Արարատ Միրզոյանն ու ՀՀ-ում Ռուսաստանի դեսպանը քննարկել են հայ-ռուսական փոխգործակցության օրակարգը

Կոպիրկինը կարևորում է միջտարածաշրջանային հարցերում ՌԴ-ՀՀ հարաբերությունների ընդլայնումը

70
Արարատ Միրզոյանն ու ՀՀ-ում ՌԴ դեսպանը քննարկել են հայ-ռուսական փոխգործակցության օրակարգը:

ԵՐԵՎԱՆ, 1 փետրվարի — Sputnik. Փետրվարի 1-ին ՀՀ Ազգային ժողովի նախագահ Արարատ Միրզոյանն ընդունել է Հայաստանում Ռուսաստանի արտակարգ և լիազոր դեսպան Սերգեյ Կոպիրկինին:

Այս մասին տեղեկացնում են ԱԺ աշխատակազմից:

Արարատ Միրզոյանը, կարևորելով հայ-ռուսական  բարեկամական ու դաշնակցային հարաբերությունները, նշել է, որ  նորընտիր Ազգային ժողովը հանձնառու է դրանց առավել  խորացման  հարցում:

Խորհրդարանական դիվանագիտության դերի բարձրացման առումով Ազգային ժողովի նախագահն անհրաժեշտ է համարել միջազգային  կառույցներում արդյունավետ համագործակցության շարունակականությունը:

Սերգեյ Կոպիրկինը, շնորհավորելով Արարատ Միրզոյանին խորհրդարանի ղեկավար ընտրվելու կապակցությամբ, արդյունավետ աշխատանք է մաղթել:  Դեսպանը համոզմունք է հայտնել, որ այսուհետ ևս ինչպես երկկողմ, այնպես էլ միջազգային հարթակներում փոխգործակցությունը կշարունակի զարգանալ գործընկերության և փոխվստահության մթնոլորտում:

Կողմերն անդրադարձել են հայ-ռուսական հարաբերությունների օրակարգին՝ համաձայնելով, որ քաղաքական ու տնտեսական գործակցությանը զուգահեռ կարևոր է նաև միջտարածաշրջանային և հումանիտար ոլորտներում կապերի ընդլայնումը:

70
Ըստ թեմայի
ՀՀ–ում տեղի ունեցած իրադարձությունները չեն փոխել ՌԴ–ի հետ դաշնակցային հարաբերությունները
Մոսկվան փորձում է Երևանի և Բաքվի միջև երկխոսություն հաստատել. Կոպիրկին
«Այսօրվա քայլերը բավարար չեն». Կոպիրկինը` Հայաստանում ռուսական «մեղմ ուժ» կիրառելու մասին