ՀՀ Ոստիկանության աշխատակիցներ

Թաղայինների չգործող ինստիտուտն ու հանցավորության աճի միտումը. որտեղի՞ց է ամենաթողությունը

227
(Թարմացված է 22:37 29.01.2019)
Դատապարտյալների համաներումը լավ ու ճիշտ բան է, եթե դրան խելամիտ մոտեցում լինի։ Առաջին հերթին պետք է լուծել հասարակության մեջ ադապտացիայի հարցը, հակառակ դեպքում ցանկացած համաներման ժամանակ իրավախախտումների թվի աճը կարող է զգալի դառնալ։ Օրինակ, գրպանահատության դեպքերի ավելացումը վկայում է, որ համաներվածները լուծում են այս պահին գոյատևելու խնդիր։

Ռուբեն Գյուլմիսարյան, Sputnik Արմենիա

2018 թվականի ինը ամիսներին Հայաստանում գործած հանցագործությունների վերլուծությունը ցույց է տալիս, թե ինչ կտրուկ է ավելացել ուրիշի ունեցվածքի հանդեպ ոտնձգությունների թիվը։ Բացի այդ, աճել է պետության ու պետականության դեմ ուղղված իրավախախտումների ու հանցագործությունների թիվը։

2018 թվականի հունվար–օգոստոս ամիսներին հանցագործությունների ու իրավախախտումների 14205 դեպք է գրանցվել։ Նախորդ տարվա նույն ժամանակահատվածի 12488 դիմաց։ Աճի մեծ մասը կապված է ուրիշների ունեցվածքի յուրացման դեպքերի կտրուկ աճի  ու պաշտոնական դիրքի չարաշահման հետ կապված հանցագործությունների հետ։

Sputnik Արմենիայի թղթակիցը զրուցել է ոստիկանության աշխատակցի հետ, որը աշխատանքի 35–ամյա փորձ ունի։ Սամվել պայմանական անունով իրավապահը մասնավոր սեփականության վրա ոտնձգություն կատարելու հիմնական պատճառ է համարում սոցիալական խնդիրը։ Դրան գումարվում է քրեական աշխարհում ստեղծված ամենաթողության խաբուսիկ տպավորությունը, որն առաջանում է այն բանից, թե ոստիկաններն իբր թե չեն կարողանում կատարել իրենց պարտականությունները։

Սամվելը նման կարծիքը սխալմունք է համարում, խոստովանելով այնուամենայնիվ, որ իրավապահ մարմիններում որոշակի խնդիրներ կան։ Այդ խնդիրը կապված է կադրերի երիտասարդացման հետ ի վնաս ավագ սերնդի գիտելիքների ու փորձի։ Դա կապված է նաև անթույլատրելի բեռնվածության հետ։ Մեր զրուցակիցը պնդում է` կան դեպքեր, երբ քննիչը միաժամանակ 40 գործ է վարում, մինչդեռ նորման 10–11 գործն է։

Օպերլիազորների ու հատկապես թաղայինների ինստիտուտն էլ չի արդարացնում իրեն. այդ ծառայողները պարզապես չեն հսկում իրենց վստահված տարածքները։ Իսկ մեկ քառորդ դար առաջ թաղայինը, որի պատասխանատվության գոտում մինչև 50 շենք կար, անգիր գիտեր ով որ շենքում է ապրում։

Ժամանակները փոխվել են, հասկանալի է, որ հին բնակիչները գնացել են, նրանց փոխարեն նորերն են եկել, այդ թվում` իրանցիներ, հնդիկներ կամ մեր հայրենակիցները, ասեք, Սիրիայից։

  Բայց չէ որ նախկինում էլ քաղաքի բնակչությունը կայուն չէր, բնակարանների սեփականատերեր փոփոխման գործընթացն արագացել է, բայց դա տարածքի հսկողությունը կորցնելու հիմք չէ։

