DUDUKIST նախագծի հոբելյանը

Սթրեսը հաղթահարելու դեղամիջոց կամ ինչպես Մոսկվայում նշեցին դուդուկի հոբելյանը

53
(Թարմացված է 23:04 26.01.2019)
DUDUKIST նախագծի հոբելյանը շնորհավորելու էին եկել հայտնի արտիստներ և կոմպոզիտորներ։ Ողջույնի խոսքեր հնչեցին Երևանից, Սանկտ Պետերբուրգից, Իրկուտսկից և Արաբական Միացյալ Էմիրություններից։

Sputnik, Լև Ռիժկով

Մոսկվայում տոնեցին DUDUKIST նախագծի հոբելյանը։ Հինգ տարի առաջ երգչուհի Մարինա Սելիվանովան և IT նախագծերի ղեկավար Սուրեն Բաղդասարյանը միավորեցին ուժերն ու Մոսկվայում Դուդուկի միջազգային փառատոն ստեղծեցին։ Sputnik–ի թղթակիցը ներկա է եղել միջոցառմանը։

Բուխարի, հանգստացնող մթնոլորտ, տիեզերական ծրագրեր

Ձմեռային երկար օրերը հաճելի է անցկացնել բուխարու մոտ, փափուկ բազմոցին, տաք վերմակի մեջ փաթաթված։ Մոսկվայի դուդուկահարներն իրենց տոնը նշեցին հարմարավետության հենց այդպիսի մթնոլորտում` Come In լոֆթում, Նովոսպասկի վանքի մոտ, որի ճերմակ պատերն ու աշտարակներն անհավանական գեղեցիկ են ձմռանը։

  • DUDUKIST նախագծի հոբելյանը
    DUDUKIST նախագծի հոբելյանը
    © Photo : provided by Dudukist
  • DUDUKIST նախագծի հոբելյանը
    DUDUKIST նախագծի հոբելյանը
    © Photo : provided by Dudukist
  • DUDUKIST նախագծի հոբելյանը
    DUDUKIST նախագծի հոբելյանը
    © Photo : provided by Dudukist
1 / 3
© Photo : provided by Dudukist
DUDUKIST նախագծի հոբելյանը

DUDUKIST նախագծի կազմակերպիչներին շնորհավորելու էին եկել տարբեր մարդիկ։ Ժամանել էին նաև Մոսկվայի «Գավիթ» հայկական թատրոնի արտիստները` գեղարվեստական ղեկավար Համլետ Գալեչյանի գլխավորությամբ։

Շնորհավորելու էին եկել նաև Տիեզերքի թանգարանի աշխատակիցները։ Նրանք ողջունել են DUDUKIST–ի` հայկական դուդուկը միջազգային տիեզերակայան ուղարկելու գաղափարը, որը, ըստ նախագծի ղեկավարի, հնարավոր է` շատ շուտով իրականություն դառնա։

Տոնակատարության հյուրերի թվում կոմպոզիտորներ էին, արտիստներ, բարեգործական կազմակերպության ներկայացուցիչներ, ծաղկեփնջերով գեղեցկուհիներ։

Երեկոյի աստղերը

Ելույթ ունեցավ Արամ Ավետիքյանը` «Փառքի րոպե» և «Ձայնը» նախագծերի աստղը։ Թեև Արամը դեռ շատ երիտասարդ է, բայց նրա կատարման ոճը ավելի խորն է դարձել։ Թվում է, թե մեծահասակ և շատ իմաստուն մարդ է նվագում։

Ելույթ ունեցավ նաև Մոսկվայի ամենապահանջված դուդուկահար Գեղամ Օհանյանը։ Նրա համերգի տոմսերը վաճառվում են նշված օրից մոտ մեկ ամիս առաջ։ Իսկ այն երջանիկները, որոնց հաջողել է դահլիճում տեղ զբաղեցնել, Օհանյանի կատարմամբ երաժշտությունը լսում են մթության մեջ։ Ասում են` անմոռանալի է։

Տոնակատարությանը ներկա էր նաև մոսկվացի դուդուկահար Սելենան։ Չգրված օրենքի համաձայն` դուդուկ են նվագում հիմնականում տղամարդիկ։ Իսկ Սելենան երիտասարդ, գեղեցիկ կին է։ Կարճ ասած, բացառություն։ Բայց դուդուկի երկրպագուները Սելենային շատ բուռն ու ջերմ են ծափահարում։ Սելենան Sputnik–ի թղթակցին խոստովանում է, որ երեխայի ծնվելուց հետո կարճ ժամանակով համերգների չի մասնակցում, բայց հիմա երեխային հանձնել է հարազատներին ու եկել է դուդուկ նվագելու։

