեսպանի հետ ՌԴ դեսպանի հարաբերությունները նորմալ են, որովհետև դիվանագետի առաքելությունն է նպաստել խնդիրների լուծմանը, այլ ոչ թե ստեղծմանը։

Студенты в рамках проекта Sputnik МедиUS
© Sputnik / Hayk Petrosyan
Հայ–ռուսական սլավոնական համալսարանի ուսանողները` ՌԴ դեսպանի հետ հանդիպմանը

«Դիվանագիտական փորձի բերումով շփվում ենք։ Երբ դեսպանը գալիս է որևէ երկիր, արարողակարգը նախատեսում է, որ հավատարմագրեր հանձնելուց հետո նա այցելի գործընկերներին», – ասաց Կոպիրկինը։

Դիվանագետները հանդիպում են տարբեր միջոցառումների, ընդունելությունների ժամանակ։ Դեսպանը նշեց, որ վաղուց էր հասկացել դիվանագետի գործունեության ամբողջ բարդությունը և իր համար այն միայն չի ասոցացվել ընդունելությունների, կոկտեյլների հետ։ Ուստի, հիասթափություններ չեն եղել։

«Ծանր աշխատանք է` սթրեսներով լեցուն։ Ամեն ինչ կախված է իրավիճակից, գտնվելու երկրից, առավել ևս, որ դիվանագիտական աշխատանքը բազմաբևեռ է։ Խոսքը գործնական աշխատանքների, մարդկանց կյանքի մասին է, և որքան ավելի սերտ է կապը, այնքան ավելի շատ են պահանջվում լուրջ հոգեբանական ջանքեր, սթրեսակայունություն», – ասաց Կոպիրկինը։

Այն հարցին, որ եթե ժամանակի մեքենա լիներ, ում հետ նա կուզեր շփվել, դեսպանը պատասխանեց` Ալեքսանդր 2–րդի օրոք ռուսական դիվանագիտական գերատեսչության ղեկավար, իշխան Ալեքսանդր Գորչակովի, Ռուսական կայսրության պետական գործիչ Պյոտր Ստոլիպինի և դուքս Ռիշելյեի հետ։

Ախ, այդ Աֆրիկան

Հայաստանում Ռուսաստանի դեսպանատան հյուպատոսական բաժնի վարիչ, խորհրդական Անդրեյ Շանինը Հայաստանում է արդեն հինգ ամիս, սակայն մինչև այդ երկու անգամ ծառայել է Աֆրիկայում։ ՀԱՀ երկրորդ գործուղման ժամանակ նրան հանձնարարել են զբաղվել Լեսոտոյի թագավորությամբ։ Այնտեղ չի եղել ոչ Ռուսաստանի դիվանագիտական ներկայացուցչություն, ոչ էլ նրա քաղաքացիներ։

«Լեսոտո կատարած ուղևորություններից մեկի ժամանակ ինձ առաջարկեցին ցույց տալ ԽՍՀՄ դեսպանատան շենքը, որն այնտեղ եղել է 70–ական թթ–ին։ Այնտեղ աշխատում էին երեք դիվանագետ, ներառյալ դեսպանը», – ուսանողների հետ հանդիպմանն ասաց Շանինը։

Консул РФ в РА Андрей Шанин в рамках проекта Sputnik МедиUS
© Sputnik / Hayk Petrosyan
Անդրեյ Շանին

Նա ցանկացել է ծանոթանալ այդ մարդկանց հետ, որոնք մի ժամանակ աշխատել են այնտեղ, դա իր համար լավ փորձ կլիներ։

Ի տարբերություն ավագ ընկերների` Հայաստանում Ռուսաստանի դեսպանատան մամուլի կցորդ Ալեքսանդր Գուչկովի համար Երևանն առաջին աշխատանքային փորձն է։

Նա Հայաստանում է 2018 թ.–ի հոկտեմբերից, սակայն մինչ այդ սովորել է Ռուս–հայկական (Սլավոնական) համալսարանում։ Կյանքի այդ հատվածը նրա բնորոշմամբ «հետաքրքիր ժամանակ էր»։

Пресс-секретарь посольства России в Армении Александр Гучков
© Sputnik / Hayk Petrosyan
Ալեքսանդր Գուչկով

