Համաժողով

ԵԱՏՄ անդամ երկրների տեխնոպարկերը պայմանավորվել են համագործակցել

20
(Թարմացված է 13:47 01.02.2019)
Եվրասիական տնտեսական հանձնաժողովի ղեկավար Տիգրան Սարգսյանը կարծում է, որ ԵԱՏՄ անդամ երկրները պետք է թվային ընդհանուր չափանիշներ ստեղծեն։

ԵՐԵՎԱՆ, 1 փետրվարի — Sputnik. ԵԱՏՄ անդամ երկրների տեխնոպարկերի ղեկավարներն այսօր Ալմաթիում փոխըմբռնման և համագործակցության հուշագիր են ստորագրել։ Այս մասին հայտնում է ՌԻԱ Նովոստին։

Պլանշետի վրա հատուկ գրիչով ստորագրել են ԵԱՏՄ երկրների տեխնոպարկերի ղեկավարները, որոնք մասնակցել են միջոցառմանը (մասնավորապես` Հայաստանից, Ղազախստանից, Ռուսաստանից, Ղրղըզստանից)։

Ալմաթիում ուրբաթ բացվել է «Թվային օրակարգը գլոբալիզացիայի դարաշրջանում 2.0. Եվրասիայի ինովացիոն էկոհամակարգը»։

Եվրասիական տնտեսական հանձնաժողովի կոլեգիայի նախագահ Տիգրան Սարգսյանը, ելույթ ունենալով համաժողովում, նշել է, որ ԵԱՏՄ երկրները պետք է ներդաշնակեցնեն օրենսդրությունը թվայնացման ոլորտում։

«Մենք պետք է իրականացնենք մեր օրենսդրության ներդաշնակեցում, ստեղծենք թվային ընդհանուր չափանիշներ մեր տարածությունում և ապահովենք գործակցություն», – ասել է Սարգսյանը։

Նրա կարծիքով` պետք է նաև հաշվի առնել հանձնաժողովի դերը «ազգային կառավարությունների գործողությունների սինխրոնացման և մոտեցումների ներդաշնակեցման տեսանկյունից` ընդհանուր շուկաներում նոր խոչընդոտներից խուսափելու համար»։

Սարգսյանը կարծում է, որ եթե ԵԱՏՄ երկրները փորձեն առանձին շարժվել, կարող են ծագել արգելքներ, որոնք լրջորեն կհարվածեն բիզնեսին։

20
թեգերը:
Եվրասիական Տնտեսական Միություն (ԵԱՏՄ), Հայաստան
թեմա:
Հայաստանի հեռանկարը ԵԱՏՄ–ում (106)
Ըստ թեմայի
Հայաստանը դուրս կգա՞ ԵԱՏՄ–ից. Փաշինյանը պատասխանել է հարցին
ԵԱՏՄ միասնական էներգաշուկա․ արդյո՞ք գործընկերները ականջալուր կլինեն Փաշինյանի կոչերին
Հայաստանի բանկերը կկարողանան վարկե՞ր տրամադրել ԵԱՏՄ երկրներում. պարզաբանում է ԵՏՀ նախարարը
Հարկային մտրակի փոխարեն էլեկտրոնային «քաղցրաբլիթ». ԵԱՏՄ ներսում առևտուր անելը կհեշտանա