Արսեն Թորոսյան. ՀՀ առողջապահության նախարար

Արսեն Թորոսյանը կզբաղվի Մոսկվայում ձերբակալված հայ վիրաբույժ Գևորգ Ստեփանյանի գործով

156
(Թարմացված է 17:47 05.02.2019)
ՀՀ առողջապահության նախարարը վստահեցնում է, որ դեսպանատունը ակտիվ հետևում է վիրաբույժի գործի ընթացքին:

ԵՐԵՎԱՆ, 5 փետրվարի — Sputnik. Դեռ 3 շաբաթ առաջ ծանոթացել եմ Մոսկվայի «Բուտիրյան» բանտում գտնվող ՀՀ քաղաքացի, պլաստիկ վիրաբույժ Գևորգ Ստեփանյանի գործի մանրամասներին։ Այս մասին Facebook-ի իր էջում գրել է ՀՀ առողջապահության նախարար Արսեն Թորոսյանը:

«Դրանից հետո խոսել եմ Ռուսաստանում մեր դեսպանի և մի շարք այլ գործընկերների հետ։ Մեր դեսպանատունը ինտենսիվորեն աշխատում է ՌԴ իրավապահների հետ, որպեսզի հարցին հանգուցալուծում տրվի և ես հավաստիացնում եմ, որ մեր գործընկերոջ գործը մեր ուշադրության կենտրոնում է»,- վստահեցրել է Թորոսյանը:

Հիշեցնենք, որ անցած տարի նոյեմբերին 25-ամյա Կարոլինա Սարգսյանը որոշել էր վիրահատել քիթը։ Աղջիկը դիմել էր Մոսկվայի կլինիկաներից մեկին։ Վիրահատությունն իրականացրել էր Ստեփանյանը։ Վիրահատությունից երեք օր հետո հիվանդի մոտ առատ արնահոսություն էր սկսվել. շտապօգնությամբ աղջկան հիվանդանոց էին տեղափոխել։ Աղջկա մոտ Կվինկեի այտուց էր սկսել. այտուցվել էին գանգից սկսած մյուս բոլոր օրգանները։

Այս ամենից հետո քրեական գործ է հարուցվել, որով անցնում են Ստեփանյանը, կլինիկայի գլխավոր բժիշկ ու ղեկավար Գյուլնարա Շախը և անեսթեզիոլոգ Լև Խիտրինը։ Նրանց բոլորին կալանավորել էին։ Սակայն որոշ ժամանակ անց Շախի և Խիտրինի խափանման միջոցը փոխվել էր տնային կալանքի, իսկ ՀՀ քաղաքացիություն ունեցող Ստեփանյանը մնացել է մեկուսարանում։ Ստեփանյանի ընկերները այժմ դիմել են Ռուսաստանի դատական իշխանություններին, ստորագրահավաք կազմակերպել` վիրաբույժին ազատ արձակելու և նրա նկատմամբ խափանման միջոցը տնային կալանքի փոխարինելու համար։

Տուժածն իր ցուցմունքներում  ի սկզբանե անեսթեզիոլոգին էր մեղադրել։ Սակայն Ստեփանյանի շրջապատից Sputnik Արմենիային տեղեկացրել են, որ Կարոլինա Սարգսյանը հիմա անհասկանալի պատճառներով մեղադրանքների բոլոր սլաքները ուղղել է Ստեփանյանի կողմը։

156
թեգերը:
Ռուսաստան
Ըստ թեմայի
Արթուր Հովհաննիսյանը կարող է մահանալ բանտում. պետությունը չի ցանկանում կիրառել համաներումը
«Ուրալյան ավիաուղիները» առանց սնունդի են թողնելու Վոլգոգրադ–Երևան չվերթի ուղևորներին