Բուխարու մոտ տաքացած երախտապարտ հանդիսատեսի առաջ ելույթ ունեցան նաև դուդուկահարներ Հարություն Խաչատրյանը, Արսեն Ներսեսյանը, Արտակ Մաթևոսյանը և «Նարոդնի Մախոր» նախագծի աստղ, երգչուհի Եկատերինա Մորոխոտովան։

Նրանք, ովքեր չէին կարողացել Մոսկվա հասնել, նախագծի կազմակերպիչներին շնորհավորեցին տեսաուղերձով։ Ողջույնի խոսքեր հնչեցին Հայաստանից, Սանկտ Պետերբուրգից, Իրկուտսկից և Արաբական Միացյալ Էմիրություններից։

Ի՞նչ չտեսավ հանդիսատեսը

Հինգ տարվա ընթացքում հինգ փառատոն է կայացել։ Երկու անգամ` է Կրեմլում, իսկ 2017 թվականին` Կրեմլի Մեծ պալատի փոքր դահլիճում։ Վերջին փառատոնն անցկացվեց Մոսկվայի պլանետարիումում։

Բնականաբար, ամեն ինչ չէր, որ հարթ էր։ Իհարկե, առաջանում և հաղթահարվում էին տարատեսակ բարդություններ և թերություններ։

2016 թվականին, օրինակ, դուդուկի փառատոնը տեղի ունեցավ «Մոսկվիչ» մշակութային կենտրոնում։ Այնտեղ պտտվող կլոր բեմ կար։ Եվ փառատոնի համերգի երկրորդ գործողության ժամանակ այն պետք է շրջվեր։ Մտահղացման համաձայն` այդպես պետք է բեմ դուրս գար սիմֆոնիկ նվագախումբը։ Սակայն ընդմիջման ժամանակ պարզվեց, որ մեխանիկան փչացել է, և բեմը չի շարժվում։

«Կրիտիկական իրավիճակ էր։ Չէ՞ որ նվագախմբի ձայնն արդեն կարգավորել էին, իսկ վերակարգավորելը արագ գործ չէ, առնվազն 30-40 րոպե», – հիշում է Սելիվանովան։

Ոչ ոք չգիտեր` ինչ պետք է անել նման իրավիճակում։ Թվում էր թե ամեն ինչ կորած է, բայց օգնության հասան թատերասերները։

«Փառատոնը փրկեց «Գավիթ» թատրոնի գեղարվեստական ղեկավար Համլետ Գալեչյանը։ Նա ծանոթ էր բեմի այդպիսի կոնստրուկցիային։ «Պետք է բեմի տակ մտնել և հրել», – համոզված ասաց նա։ Եվ ես նույնիսկ չգիտեմ, թե ինչ ուժերով և որքան մարդ էր ներգրավվել, բայց բեմի այդ կլոր հատվածը նվագախմբի հետ սահուն շրջվեց։ Ոչ ոք նույնիսկ չկռահեց, որ խնդիր է ծագել», – ասում է Բաղդասարյանը։

Կախարդական հնչյունների գաղտնիքը

DUDUKIST նախագծի տոնը հաջող անցավ։ Այս հոդվածի հեղինակն այնտեղ հասավ երեկոյան, ծանր աշխատանքային օրվանից հետո, հոգնած և բարկացած։ Բայց հենց հնչեց դուդուկի դյութիչ ձայնը, ամբողջ հոգնածությունն անմիջապես հօդս ցնդեց, ձանձրույթն անհետացավ, աշխարհը կրկին հիասքանչ դարձավ։

Եվ դա իր բացատրությունն ունի։ Զուր չէ ՅՈՒՆԵՍԿՕ–ն հայկական դուդուկի հնչողությունը մարդկության ոչ նյութական մշակութային ժառանգություն ճանաչել։

«Մարդու 90%–ը կազմում է ջուրը։ Իսկ դուդուկի ձայնը այդ ջրի վրա ակուստիկ ազդեցություն է թողնում, որի ազդեցության տակ ատոմները վերադասավորվում են, փոխվում է բյուրեղային վանդակների կառուցվածքը», – պատմեց երաժիշտներից մեկը։

