Անժելա Սարաֆյան

Սարաֆյանի մասնակցությամբ ֆիլմը սկանդալի կենտրոնում է, իսկ նա նոր լուսանկարներ է հրապարակել

611
(Թարմացված է 18:41 31.01.2019)
Անժելա Սարաֆյանի ու Զաք Էֆրոնի մասնակցությամբ նոր ֆիլմը մոլագար Թեդ Բանդիի մասին է։ Ֆիլմի հեղինակներին մեղադրում են գլխավոր հերոսին չափազանց հմայիչ դարձնելու համար։

ԵՐԵՎԱՆ, 31 հունվարի — Sputnik. Հոլիվուդյան դերասանուհի Անժելա Սարաֆյանը մասնակցել է «Գեղեցիկ, վատ, չար» նոր ֆիլմի պրեմիերային։

Ֆիլմն ամերիկյան մոլագար Թեդ Բանդիի մասին է, որի զոհերի թիվը հասել է 30–ի։

Դերասանուհին ֆիլմի պրեմիերայից մի քանի լուսանկար է հրապարակել։

Посмотреть эту публикацию в Instagram

I bid you adieu #sundance ... til next time ❄️❄️❄️

Публикация от AngelaSarafyan (@angelasarafyan)

Սարաֆյանի երկրպագուները գովեստով լի մեկնաբանություններ են գրել լուսանկարի տակ։

Посмотреть эту публикацию в Instagram

“Extremely Wicked, Shockingly Evil & Vile.” #sundance Fotos by the talented: @chadkirklandphoto Thank you!! ❄️☃️ Quick moments ... @deadline

Публикация от AngelaSarafyan (@angelasarafyan)

Ոմանք խոստովանել են, որ ապրել են այն նահանգում, որտեղ ապրել է մոլագարը, նույնիսկ անձամբ են ճանաչել Բանդիին ու նրա ազգականներին։

Պետք է նշել, որ ֆիլմի թրեյլերը քննադատության մեծ ալիք է բարձրացրել։ Շատերը կարծել են, որ ռեժիսորը չափազանց ռոմանտիկ է ներկայացրել մարդասպանին, որը դաժանաբար սպանել է մարդկանց։ Հնարավոր է` պատճառն այն է, որ գլխավոր դերակատարը Զաք Էֆրոնն է։ Նա իր կարիերան սկսել է Disney–ում, հետո նկարահանվել է տարբեր կատակերգություններում։

611
Ըստ թեմայի
Անժելա Սարաֆյանը կաթնային լոգանք է ընդունել. լուսանկար
«Վայրի Արևմուտքի աշխարհը» հեռուստասերիալի աստղ Անժելա Սարաֆյանն առանց ասպետի է մնացել
«Դուք արվեստի ստեղծագործություն եք». Անժելա Սարաֆյանը նորաձևության տան դեմքն է դարձել
«Երկնագույն հրեշտակ» Սարաֆյանը երկրպագուներին ուրախացրել է նոր լուսանկարով
Անժելա Սարաֆյանի նախկինը ամուսնացավ Միսս աշխարհի հետ. շքեղ հարսանիքի տեսանյութ
Онлайн-брифинг с участием премьер-министра Никола Пашиняна, вице-премьера Тиграна Авиняна и начальника полиции Армана Саркисяна (3 июня 2020). Еревaн

Հայաստանի ցամաքային սահմանը կշարունակի փակ մնալ. Իրանի ու Վրաստանի հետ թեման չի քննարկվում

21
(Թարմացված է 15:21 12.08.2020)
ՀՀ Պարետ Տիգրան Ավինյանն ԱԺ–ում մեկնաբանել է, թե ինչու օդային սահմանների նկատմամբ կիրառվող մեղմացումները ցամաքային սահմանի վրա չեն տարածվի։ 

ԵՐԵՎԱՆ, 12 օգոստոսի - Sputnik. Հայաստանի օդային սահմանների նկատմամբ ՀՀ կառավարության այսօր ընդունած որոշմամբ կիրառվող մեղմացումները Հայաստանի ցամաքային սահմաններին չեն վերաբերի։ Այս մասին այսօր արտակարգ դրության երկարաձգման հարցով գումարված Աժ հատուկ նիստում հայտարարեց ՀՀ փոխվարչապետ, պարետ Տիգրան Ավինյանը։

«Սահմանների բացումը դա միայն ՀՀ կառավարության որոշման հարց չէ, այլև մեր գործընկերների,– ասաց պարետը։

