Արթուր Դավթյան. ՀՀ գլխավոր դատախազ

Գլխավոր դատախազը խոսել է Մանվել Գրիգորյանի գործի և ցուցարարների հետ շփման մասին

51
Արթուր Դավթյանը ցուցարարներին հորդորել է չձեռնարկել այնպիսի գործողություններ, որոնք կարող են դիտարկվել որպես ճնշում արդարադատության վրա:

ԵՐԵՎԱՆ, 28 հունվարի — Sputnik. Գլխավոր դատախազությունը Մանվել Գրիգորյանի գործով հանդես է գալիս որպես մեղադրող կողմ ու այս պարագայում, բնականաբար, կողմնակալ դիրքորոշման մասին խոսելն ավելորդ է:

Այս մասին Բանակի օրվա առիթով պաշտպանության նախարարության կազմակերպած միջոցառումից առաջ լրագրողների հետ զրույցում ասել է ՀՀ գլխավոր դատախազ Արթուր Դավթյանը՝ պատասխանելով Մանվել Գրիգորյանի պաշտպանի այն հայտարարության մասին հարցին, թե գլխավոր դատախազն անձամբ է հանդիպել Գրիգորյանի կալանավորումը պահանջող ցուցարարների հետ և ասել, որ համամիտ է նրանց տեսակետին:

«Շատ սխալ մեկնաբանություն է դա: Գաղտնիք չէր մեր կողմից բողոք ներկայացնելը, գիտեք՝ մինչև իմ իջնելն էր հրապարակվել: Բնականաբար՝ դատախազությանն իր ունեցած հիմքերով, փաստերով ներկայացրել է բողոք: Այնպես որ՝ որևէ կողմնակալ դիրքորոշում ներկայացնելու մասին խոսք լինել չի կարող»,- նշեց Արթուր Դավթյանը՝ ընդգծելով, որ ցուցարարներին էլ հորդորել է չձեռնարկել այնպիսի գործողություններ, որոնք կարող են դիտարկվել որպես ճնշում արդարադատության վրա:

Նա նշեց նաև, որ բավարար ու ակնհայտ ապացույցների դեպքում Մանվել Գրիգորյանի մեղադրանքը կլրացվի, ինչպես և արվում է շատ քրեական գործերի պարագայում: Իսկ թե ինչ դրվագներ են ներգրավվելու գործում, Արթուր Դավթյանն այս պահին չկարողացավ պատասխանել: Նա մանրամասնել է, որ քննությունը դեռ չի ավարտվել և կան դրվագներ, որոնցով բավարար չափով ապացույցներ կան, իսկ կան նաև դրվագներ, որոնցով դեռ քննությունն ընթանում:

51
թեգերը:
Հայաստան
թեմա:
Մանվել Գրիգորյանի շուրջ ծավալված իրադարձությունները (143)
Ըստ թեմայի
Ցուցարարները չէին թողնում Մանվել Գրիգորյանի փաստաբանին հեռանալ. տեսանյութեր
Մանվել Գրիգորյանի փաստաբանի մեքենան վնասելու դեպքով նյութեր են նախապատրաստվում
Փաստաբանների պալատն ահազանգում է՝ Մանվել Գրիգորյանի փաստաբանի դեպքն անընդունելի է
Մանվել Գրիգորյանի փաստաբանը նստեց ցուցարարների ավտոմեքենան
Մանվել Գրիգորյանի նկատմամբ որոշումը ճնշումների հետևանք է. փաստաբան
Նախկին պատգամավոր Մանվել Գրիգորյանի կրկնակի կալանքն անօրինական է. փաստաբան
Մանվել Գրիգորյանին զրկեցին Արմավիրի պատվավոր քաղաքացու կոչումից