Արա Զոհրաբյան. ՀՀ Փաստաբանների պալատի նախագահ

Փաստաբաններին վերահսկելու լրացուցիչ մեխանի՞զմ. օրինագիծը դժգոհություն է առաջացրել

93
(Թարմացված է 00:46 26.01.2019)
Հայաստանի ֆինանսների նախարարությունը նոր հարկային ռեժիմ է նախատեսում փաստաբանների համար։ Վերջինները բողոքում են և կարծում, որ շտկումները կհանգեցնեն իրավաբանական ծառայությունների թանկացման։

ԵՐԵՎԱՆ, 25 հունվարի — Sputnik, Աշոտ Սաֆարյան. Հայաստանում հասունանում է փաստաբանների դժգոհությունը Հարկային օրենսգրքում նախատեսվող շտկումների դեմ։ Փոփոխությունների նախագիծը ենթադրում է խիստ հարկային ռեժիմ փաստաբանների համար։ Նրանք այսուհետ չեն կարող աշխատել որպես միկրոբիզնես (առանց հարկերի) և նույնիսկ շրջանառության հարկով (այսինքն նվազեցված հարկով)։ Ֆինանսների նախարարությունն առաջարկում է նրանց թույլ տալ աշխատել միայն շահութահարկով և ԱԱՀ–ով։

Փաստաբանների պալատի նախագահ Արա Զոհրաբյանի կարծիքով` ցանկացած օրենսդրական շտկման հիմքում պետք է ընկած լինի օբյեկտիվ անհրաժեշտություն։ Փաստաբանների դեպքում հարկային փոփոխությունների անհրաժեշտություն չկա, կարծում է նա։

«Մենք առայժմ հասկանալի բացատրություններ չենք տեսել, թե ինչու փաստաբանները պետք է դուրս գան շրջանառության հարկի ռեժիմից։ Հարկային ռեժիմի փոփոխությունները չեն նպաստի իրավաբանական ծառայությունների մատչելիությանը, դրանք միայն կհանգեցնեն դրանց թանկացմանը։ Փաստաբաններին դիմելու քաղաքացիների հնարավորությունները կսահմանափակվեն։ Դա իր հերթին կհանգեցնի հասարակական պաշտպանի գրասենյակի վրա ծանրաբեռնվածության ավելացմանը` պետությանը դնելով այդ գրասենյակը պահելու համար լրացուցիչ միջոցներ հատկացնելու անհրաժեշտության առաջ», – ասաց Զոհրաբյանը Sputnik Արմենիային տված հարցազրույցում։

Հարկային փոփոխությունները նոր գլխացավանք կդառնան իրավաբանների համար։ Շտկումներ կատարելու դեպքում փաստաբանների ծառայություններին կավելանա ՀՆԱ 20 տոկոսը, իսկ նրանք ստիպված կլինեն վճարել 20 տոկոս շահութահարկ։ Փաստաբանը ստիպված կլինի ծախսել իր թանկարժեք ժամանակը բարդ հաշվապահական առօրյայի վրա, նա ստիպված կլինի հաշվապահներ վարձել։ Զոհրաբյանը մտավախություն ունի, որ այդ փոփոխություններով հարկային մարմինները իրավաբանների վրա հսկողության լրացուցիչ մեխանիզմներ կունենան։ Միաժամանակ, ֆինանսների նախարարությունը նախագիծը մշակելիս չի քննարկել հարցը փաստաբանների հետ։ Ավելին, սկզբնական տարբերակում օրինագիծը չի վերաբերել փաստաբաններին, նրանց ավելի ուշ են «ներառել»։

Փաստաբանների պալատի նախագահը նշում է, որ իրենք պատրաստ են պայքարել մինչև վերջ` շտկումները կանխելու նպատակով։

«Վերջին շրջանում փաստաբաններն անընդհատ պայքարում են իրենց իրավունքների համար։ Իրավական պետությունում դա նոնսենս է։ Մենք չպետք է ամեն անգամ վերականգնենք փաստաբանների ոտնահարված իրավունքները։ Նրանց իրավունքների խախտումները սկսել են համակարգային բնույթ կրել», – կարծում է Զոհրաբյանը։

Այս փուլում Փաստաբանների պալատը մտադիր է գրավոր տեսքով հնչեցնել իր առարկությունները։ Առաջիկայում կգումարվի Փաստաբանների ակումբի նիստ` հետագա գործողությունները քննարկելու նպատակով։

93
թեգերը:
Հայաստան
Ըստ թեմայի
Աղմկահարույց դատական գործեր. իրավաբանը` փաստաբանների վրա ճնշում գործադրելու ռիսկերի մասին
Հետապնդումներից ու ճնշումներից փաստաբանները պաշտպանված կլինեն օրենքով
Մանվել Գրիգորյանի փաստաբանի մեքենան վնասելու դեպքով նյութեր են նախապատրաստվում
Ցուցարարները չէին թողնում Մանվել Գրիգորյանի փաստաբանին հեռանալ. տեսանյութեր