Ոստիկաններ, արխիվային լուսանկար

Ճանապարհային ոստիկանությունը վստահ է, որ արդյունավետ է աշխատում

122
Ոստիկանության լրատվության և հասարակայնության հետ կապերի վարչության պետը ներկայացրել է անցյալ և այս տարվա հունվարի համեմատական վիճակագրությունը։

ԵՐԵՎԱՆ, 2 հունվարի – Sputnik. Ճանապարհային ոստիկանության կատարած աշխատանքի արդյունավետությունը փաստում է համեմատական վիճակագրությունը։ Facebook սոցիալական ցանցի իր էջում այս մասին գրել է Ոստիկանության լրատվության և հասարակայնության հետ կապերի վարչության պետ Աշոտ Ահարոնյանը։

«Եթե նախորդ տարվա հունվարին հայտնաբերված ճանապարհային երթևեկության տարբեր խախտումների փաստերով կազմվել էր 21798 արձանագրություն, ապա այս տարվա նույն ժամանակահատվածում կազմվել է վարչական իրավախախտումների վերաբերյալ 26698 արձանագրություն. այսինքն նախորդ տարվա համեմատությամբ 4900-ով ավելի։

Եթե նախորդ տարվա հունվարին ճանապարհային ոստիկանները հայտնաբերել էին 498 ոչ սթափ վարորդ, ապա այս տարի ճանապարհային ոստիկանները հայտնաբերել են մեքենան թչ սթափ վիճակում վարող 591 վարորդ՝ նախորդ տարվա նույն ժամանակահատվածի համեմատությամբ 93-ով ավելի»,– գրել է նա։

Ըստ Ահարոնյանի` մեծ է նաև պահպանվող հատուկ տարածք տեղափոխված տրանսպորտային միջոցների թիվը։ Այս տարվ հունվարին պահպանվող հատուկ տարածքներ են տեղափոխվել 1115 տրանսպորտային միջոցներ, որոնց վարորդները չարամտորեն խախտել են երթևեկության կանոնները։

Նա նշել է, որ նախորդ տարվա հունվարին ճանապարհատրանսպորտային պատահարների հետեւանքով զոհվել է 37 մարդ, իսկ այս տարվա նույն ժամանակահատվածում՝ 21, այսինքն 16-ով պակաս։

122
Ըստ թեմայի
Փաշինյանը խոսել է ՃՈ-ում նախատեսվող ռեֆորմի, ճանապարհներ փակելու և ոստիկանության մասին
30 համաներվածները 42 նոր հանցագործություն են կատարել. Ոստիկանություն
Ոչ սթափ վարորդների մեքենաները տեղափոխում են հատուկ պահպանվող տարածքներ
Ցմահ ազատազրկված Մհեր Ենոքյանի մասին տեսանյութը տրամադրվել է փաստաբանին. Ահարոնյան