Sputnik ՄեդիUs նախագիծը ենթադրում է ճանաչողական էքսկուրսիաներ գործակալություն ու մամուլի կենտրոնում ինտերակտիվ հանդիպումների անցկացում լայն լսարանի համար (դպրոցականներ, ուսանողներ, ասպիրանտներ, երիտասարդ մասնագետներ և այլն) ու տարբեր ոլորտի փորձագետների հետ։ Միջոցառումների ընթացքում տարբեր ոլորտների մասնագետները հնարավորություն են ստանում ներկայացնել իրենց փորձն ու ձեռքբերումները, նաև պատասխանել իրենց սկսնակ գործընկերների հարցերին։ Sputnik ՄեդիUs նախագծի շնորհիվ հյուրերը կարող են տեղեկություն ստանալ իրենց ընտրած ոլորտի մասին։

243
թեգերը:
Սերգեյ Կոպիրկին, Ռուսաստան, Հայաստան
Ըստ թեմայի
Ռուսաց լեզվի ուսուցման խնդիրն են քննարկել Արայիկ Հարությունյանն ու Սերգեյ Կոպիրկինը
«Այսօրվա քայլերը բավարար չեն». Կոպիրկինը` Հայաստանում ռուսական «մեղմ ուժ» կիրառելու մասին
Կոպիրկինը կարևորում է միջտարածաշրջանային հարցերում ՌԴ-ՀՀ հարաբերությունների ընդլայնումը
Նորածին

Հայտնի է Սիրուն Մինասի առաջնեկի սեռը․ նա լուսանկար է հրապարակել

327
(Թարմացված է 20:44 15.07.2020)
Սիրուն Մինասը փոքր-ինչ ուշացումով, բայց երկրպագուներին հայտնել է ոչ միայն իր փոքրիկի սեռը, այլև քաշն ու հասակը։

ԵՐԵՎԱՆ, 15 հուլիսի – Sputnik. Պլաստիկ վիրաբույժ, «Women’s Сlub»-ի մասնակից Սիրուն Մինասը, որը երեկ մայրիկ է դարձել, Instagram-ի իր էջում հրապարակում հայտնել է, որ որդի է ունեցել:

Փոքրիկը լույս աշխարհ է եկել 3.4 կգ քաշով և 52 սմ հասակով:

«Լրիվ ուրիշ պլաններ ունեի երեկվա հետ կապված, բայց եթե ՇԵՖն ասում ա՝ գնացինք ծննդատուն, ուրեմն գնացինք ԾԸ–ՆԸՆ–ԴԱ–ՏՈՒՆ»,- լուսանկարին կից գրել է Սիրունը:

Посмотреть эту публикацию в Instagram

Публикация от Siroon Minas, MD (@siroon.minas)

Հիշեցնենք` երեկ Sputnik Արմենիան իր ընթերցողին հայտնել էր, որ Սիրունը մայրիկ է դարձել։

Սիրուն Մինասը և Ռաֆայել Վարդանյանն ամուսնացել են 2018 թվականի հունիսին։ Ավելի վաղ Սիրունը նշել էր, որ չի ցանկանում վաղաժամ պարզել երեխայի սեռը, ուստի աղջիկ կծնվի, թե տղա, կիմանան երեխայի լույս աշխարհ գալու օրը։ Ամեն դեպքում զույգը երկու սեռի համար էլ անվան տարբերակներ էր առանձնացրել:

«Շքեղ զույգ»․ Սիրուն Մինասն ամուսնու հետ նոր լուսանկար է հրապարակել

327
թեգերը:
երեխա, Սիրուն Մինաս, Հայաստան
Ըստ թեմայի
Երեխայի ծնվելուց 9 օր անց Գոհար Ավետիսյանը նիհարել է 13 կգ-ով․ տեսանյութ
Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար
Նատալի Փորտմանը երեխայի է սպասում. լուսանկար
Բողոքի ակցիա Եղեգնուտում

Գյուղացիները հողը, գործը թողած` բողոքի ակցիա են անում. ինչ լուծում է սպասվում Եղեգնուտում

173
(Թարմացված է 19:16 15.07.2020)
Եղեգնուտ համայնքի ղեկավարի պաշտոնը դարձել է կռվախնձոր։ 27 տարի ղեկավարած նախկին համայնքապետն ուզում է վերադառնալ, բայց գյուղացիները դեմ են։

ԵՐԵՎԱՆ, 15 հուլիսի — Sputnik. Արմավիրի Եղեգնուտ գյուղում այս պահին իրավիճակը խաղաղվել է` միայն թե գյուղապետարանի առջև շարունակում են հսկողություն իրականացնել ոստիկանության ծառայողները։ Տեղեկությունը Sputnik Արմենիայի հետ զրույցում հայտնեց համայնքի ղեկավարի ժամանակավոր պաշտոնակատար Ռազմիկ Մկրտչյանը։

«Այսօր լուսադեմին շուրջ 100 ոստիկաններ էին եկել ու գյուղապետարանի շենքը շուրջկալել, որպեսզի նախկին գյուղապետը երևի շենք գա։ Սակայն ամբողջ գյուղն իրար գլխի հավաքվեց, քանի որ ոչ ոք չի ուզում, որ Մարգարյանը վերադառնա։ Մարդիկ բողոքի ակցիա էին անում»,–ասաց համայնքի ղեկավարի ԺՊ–ն` Ռազմիկ Մկրտչյանը։

Խնդիրն այն է, որ գյուղացիները դեմ են դատարանի որոշմանը, ըստ որի` 27 տարի պաշտոնավարած նախկին ղեկավարը` Ռազմիկ Մարգարյանը, պետք է շարունակի ղեկավարել համայնքը։ Մարգարյանը համայնքապետի պաշտոնը զբաղեցնում էր 1991թ.-ից: 2018 թվականին, երկրում իշխանափոխությունից հետո, գյուղի բնակիչների ճնշման ազդեցության տակ, Ռազմիկ Մարգարյանը լիազորությունները վաղաժամկետ դադարեցնելու դիմում էր ներկայացրել Եղեգնուտի ավագանուն: Այն չէր ընդունվել համայնքի ավագանու կողմից, և Արմավիրի նախկին մարզպետ Գագիկ Միրիջանյանը, նշելով, որ ավագանին համայնքապետի լիազորությունները դադարեցնելու կամ չդադարեցնելու լիազորություն չունի, Եղեգնուտում նշանակել էր համայնքապետի ԺՊ:

Նախկին համայնքապետը դիմել էր դատարան։ Վարչական դատարանը մերժել էր հայցը, իսկ Վերաքննիչ վարչական դատարանը՝ բավարարել այն:

Ռազմիկ Մկրտչյանը պատմեց, որ իրենք դատարան են դիմել` բողոքարկելով Արմավիրի մարզպետի որոշումը, ըստ որի համայնքի նախկին ղեկավարը պետք է շարունակի պաշտոնավարել։ Այսօր իմացել են, որ դատարանն այն վարույթ է ընդունել ու օգոստոսի 31-ին էլ դատական նիստ նշանակել։ Այդ լուրն իմանալուց հետո են, ըստ Մկրտչյանի, այսօր կրքերը հանդարտվել ու ոստիկաններն էլ տեղի են տվել։

Այս պահին համայնքում իրավիճակը խաղաղ է` բնակիչները ցրվել են, չնայած գյուղապետարանի տարածքում  ոստիկանական ծառայողներ կան` իրավիճակը վերահսկելու համար։

Մկրտչյանն ասում է, որ բացառված է` գյուղացիները թողնեն նախկին գյուղապետն անցնի աշխատանքի, քանի որ նրա պաշտոնավարման 27 տարիների ընթացքում վախի մթնոլորտում է գյուղն ապրել։

Եղեգնուտի համայնքապետին կասկածում են գերեզմանների վերանորոգման գումարները յուրացնելու մեջ

«Ես նրան չեմ հասկանում` ինչպես է նման իրավիճակում ուզում պաշտոնին վերադառնալ։ Գյուղում գրեթե աջակիցներ չունի` իր բարեկամներն են։ Իսկ մյուսները հողն ու հողամասը թողած` ընկել են բողոքի ակցիաների հետևից։ Ես` ինքս, պաշտոնի խնդիր չունեմ»,–ասաց Մկրտչյանը։

Նրա խոսքով` իրենք ուզում են համայնքի ղեկավարի ընտրություն նշանակվի, և անգամ համաձայն են, որ բոլորովին անծանոթ մեկը գյուղապետ նշանակվի, սակայն նախկինի վերադարձը բացառում են։