Ավինյանը հայտնեց, որ այս պահի դրությամբ օդային սահմանի վերաբացման հարցով ՀՀ կառավարությունը  քննարկումներ է անցկացնում ՌԴ–ի գործընկերների հետ` ուղևորահոսքերն ապահովելու նպատակով։

Մինչդեռ, Իրանի ու Վրաստանի հետ ցամաքային սահմանների վերաբացման թեման ներկա պահին չի քննարկվում։

«Իրանի ու Վրաստանի հետ սահմաններին դեռևս պահպանվում են նույն ռեժիմն ու նույն սահմանափակումները»,– նշեց փոխվարչապետը։

Նշենք, որ այսօր կառավարության նիստում, ներկայացնելով որոշմամբ նախատեսված մեղմացումները, ՀՀ արդարադատության նախարար Ռուստամ Բադասյանը նաև հայտնել էր, որ նախատեսվում է վերացնել օտարերկրյա քաղաքացիների մուտքի արգելքը։

Վերացվում է նաև ՀՀ տարածքում հանրահավաքների ու զանգվածային միջոցառումների արգելքը, որը փոխարինվում է թույլտվությամբ ու որոշակի կանոնների պահպանման կարգով, այն է` դիմակների պարտադիր դնումն ու սոցիալական հեռավորության պահպանումը։

Արտակարգ դրության պայմաններում տնտեսվարողները սկսել են ՀԴՄ կտրոններ չտրամադրել

Ընտանեկան միջոցառումների արգելքը ևս հանվում է, բայց մասնակիցների առավելագույն թիվ է սահմանվում մինչև 40 անձ։

Վերացվում է նաև մաքսային սահմանով ապրանքների փոխադրման սահմանափակումը։ Իսկ վարակակիրների հայտնաբերման համար էլեկտրոնային հսկողության կարգում հստակեցվել է վարակակիրների ու ինքնամեկուսացածների հայտնաբերման մեխանիզմը` 14-օրյա ժամկետի կտրվածքով։

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը, իսկ այսօրվա արտահերթ նիստում որոշեց երկարաձգել մինչև սեպտեմբերի 11–ը։

21
թեգերը:
կորոնավիրուս, Վրաստանի Հանրապետություն, Իրանի Իսլամական Հանրապետություն, չվերթ, Արտակարգ դրություն, Տիգրան Ավինյան, պարետ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն
Կես տարվա արտակարգ կյանք Հայաստանում. դրությունը պահպանվում է, փոխվում են կանոնները
Արտակարգ դրությունը ո՞ր գործարարների գրպանին է ավելի շատ հարվածել, և որոնք սոված չեն նստել
Ինչ խնդիր է լուծում ՀՀ իշխանությունը` արտակարգ դրությունը երկարաձգելով
Դպրոցականներ

Դպրոցների բացվելը կարող է համաճարակի 2-րդ ալիքի պատճառ դառնալ. ի՞նչ կանի կառավարությունը

22
(Թարմացված է 15:16 12.08.2020)
Տիգրան Ավինյանը հայտարարեց, որ կառավարությունը գիտակցում է ռիսկի մակարդակը, բայց առողջապահության համակարգը, պատրաստ է դիմակայել համավարակի հնարավոր նոր ալիքին։

ԵՐԵՎԱՆ, 12 օգոստոսի – Sputnik. Ազգային ժողովի հատուկ նիստում, պատասխանելով պատգամավորների հարցերին, ՀՀ փոխվարչապետ, պարետ Տիգրան Ավինյանն ասաց, որ դպրոցների ու հանրակրթական հաստատությունների վերաբացումը աշնանը կարող է կորոնավիրուսի համաճարակի երկրորդ ալիքի պատճառ դառնալ։

«Հիմնական ռիսկը կապված է լինելու դպրոցների բացման հետ, որտեղ ենթադրվում է մեծաքանակ մարդկանց տեղաշարժ»,– ասաց Ավինյանը։

Այդուհանդերձ, նա վստահեցրեց, որ կառավարության գնահատմամբ` այդ ռիսկը կառավարելի է, առողջապահության համակարգն էլ պատրաստ է հնարավոր բռնկման։

Իսկ անհրաժեշտության դեպքում, Ավինյանի խոսքով, կառավարությունը պատրաստ է դարձյալ խստացումներ սահմանել։

«Մենք ունենք նաև կառավարման պլանների այլընտրանքային խստացումների մեխանիզմներ, որոնք իրականացնելու ենք որոշակի թվերի պայմաններում»,– ասաց Ավինյանը։