Սամվելը կարծում է, որ իրավախախտումների նախականխում է պետք։ Քաղաքում գեղեցիկ ազդանշաններով պարեկային մեքենաների առկայությամբ ոչ մի խնդիր չի լուծվի։ Թե չէ այսօր մի սխալ պրակտիկա նորմա է դառնում. դատախազության աշխատակիցները, պաշտոնյա ոստիկաններն ու քննիչները արդեն տեղի ունեցած հանցագործության վայր են մեկնում ու միայն այնտեղ են միմյանց հետ ծանոթանում։ Դա անթույլատրելի է, քանի որ իրավապահ մարմինների տարբեր օղակներ պետք է մշտապես կապի մեջ լինեն։ 

Ինչ վերաբերում է հանցագործությունների աճի սոցիալական բաղադրիչին, ապա այն ակնհայտ է։ Օրինակ, տրանսպորտում գրպանահատության դեպքերի ավելացումն ապացուցում է, որ հանցագործը օրվա հացի խնդիր է լուծում։ Նա չի կարող մեծ «որսի» հույս ունենալ. քչերն են մեծ գումարով երթուղային նստում։ Միայն, եթե մարդ նոր է աշխատավարձ ստացել կամ բանկոմատից կանխիկացրել է. բնականաբար հիմարություն է  հույսը դնել նման բախտավորության ու զոհի անուշադրության վրա։

Աճի այլ պատճառներ կան. անհասկանալի (այդ թվում` ոստիկանության փորձառու աշխատակցին) վերաբերմունքը նույն ջեբկիրներին։ Սամվելն ասում է, որ նրանց բռնում են ու ստորագրությամբ ազատ են արձակում, չորս անգամ բռնում ու չորս անգամ բաց են թողնում։ Ահա ևս կրկնահանցանքները։

Դեռ վերջերս իրավապահ գերատեսչություններում հատուկ բաժին կար, որը զբաղվում էր տրանսպորտում գործած հանցագործություններով, 35 աշխատակից կար։ Այդ պատճառով արդյունք կար, ու մի ժամանակ հանցագործության այդ տեսակը գրեթե մարել էր։

Բանը հասել է այնտեղ, որ օրը ցերեկով վարկային կազմակերպություն է ներխուժում մի «Ֆանտոմաս», որի մասին գրում են բոլոր կայքերը, լկտի հայտարարություններ է անում, թե իրեն անհնար է որսալ։

Սամվելն ասում է, որ երրորդ մարդու միջոցով գիտի այդ «Ֆանտոմասին». տղան բավականին թանկ մեքենա է վարում, իսկ ընտանիքը բավականին ունևոր է, այսինքն նա կարիքից դրդված չի դիմել հանցանքի։

Իսկ գրասենյակի միլիոնը ավտոբուսում թոշակառուի կամ հասարակ աշխատողի գրպանից գողացած երկու հազար դրամ չէ։

Մեծ աղմուկ է արել Հայաստանի համար աննախադեպ վերջերս հայտարարված համաներումը։  Սամվելը համաներումը ճիշտ միջոց է համարում, ավելին, նա վստահ է, որ այն պետք է հնարավորինս հաճախ կիրառվի։

Խնդիրն այն է, որ համաներման արդյունքում ազատ արձակված մարդկանց հետ պետք է նախնական աշխատանք տանել, ադապտացնել նրանց հասարակության մեջ` քրեակատարողական հաստատության պատերից դուրս ապրելուն, հնարավորինս օգնել նրանց հասարակությանը ձուլվել, ընտանիք վերադառնալ։

227
թեգերը:
Հայաստան, ՀՀ Ոստիկանություն
Ըստ թեմայի
Կոռուպցիա՞ն էլ «իներցիայով» կվերադառնա. պարգևավճարներ «Թավշյա հեղափոխություն» ՇՍՊԸ–ում
Որսագողության և Սևանի սիգի խնդիրներն ինքնուրույն կլուծվեն. «հիանալի դեղատոմս» կա
Միֆեր «Սաշիկի» մասին և եվրոպական դատարան. էլ ի՞նչ կարող է քննվել ՄԻԵԴ–ում
Հայ փաստաբանները գիտեն «քաղաքացիական պատժից» փրկվելու ճանապարհը. լիկբեզ է պետք
«Տրյոխգոռնայա մանուֆակտուրայի» ՋԷԿ–ի մշակույթի տան շենքը