Акция протеста жителей села Ехегнут (15 июля 2020). Армавир
© Sputnik / Stringer
Բողոքի ակցիա Եղեգնուտում
Ի դեպ, համայնքի նախկին ղեկավարի` Ռազմիկ Մարգարյանի հետ մեզ կապ հաստատել չհաջողվեց` երկու անգամ նա խնդրեց զանգել ավելի ուշ, իսկ ավելի ուշ ուղղակի չպատասխանեց մեր զանգերին։

 

Հիշեցնենք, որ Արմավիրի նախկին մարզպետ Գագիկ Միրիջանյանը լրատվամիջոցներին հայտնել էր, որ Եղեգնուտ համայնքում մարզպետարանն իրավական հսկողություն է իրականացրել՝ ուսումնասիրելով համայնքապետարանի 2015-2018թթ. իրավական ակտերը: Բացահայտվել են օրենքի խախտումներ, որոնք ուղարկվել են գլխավոր դատախազություն: Մարզպետի խոսքով՝ դա է եղել Ռ. Մարգարյանի հրաժարականի դիմում ներկայացնելու պատճառը:

173
թեգերը:
Արմավիր, Մարզպետ, Մարզ, Գյուղապետ, գյուղացի, Գյուղ, Բողոքի ակցիա, Եղեգնուտ համայնք
Ըստ թեմայի
Տավուշի 3 գյուղում վնասվել են վերգետնյա գազատար ցանցերը․ գազամատակարարումը դադարեցված է
Ինչպես է Ադրբեջանը հարվածներ հասցրել հայկական գյուղերին. տեսանյութեր
«Նարեկը պատճառ չուներ սահմանն անցնելու». ինչպես է 30-ամյա տղամարդը հայտնվել Ադրբեջանում
Հայաստանի և Ադրբեջանի արտգործնախարարները ԵԱՀԿ Մինսկի խմբի համանախագահների հետ

ԵԱՀԿ Մինսկի խմբի համանախագահները հայտարարություն են տարածել

87
(Թարմացված է 01:08 16.07.2020)
Մինսկի խմբի համանախագահները կոչով դիմել են կողմերին և կարևորել ԵԱՀԿ դիտորդների վերադարձը տարածաշրջան։

ԵՐԵՎԱՆ, 16 հուլիսի – Sputnik. ԵԱՀԿ Մինսկի խմբի համանախագահներն ու ԵԱՀԿ գործող նախագահի անձնական ներկայացուցիչ Անջեյ Կասպշիկը հուլիսի 15-ն կայացած հանդիպումից հետո հայտարարություն են տարածել` ողջունելով Հայաստանի և Ադրբեջանի սահմանագոտու լարվածության նվազումը։

ԵԱՀԿ–ի կայքում հրապարակված հաղորդագրության մեջ նշվում է, որ ԵԱՀԿ Մինսկի խմբի համանախագահները (Ռուսաստան, Ֆրանսիա, ԱՄՆ) և ԵԱՀԿ գործող նախագահի անձնական ներկայացուցիչը կողմերին հորդորել են բոլոր ջանքերը գործադրել լարվածությունը թուլացնելու համար։

«Համանախագահները կողմերին կոչ են անում զերծ մնալ սադրիչ հռետորաբանությունից և իրավիճակը փոխելու փորձերից։ Համանախագահները շարունակում են ընդգծել խաղաղ գործընթացի վերականգնմանը նպաստող մթնոլորտ ձևավորելու անհրաժեշտությունը», - նշված է Մինսկի խմբի հայտարարության մեջ:

Նրանք ողջունել են նաև Հայաստանի և Ադրբեջանի արտգործնախարարների՝ հնարավորինս շուտ ղարաբաղյան կարգավորման կարևորագույն հարցերի շուրջ առարկայական բանակցություններ վարելու պատրաստակամությունը, ինչպես նաև կարևորել են ԵԱՀԿ դիտորդների վերադարձը տարածաշրջան, երբ պայմանները թույլ տան։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

87
թեգերը:
Ադրբեջան, ԵԱՀԿ Մինսկի Խումբ, Հայաստան
Ըստ թեմայի
Ադրբեջանը կիրառել է մարդուն խոշտանգող ու անվերականգնելի վնաս հասցնող հրետանային արկեր. ՄԻՊ
Ադրբեջանական կրակոցների հետքերը Այգեպարում. տեսանյութ
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է
Ինչպես են լուսաբանում հայ-ադրբեջանական հակամարտությունը միջազգային մամուլում