ՀՀ կրթության, գիտության, մշակույթի և սպորտի նախարար Արայիկ Հարությունյանն օգոստոսի 10-ին հայտնեց, որ սեպտեմբերի 15-ից դասերը կվերսկսվեն հանրակրթական դպրոցներում, նախնական և միջին մասնագիտական հաստատություններում, երաժշտական, արվեստի, գեղարվեստի դպրոցներում՝ առկա ուսուցմամբ և սանիտարահիգիենիկ կանոնների պահպանմամբ։

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունն արտակարգ դրության ռեժիմը երկարացրեց մինչև օգոստոսի 12-ը, իսկ այսօրվա արտահերթ նիստում որոշեց երկարաձգել մինչև սեպտեմբերի 11–ը։

Եվս 201 նոր դեպք. Հայաստանում կորոնավիրուսով վարակվածների թիվը հասավ 40794-ի

22
թեգերը:
Տիգրան Ավինյան, Արտակարգ դրություն, կորոնավիրուս, դպրոց, Հայաստան
Ըստ թեմայի
Զբոսաշրջության ոլորտը մեռնում է. կոմիտեն պատասխանել է տուրօպերատորների կոշտ քննադատությանը
Կորոնավիրուսի նոր դեպքերն ամեն շաբաթ 50-100–ով նվազում են. Թորոսյան
«4 տարեկան երեխաս հիվանդացել է». ՌԴ մեկնել ցանկացող հայերը բողոքի ակցիա են անում
Կարմիր կատար

Քաղաքացին խառնարային լճից ջրառ է անում. նախարարությունը գնացել է ահազանգի հետքերով

0
Այս պահին արդեն խառնարանային լճի հարակից տարածքում են ինչպես ՏԻՄ, այնպես էլ Բնապահպանության և ընդերքի տեսչական մարմնի ու ոստիկանության ներկայացուցիչները։

ԵՐԵՎԱՆ, 12 օգոստոսի- Sputnik. Սոցցանցերում օգտատերերն ահազանգում են, թե մի քաղաքացի պոմպի միջոցով Կարմիր կատար կոչվող բարձունքի խառնարանային լճի ջուրն օգտագործում է սեփական կարիքների համար։  Շրջակա միջավայրի նախարարության մամուլի ծառայությունից հայտնում են, որ բնական ճանապարհով ձևավորված այս լճից ջրառ իրականացնելու համար նախարարության կողմից ջրօգտագործման թույլտվություն չի տրվել։ Հետևաբար, որևէ քաղաքացի նման իրավունք չունի։

«Հաշվի առնելով լճի` բնական էկոհամակարգի մաս հանդիսանալու փաստը, Շրջակա միջավայրի նախարար Ռոմանոս Պետրոսյանը հանձնարարել է գրություն ուղղել Բնապահպանության և ընդերքի տեսչական մարմին՝ պարզելու, թե ինչ պայմաններով է լճից ջրառ իրականացվում, տեղում ծանոթանալ խնդրին և օրենքով սահմանված կարգով վերականգնել լճի բնականոն վիճակը»,- նշված է տարածած հաղորդագրության մեջ։

Նախարարության տեղեկացմամբ՝ այս պահին արդեն խառնարանային լճի հարակից տարածքում են ինչպես տեղական ինքնակառավարման մարմինների, այնպես էլ Բնապահպանության և ընդերքի տեսչական մարմնի ու ոստիկանության ներկայացուցիչները։

Սևանի կանաչ ջրիմուռներով սնված ձուկն ու անասունը կարող են վտանգավոր լինել ուտողի համար

Հավելյալ տեղեկություններ և մանրամասներ կտամադրվեն խնդիրն ուսումնասիրելուց հետո։

Նախարարությունը շնորհակալություն է հայտնում բոլոր այն քաղաքացիներին, որոնք սրտացավ վերաբերմունք են ցուցաբերում նմանօրինակ խնդիրներն արձանագրելիս և օպերատիվ արձագանքում։

«Լիդիանը» Արփայից ջրառ կատարելու թույլտվություն է ստացել

0
թեգերը:
լիճ, ահազանգ, Ապօրինի, Նախարար, Ռոմանոս Պետրոսյան, Ոստիկանություն, բնապահպանական, ջրառ
Ըստ թեմայի
Ջրառը կրճատվել է, Սևանա լճի մակարդակը` բարձրացել. նախարար
«Լիդիանը» Արփայից ջրառ կատարելու թույլտվություն է ստացել
Պատգամավորները կառավարությանն արգելում են Սևանից հավելյալ ջրառի հարցով դիմել իրենց
Ջրառատն ու Կաթնաղբյուրը նոր դպրոցներ կունենան. մարզպետը մանրամասներ է հայտնում