Կարապետյանի ընկերությունը կպահպանի «Տրյոխգոռնայա մանուֆակտուրայի» ՋԷԿ–ի պատմական շենքերը

9
(Թարմացված է 16:52 12.08.2020)
Մոսկվայի «Կրասնոպրեսնենսկայա նաբերեժնայայում» գտնվող ՋԷԿ-7–ը կառուցվել է 1920-ականներին՝  մերձակայքում գտնվող «Տրյոխգոռնայա մանուֆակտուրա» հին տեքստիլ ձեռնարկությունը սպասարկելու համար։

ԵՐԵՎԱՆ, 12 օգոստոսի – Sputnik. Մոսկվայում «Տրյոխգոռնայա մանուֆակտուրա» ջերմաէլեկտրակենտրոնի տարածքի շինարարության ժամանակ կպահպանվեն  և կվերակառուցվեն պատմական շենքերը։ Լուրը ՌԻԱ Նովոստիին հայտնել է «Տաշիր» նախագծի ներկայացուցիչ Զառա Աճեմյանը։

2010 թվականին շահագործման հանձնված էլեկտրակայանը ճանաչվել է  մշակութային ժառանգության օբյեկտ։ Այն կառուցվել է մերձակայքում գտնվող «Տրյոխգոռնայա մանուֆակտուրա» հին տեքստիլ ձեռնարկությունը սպասարկելու համար։

Московский хлопчатобумажный комбинат Трехгорная мануфактура имени Ф.Э.Дзержинского
© Sputnik / Борис Приходько
Բամբակի արտադրամաս Մոսկվայի «Տրյոխգոռնայա մանուֆակտուրայի» տարածքում

«Տաշիրը», որը 2014 թվականին ՋԷԿ–ի հետ միասին գնել էր հողատարածքը, մտադիր է այնտեղ կառուցել բազմաֆունկցիոնալ համալիր։

«Մշակութային ժառանգության օբյեկտը քանդելու մասին» որևէ խոսք չկա։ Այդ լուրերը չափազանցված են։ Հակառակը, հայտնի էլեկտրակայանը կպահպանի իր նախնական տեսքը, կվերակառուցվի և կդառնա տեսարժան վայր՝ մայրաքաղաքի բնակիչների և հյուրերի համար։ Նախագիծը համաձայնեցվել է Մոսկվայի մշակութային ժառանգության դեպարտամենտի հետ 2019 թվականի մայիսին», – հայտնել է Աճեմյանը։

Մոսկվայի մշակութային ժառանգության դեպարտամենտում իրենց հերթին պարզաբանել են, որ ՋԷԿ–ի տարածքում բազմաֆունկցիոնալ համալիր կառուցելուց բացի, նախատեսում է  նաև «Տրյոխգոռնայա մանուֆակտուրա էլեկտրակայանի» վերակառուցում և հարմարեցում։ Նոր շինարարությունը նախատեսվում է իրականացնել մշակութային ժառանգության օբյեկտի սահմաններից դուրս։

«Տվյալ շենքի վերաբերյալ հաստատվել է պահպանման առարկա, որը նախատեսում է շենքի` 1925-1928 թվականներին թվագրվող բոլոր տարրերի պահպանում»,– պարզաբանել է գերատեսչությունը։

«Տաշիրի» ներկայացուցիչը հավելել է, որ ընկերությունը հաշվի է առնում հողատարածքի տեղակայման կարևոր պատմական կոնտեքստը և նախագծումը հանձնարարել է Վենետիկի բիենալեի դափնեկիր, ճարտարապետ Իլյա Ուտկինին, որը հայտնի է իր՝ պատմական միջավայրի վերարտադրման և պահպանման հաջողված աշխատանքներով։

