Էմանուել Մակրոնը Երևանում, 2018 թվականի հոկտեմբերի 11

Ֆրանսիայում ապրիլի 24-ը Հայոց ցեղասպանության հիշատակի օր կհռչակվի. Մակրոն

177
Ֆրանսիայի նախագահը հիշեցրել է, որ իր երկիրն առաջիններից մեկն է ճանաչել ու դատապարտել Հայոց ցեղասպանությունը:

ԵՐԵՎԱՆ, 6 փետրվարի – Sputnik. Ֆրանսիայում ապրիլի 24-ը Հայոց ցեղասպանության հիշատակի օր կհռչակվի: Reuters–ը հայտնում է, որ Ֆրանսիայի նախագահ Էմանուել Մակրոնն այս մասին հայտարարել է երեկ` փետրվարի 5-ին, Ֆրանսիայում հայկական ընկերությունները համակարգող խորհրդի կազմակերպած ամենամյա ընթրիքի ժամանակ:

«Ֆրանսահայերի պատմությունը Ֆրանսիայի պատմությունն է: Եվ քանի որ Հայոց ցեղասպանությունը մեր հիշողությունների մասն է կազմում, ապա Հայոց ցեղասպանության հիշատակը պետք է հարգվի նաև մեր հանրապետությունում», - ասել է Մակրոնը` ավելացնելով, որ ուժերի ներածին չափով պայքարելու է ժխտման ցանկացած դրսևորման դեմ, որն անարգում է զոհերի հիշատակն ու ողջերի արժանապատվությունը:

Ֆրանսիայի նախագահը հիշեցրել է` Ֆրանսիան առաջին երկրներից մեկն է, որ ճանաչել ու դատապարտել է Թուրքիայում իրականացված ցեղասպանությունը։

Նշենք, որ Ֆրանսիան Հայոց ցեղասպանությունը պաշտոնապես ճանաչել է 2001 թվականին։

1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։

Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ նահանգների զգալի մասը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։

177
թեմա:
Հայոց ցեղասպանություն (124)
Ըստ թեմայի
Հազվագյուտ լուսանկարներ. ինչպես են հայերն ապրել մինչև Ցեղասպանությունը
«Թուրքիա, լռի՛ր, դու պատասխանատու ես Հայոց ցեղասպանության համար». Նեթանյահուի որդի
Ֆրանսիայի արտգործնախարարը հարգանքի տուրք մատուցեց Ցեղասպանության զոհերի հիշատակին
Ռուբիկոնն անցած է. ինչո՞ւ է Իսրայելը հետաձգում Հայոց ցեղասպանության ճանաչումը
Իտալիայի նախագահը ծաղիկներ է դրել Հայոց ցեղասպանության զոհերի հուշահամալիրի մոտ