Արդյունքում մարդը սկսում է իրեն լավ զգալ և ավելի հեշտ է ամեն ինչ հաղթահարում, օրինակ` սթրեսային իրավիճակները։

53
Միքայել Մինասյան

Նիկոլ Փաշինյանը պատերազմ է հայտարարել Հայ առաքելական եկեղեցուն. Միքայել Մինասյան

1
(Թարմացված է 20:29 12.07.2020)
Միքայել Մինասյանը -յան տեսաուղերձի միջոցով պատասխանել է իր հետևորդների հարցերին: Անդրադարձ է եղել նաև հայաստանյայց եկեղեցու շուրջ ընթացող զարգացումներին:

ԵՐԵՎԱՆ, 12 հուլիսի - Sputnik. ՀՀ պաշտոնաթող նախագահ Սերժ Սարգսյանի փեսա, Վատիկանում Հայաստանի նախկին դեսպան Միքայել Մինասյանը շարունակում է Facebook-ի իր էջում տեսաուղերձների շարքը։ Այս անգամ նա որոշել էր արդեն բացօթյա պատշգամբից պատասխանել օգտատերերի՝ իրեն ուղղված հարցերին։ Տեսանյութի նկարագրությունում նա ասաց, որ վերջին երկու շաբաթում ստացել է բազմաթիվ հարցեր, որոնց հիմքում մարդկանց նեղացվածությունն ու կասկածն է «Ստի վերջը» շարքի դադարեցման կապակցությամբ:

Պատասխանելով օգտատերերից մեկի՝ հայաստանյայց եկեղեցուն վերաբերող հարցին, Մինասյանը նշեց, որ հետևում է կատարվող իրադարձություններին, և դրանք որակեց որպես «պատերազմ»։

«Նիկոլ Փաշինյանը պատերազմ է հայտարարել Հայ առաքելական եկեղեցուն։ Օգտագործելով արդեն ավելի քան տասը տարիների աշխատանքի արդյունքները, որ Հայ առաքելական եկեղեցու եպիսկոպոսները վատն են, կաշառակեր են և այլն, և օգտվելով մարդկանց՝ երևի թե հաճախ օբյեկտիվ զայրույթից, նա քանդում է եկեղեցին և դա անում է անթաքույց»,- հայտարարեց Մինասյանը՝ հավելելով, որ դա Փաշինյանը հետևողական իրականացնում է «իր պատվիրատուների պատվերը»։

Միքայել Մինասյանը բացատրեց` ինչու է «կուխնուց» ելույթ ունենում. տեսանյութ

Մինասյանի պնդմամբ՝ Փաշինյանը պայքարում է եկեղեցու դեմ, որը շատ լավ գիտի՝ հայ հասարակությունը հենման երեք բևեռ ունի՝ լեզուն, պատմությունն ու հիշողությունը, որի հիմքում եկեղեցին է, ընդ որում՝ կապ չունի՝ հավատացյալ ես, թե ոչ։

Նա ցավով արձանագրեց, որ այդ գործում ՀՀ վարչապետին օգնում են հենց եկեղեցականները, որոնք ձևացնում են, թե դա իրենց չի վերաբերում, թող ուրիշները պայքարեն։ Մինասյանի կարծիքով՝ եկեղեցին պետք է արձագանքի, որովհետև սա ազգային ազատագրական պայքար է, որը պետք է ղեկավարի հենց եկեղեցին։

«Իրենք անթաքույց զբաղված են հայերին ատելով։ Իրենք անթաքույց զբաղված են պետությունն ու հասարակությունը քանդելով։ Իրենք ստեղծում են Նոր Հայաստան։ Այո, այդ մի հարցում նրանք ազնիվ են»,- ընդգծեց Մինասյանը՝ նշելով, որ Նոր Հայաստանում ստեղծվում է նոր հայի տեսակ, որը չպետք է ունենա հայրենիք, որովհետև նոր հայի տեսակը ֆեյսբուքահայաստանն է։

Նշենք, որ հետախուզման մեջ գտնվող Միքայել Մինասյանը՝ իր «Ստի վերջը» խորագրով տեսանյութերից մեկում հայտարարել էր, որ Փաշինյանի կինը` Աննա Հակոբյանն ու նրա եղբայրը՝ Հրաչյա Հակոբյանը, ներգրավված են ծխախոտի մաքսանենգության գործում։