Սամվել Կարապետյանի կինը ցույց է տվել՝ ինչպես են նշել թոռան ծննդյան օրը

Սամվել Կարապետյանին պատկանող «Տաշիր» ընկերությունների խումբը հանդիսանում է սեփականատեր և ղեկավարում է շինարարական, արդյունաբերական ոլորտի, վերավաճառքի, ռեստորանային բիզնեսի, էներգետիկայի և ֆինանսական հատվածի ակտիվներ։ Անշարժ գույքի ոլորտում ակտիվների ընդհանուր պորտֆելը, ընկերության տվյալներով, շուրջ 2.5 մլն քմ է։

9
թեգերը:
Մոսկվա, Սամվել Կարապետյան, «Տաշիր» ընկերությունների խումբ
Ըստ թեմայի
Forbes-ը ներկայացրել է Ռուսաստանի 200 ամենահարուստներին. Սամվել Կարապետյանը նրանց մեջ է
Սամվել Կարապետյանի ընտանիքում ևս մեկ աղջիկ է ծնվել
Սամվել Կարապետյանի դուստրը Լոնդոնում է․ ի՞նչ է նա կորցրել մառախլապատ Ալբիոնում․ լուսանկար
Միլիարդատեր Սամվել Կարապետյանի դուստրը պատմել է իր թուլության մասին
Ապօրինի պատշգամբ

Երևանում կինը սպառնացել է պատշգամբից նետել երեխային. տեսանյութ

35
(Թարմացված է 16:33 12.08.2020)
Բնակիչը պատմաճարտարապետական հուշարձան հանդիսացող շենքի 2-րդ հարկում պատշգամբ էր «հարմարեցրել» ու թույլ չէր տալիս, որ այն ապամոնտաժեն։ Դեպքի վայրում նրա հետ աշխատել է ԱԻՆ հոգեբանը։

ԵՐԵՎԱՆ, 12 օգոստոսի- Sputnik. Երևանի Կիևյան փողոցի թիվ 1 շենքի 2-րդ հարկի բնակարաններից մեկի բնակիչը խոչընդոտել է ապօրինի պատշգամբի ապամոնտաժման աշխատանքները և սպառնացել է երեխային նետել պատշգամբից։ ԱԻՆ մամուլի ծառայության հաղորդմամբ՝ Ճգնաժամային կառավարման ազգային կենտրոնն այս ահազանգը ստացել է ժամը 15։35-ին։

«Դեպքի վայր են մեկնել ԱԻՆ ՓԾ Հոգեբանական աջակցության բաժնի հերթապահ հոգեբանը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ․ վերջինս անհրաժեշտությունը վերանալու պատճառով վերադարձել է»,- նշված է ԱԻՆ հաղորդագրության մեջ։

Դեպքի վայրում բնակչի հետ աշխատել է ԱԻՆ հոգեբանը, զրուցել նրա հետ։ Ձեռնարկված միջոցառումների արդյունքում պատշգամբն ապամոնտաժվել է։

Նշենք, որ այսօր Երևանի քաղաքապետի մամուլի խոսնակ Հակոբ Կարապետյանը Facebook-ի իր էջում տեղեկացրել էր, որ Կիևյան փողոցում պատասխանատուներն ապամոնտաժում են ապօրինի ավելացված պատշգամբը։

«Արաբկիրում, Կիևյան 1 հասցեի պատմաճարտարապետական հուշարձան շենքի բնակիչը մեկ գիշերվա մեջ պատշգամբ է «հարմարեցրել»»,- գրել էր Կարապետյանը։

Հրապարակմանը կից նա նաև լուսանկարներ և տեսանյութ էր հրապարակել։ Կադրերում երևում է, թե ինչպես են վերամբարձ կռունկով պատշգամբին մոտենում ոստիկանները, իսկ պատշգամբում կանգնած կինը՝ «դույլով զինված», բղավում է ոստիկանների վրա, արգելում մոտենալ պատշգամբին՝ սպառնալով դույլով ջուր լցնել նրանց վրա։ Կադրերում երևում է, որ կնոջ կողքին նաև փոքրիկ տղա է կանգնած։

Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին

35
թեգերը:
Կին, ՀՀ արտակարգ իրավիճակների նախարարություն (ԱԻՆ), Երևան, Հայաստան
Պուտինն ու Թրամփը

Պուտինին զանգելը փրկեց կործանումից. Թրամփ

0
(Թարմացված է 17:07 12.08.2020)
ԱՄՆ նախագահ Դոնալդ Թրամփը պատմել է` ինչպես է ՌԴ նախագահ Վլադիմիր Պուտինի որոշումը փրկել ԱՄՆ էներգետիկան։

ԵՐԵՎԱՆ, 12 օգոստոսի – Sputnik. ԱՄՆ նախագահ Դոնալդ Թրամփը խոստովանել է, որ իր երկրի էներգետիկան փրկելու համար ստիպված է եղել դիմել ՌԴ նախագահ Վլադիմիր Պուտինին։

«Մենք զանգեցինք Ռուսաստանի նախագահ Պուտինին և Սաուդյան Արաբիային, որոնք նավթի արդյունահանումը կրճատեցին օրական 10 մլն բարելով։ Այդպիսով մենք փրկեցինք էներգետիկան», – «Fox News» հեռուստաալիքին տված հարցազրույցի ժամանակ ասել է ԱՄՆ նախագահը։

Նրա խոսքով` կորոնավիրուսի համավարակի պատճառով ԱՄՆ նավթարդյունահանման ոլորտի վիճակը սկսել էր զգալիորեն վատանալ, իրավիճակը բարդացնում էր նաև Ռուսաստանի ու Սաուդյան Արաբիայի միջև ծավալված պատերազմը։

Թրամփն ընդգծել է, որ այս պահին նավթի գները հասնում են մեկ բարելի դիմաց 41 դոլարի։

«Նա միշտ ծրագիր ունի». Թրամփի նախկին խորհրդականը Պուտինին լավ բանակցող է համարում

Ռուսաստանի և Սաուդյան Արաբիայի նավթային պատերազմը

Մարտի կեսերին ձախողվեց ՕՊԵԿ+ երկրների նավթարդյունահանման գործարքը։ Պատճառը Ռուսաստանի (որն առաջարկում էր պահպանել արտադրության ընթացիկ ծավալները) և Սաուդյան Արաբիայի (որը պահանջում էր նվազեցնել ցուցանիշները) տարաձայնություններն էին։

Գործարքի ձախողման պատճառով նավթային շուկայում գնային պատերազմ սկսվեց, որի պատճառով վառելիքի գները նվազեցին` հասնելով 2002 թվականի մակարդակին։

Շուկայում տիրող կրիտիկական իրավիճակը խոշորագույն նավթարտադրողներին, այդ թվում G20–ի անդամներին ստիպեց նստել բանակցությունների սեղանի շուրջը։ Արդյունքում վառելիքի արդյունահանման վերաբերյալ նոր համաձայնագիր կնքվեց։

Նոր փաստաթղթի համաձայն` ՕՊԵԿ+–ի երկրները ցուցանիշները նվազեցնում են օրական 10 մլն բարելով, իսկ դաշինքում չներառված պետությունները` 5 մլն բարելով։

Պուտինի մամուլի քարտուղարը պատասխանել է Բոլտոնի սկանդալային գրքին վերաբերող հարցին

0
թեգերը:
Դոնալդ Թրամփ, Վլադիմիր Պուտին, Ռուսաստան, ԱՄՆ
Ըստ թեմայի
Ռուսաստանը ոչ ոքի հետ չի ուզում կլինչ անել, այդ թվում՝ Արևմուտքի․ Լավրով
Ռուսաստանը չէ․ ով է ամերիկացիների «գլուխների» իրական որսորդը
«Պատվաստանյութային ազգայնականություն». ինչո՞ւ է Արևմուտքն անհանգիստ շարժումներ անում