Թինա Թորոսեան

«Կարէնը երբեք չեմ մոռնար». որդիին մահէն ետք մայրը երկուորեակ տղաներ լոյս աշխարհ բերաւ

369
(Թարմացված է 00:56 06.02.2019)
Սփիւռքի մեր սիրելի ընթերցողներ, Sputnik Արմենիան կշարունակե իր հրապարակումները մատուցել արեւմտահայերէնով եւս, որպէսզի աշխարհաբարի արեւմտեան ճիւղի կրողներուն համար աւելի մատչելի դառնան մեր նիւթերը:

Նանա Մարտիրոսեան, Sputnik Արմենիա

Թալիշի մէջ զոհուած Կարէն Դանիէլեանի մայրը վերջերս երկուորեակ տղաներ լոյս աշխարհ բերաւ: Անոնք ընտանիքին երկրորդ կեանք նուիրեցին, փրկեցին յուսալքութենէ ու վհատութենէ: Երեխաները անուանեցին վաղաժամ կեանքէն հեռացած որդիի պատուին, ի դէպ` երկուքն ալ: Զինուոր Կարէն Դանիէլեանը պէտք է զօրացրուէր 2018 թուականի յունուար 16-ին, բայց... չհասցուց:

Тина Торосян - мать погибшего солдата Карена Диниеляна
© Sputnik / Aram Nersesyan ,
Թինա Թորոսեան

2017 թուականի մայիսին զոհուեցաւ Թալիշի մէջ: 2019 թուականի յունուար 17-ին զոհուած զինուորին մայրը` Թինա Դանիէլեանը, երկուորեակ տղաներ լոյս աշխարհ բերաւ: Այդ հրաշքը գրեթէ համընկաւ Կարէնի ենթադրեալ զօրացրման օրուան հետ: Տղաները անուանեցին աւագ եղբօր պատուին` Կարէն եւ Նարեկ: Այդպէս ծնողները որոշեցին լրացնել որդիին մահուան յաջորդած դատարկութիւնը եւ յաղթահարել կորուստի ցաւը:

«Եթէ Նարեկ անուան առաջին եւ վերջին տառերուն տեղերը փոխես, կը ստացուի Կարէն: Կ՛ուզէի աջ ու ձախ նայիլ եւ տեսնել որդիս: Աստուած լսեց ինծի, ես դարձեալ գրկեցի անոր», – կ՚ըսէ Թինան եւ խորը շունչ կը քաշէ, որպէսզի չհեծկլտայ: Գիրքերու մէջ շատ կարդացած եմ մարդոց մասին, որոնք մէկ աչքով կու լան, միւսով` կը ծիծաղին:

Тину Торосян с близнецами выписали из больницы
© Photo : provided by Danielyan's family
Թինա Թորոսեան

Ոչ մէկ ձեւով չէի կրնար հասկնալ` ինչպէս նման բան հնարաւոր է, քանի դեռ սեփական աչքերով չէի տեսած: Թինան ցած եւ ժամանակ առ ժամանակ ընդհատուող ձայնով կը պատմէ, որ տղաներն ամբողջութեամբ փոխած են իր կեանքը, որ առաջինը ծնած է Կարէնը առաւօտեան ժամը 09:30–ին, իսկ Նարեկն` աւելի ուշ` մօտաւորապէս ժամը 10-ին, բայց ուրախութենէն յստակ ժամը չի յիշեր:

Մայրը կ՛ըսէ, որ Նարեկն աւելի շատ նման է աւագ Կարէնին, թէեւ անոր պատուին միւսն անուանած են: Որպէս իր խօսքերուն ապացոյց` կը նայի լուսամուտի գոգին դրուած լուսանկարին, եւ ժպտացող դէմքին անմիջապէս կը յայտնուին արցունքներ: Յետոյ կը հանգստանայ եւ կը պատմէ, թէ ինչպէս այն օրը, երբ որդին պէտք է տուն վերադառնար, երազին մէջ հեռախօսով խօսած է հետը: Խոստացած էր վերադառնալ, նոյնիսկ հագուստ խնդրած էր:

Тину Торосян с близнецами выписали из больницы
© Photo : provided by Danielyan's family
Թինա Թորոսեան

Որոշած էին իրեն երկու զոյգ ներքնաշոր ուղարկել: Թինան կը լռէ արցունքները մաքրելու համար: Անոր շատ նմանող կին մը, ոը մօտ 20 տարիով մեծ է (յետոյ կ՚իմանանք, որ անոր մայրն է), կը բացատրէ երազի նշանակութիւնը: Կ՛ըսէ, եթէ յղի կինը երազին մէջ ներքնազգեստ կը տեսնէ, կը նշանակէ` տղայ պիտի ծնի: Եւ Կարէնը վերածնունդի միջոցով անոնց մօտ վերադարձաւ:

Յամէնայնդէպս, ծնողները այդպէս համոզուած են: «Անոր երբեք չեմ մոռնար, բայց այս փոքրիկները որոշակի առումով մխիթարեցին ինծի: Կ՚ուզեմ, որ տղաները Կարէնին նման ըլլան եւ՛ արտաքնապէս, եւ՛ բնաւորութեամբ... միայն թէ ոչ ճակատագրով», – կ՛ըսէ Թինան` անդադար նայելով որդիին լուսանկարին:

Тину Торосян с близнецами выписали из больницы
© Photo : provided by Danielyan's family
Որդիին մահէն ետք մայրը երկուորեակ տղաներ լոյս աշխարհ բերաւ

Այդ դէպքէն ետք դառնացած հայրը նոյնպէս կեանքը զերոյէն սկսաւ: Որդիներուն ծնելէն ետք ուշքի եկաւ եւ նոյնիսկ սկսաւ վերանորոգել բնակարանը: Սարիբէկը չուզեր տղաները բերել տուն մը, որ վիշտի մէջ կորած է: Ան փոքրիկներուն համար գեղեցիկ ու լուսաւոր, ծիծաղով լի օճախ կը պատրաստէ:

Քոյրը` 21 տարեկան Թամուշիկը, նոյնպէս անհամբերութեամբ կը սպասէ եղբայրներուն: Ան խոստացած է մօրն օգնել տղաները խնամելու հարցով: Բոլոր բարեկամներն ու հարազատները ուրախացած են այս ընտանիքին համար: Յատուկ վերաբերմունք կը զգացուի նոյնիսկ հիւանդանոցէն ներս:

Тина Торосян - мать погибшего солдата Карена Диниеляна
© Sputnik / Aram Nersesyan ,
Թինա Թորոսեան

Թինայի հիւանդասենեակին մէջ ծաղիկներ դրուած են, մահճակալներէն մէկուն վրայ երկու մեծ արջուկներ կան, իսկ բուժքոյրերը մեզ ժպիտով կ՚ուղեկցին թերքաշ երեխաներու բաժին (մէկը 2100 կրամ ծնած է, միւսը` 1700 կրամ): Թինան մեզի կը ծանօթացնէ տղաներուն հետ: Անոնք իսկապէս նման են, բայց ուշադիր նայելու պարագային կարելի է տարբերել:

Մայրը մէկ երեխային մօտ կը վազէ, մէյ մը` միւս: Եւ անդադար ինչ–որ բան կը շշնջայ: Դուրս կու գանք այդ տարածքէն եւ մանկական ճիչ կը լսենք: Մեր փոքրիկները չեն: Հաստատ կեանք մը եւս ծնաւ:

369
թեգերը:
Գյումրի
թեմա:
Sputnik Արմենիան` արևմտահայերենով (208)