1
թեգերը:
Հայ Առաքելական Եկեղեցի, Եկեղեցի, Միքայել Մինասյան
Ըստ թեմայի
Միքայել Մինասյանի տեղեկությունն անիրական է․ ոստիկանությունը ստուգումներ է կատարել
Միքայել Մինասյանը նոր մեղադրանք ներկայացրեց Նիկոլ Փաշինյանին ու Աննա Հակոբյանին
Միքայել Մինասյանի համակարգչի վերականգնված ֆայլերը կուսումնասիրվեն. մեղադրանքը հիմք է
Միքայել Մինասյանի մեղադրանքն ավելացվել է նոր բացահայտումներով. «Սպայկան» և Ռոզա Ստեփանյանը
 Հռոմի պապ Ֆրանցիսկոս 1-ին

«Ես շատ տխուր եմ»․ Հռոմի պապը մեկնաբանել է Սուրբ Սոֆիայի տաճարը մզկիթի վերածելու որոշումը

52
(Թարմացված է 18:54 12.07.2020)
Հռոմի պապ Ֆրանցիսկոսը Վատիկանում ավանդական կիրակնօրյա պատարագի ժամանակ մեկնաբանել է Սուրբ Սոֆիայի տաճարը մզկիթի վերածելու Թուրքիայի կառավարության որոշումը։

ԵՐԵՎԱՆ, 12 հուլիսի – Sputnik. Հռոմի պապ Ֆրանցիսկոսին տխրեցրել է Թուրքիայի իշխանությունների՝ Սուրբ Սոֆիայի տաճարը մզկիթի վերածելու որոշումը։ Այդ մասին հայրապետը հայտարարել է Վատիկանի Սուրբ Պետրոսի հրապարակում քարոզի ժամանակ։

«Ես մտածում եմ Ստամբուլի մասին, Սուրբ Սոֆիայի մասին և շատ տխուր եմ»,-ասել է նա՝ դիմելով հավատացյալներին։

Հուլիսի 10-ին Թուրքիայի Պետական խորհուրդը չեղարկել էր Սուրբ Սոֆիան թանգարան դարձնելու մասին 1934թ-ի որոշումը։ Նույն օրը երկրի նախագահ Ռեջեփ Թայիփ Էրդողանը ստորագրել էր Սուրբ Սոֆիան մզկիթ դարձնելու որոշումը։

2019թ-ի մարտին Թուրքիայի ղեկավարը հայտարարել էր, որ տաճարի կարգավիճակի փոփոխությունը մուսուլմանների անունից պատասխան է Իսրայելում ԱՄՆ գործողություններին։ Այդպիսով Թուրքիան պատասխանում է ամերիկյան պետությանը, որն աջակցում է Իսրայելի ինքնիշխանությանը Հոլանի բարձունքներում։

ՀՀ ԱԳՆ–ին մտահոգում է Սուրբ Սոֆիայի տաճարի կարգավիճակը փոխելու որոշումը

Սուրբ Սոֆիայի տաճարը կառուցվել է Հուստինիանոս կայսեր հրամանով՝ մ․թ․ 6-րդ դարում։ Կոնստանդնուպոլիսը գրավելուց հետո թուրքերն այն մզկիթ էին դարձրել, բայց 1935թ-ին ժամանակակից թուրքական պետության հիմնադիր Քեմալ Աթաթուրքը սրբավայրին թանգարանի կարգավիճակ էր տվել։

Սպառնալիք է քրիստոնեական աշխարհի համար. Կիրիլ Առաջինը դեմ է Թուրքիայի ծրագրերին

52
թեգերը:
մզկիթ, Ռեջեփ Թայիփ Էրդողան, որոշում, Հռոմի պապ, Թուրքիա, Սուրբ Սոֆիայի տաճար
Ըստ թեմայի
Էրդողանը չեղարկել է Սուրբ Սոֆիայի տաճարը թանգարան դարձնելու մասին Աթաթուրքի որոշումը
Թուրքերը զանգվածաբար աղոթում են մզկիթի վերածված Սուրբ Սոֆիայի տաճարի մոտ. տեսանյութ
Սուրբ Սոֆիայի մզկիթ դառնալը կբարդացնի շատերի կյանքը. Կարո Փայլան
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա