Կկառուցվեն Երևանը շրջանցող նոր ճանապարհներ

663
Մայրաքաղաքի երթևեկությունը թեթեւացնելու նպատակով քաղաքապետարանն Երևանը շրջանցող մի շարք ծրագրեր ու նախագծեր է դիտարկում: Երևանի քաղաքապետ Հայկ Մարությանը ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանի հետ միասին այցելել է քաղաքի մի շարք հատվածներ, որտեղ նախատեսվում է շրջանցիկ ճանապարհներ կառուցել:

Դիտարկվող ճանապարհաշինական ծրագիրը Արարատի մարզը կկապի Կոտայքի մարզին՝ վարորդներին հնարավորություն տալով չմտնել Երևան՝ շրջանցելով Էրեբունի և Նոր Նորք վարչական շրջանները:

Մանրամասները՝ Երեւանի քաղաքապետարանի տեղեկատվության եւ հասարակայնության հետ կապերի վարչության տրամադրած տեսանյութում:

663
թեգերը:
Հայկ Մարության
Բուժաշխատողներ

Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը

80
(Թարմացված է 14:14 28.10.2020)
Առողջապահության նախարարությունը հիշեցնում է, որ արցախյան պատերազմը լրջորեն բարդացրել է բժիշկների և առողջապահության բոլոր համակարգերի աշխատանքը, դրան է գումարվել նաև համավարակը։

ԵՐԵՎԱՆ, 28 հոկտեմբերի – Sputnik. Հայաստանի առողջապահության նախարարությունը հայտարարություն է տարածել` հորդորելով հարգանքով վերաբերվել գերատեսչության աշխատանքին կորոնավիրուսի համավարակի և Արցախում ընթացող պատերազմի պայմաններում:

Հայտարարության պատճառ է դարձել «Ժողովուրդ» օրաթերթի այսօրվա հրապարակումը, որում մասնավորապես գրված է. «Արսեն Թորոսյանը կարծես թե զարմացել է, որ գոյություն ունի կորոնավիրուսի երկրորդ ալիք, և միայն հիմա են որոշել մահճակալներ ավելացնել այն դեպքում, երբ այժմ բժշկական կենտրոնները պետք է օգնեն վիրավոր զինվորներին: Նկատենք, որ բժշկական հաստատություններից շատերը կրկին վերապրոֆիլավորվել էին և դարձել էին սովորական հաստատություններ, այլ ոչ թե սպասարկում էին միայն կորոնավիրուսով հիվանդներին։ Ստացվում է՝ վարակի նահանջի «ոսկե ժամանակը» չօգտագործվեց 2-րդ ալիքին պատրաստվելու համար»:

Առողջապահության նախարարությունը նշում է, որ երբ կորոնավիրուսային հիվանդության դեպքերը սկսեցին նվազել, այլևս կարիք չկար դատարկ մահճակալներով հիվանդանոցներ առանձնացրած պահելու, հատկապես, որ վերջիններս պետք է սպասարկեն նաև ընթացիկ խնդիրներ ունեցող պացիենտներին:

«Բնականաբար, ինչպես աշխարհում, այնպես էլ Հայաստանում, չբացառելով աշնանը հիվանդության աշխուժացման և 2-րդ ալիքով պայմանավորված տարածման հավանականությունը, առողջապահական համակարգը լիովին պատրաստ էր պահի անհրաժեշտությամբ վերապրոֆիլավորելու բժշկական կենտրոնները, ինչը սահուն արվում է դեպքերի աճին համահունչ: Չմոռանանք, որ կորոնավիրուսային հիվանդության թվերի աճին մեծապես նպաստել է պատերազմի անհանգստության ներքո մեր հայրենակիցների «անհնազանդությունը»` համաճարակաբանական կանոններին չհետևելը:

Մի դիտարկում, գուցե՞ «Ժողովուրդ» օրաթերթն ավելի վաղ էր տեղեկացվել հնարավոր պատերազմի մասին և կարո՞ղ էր «ոսկե ժամանակն» օգտագործել մարտահրավերին պատրաստվելուն»,– գրված է նախարարության հայտարարության մեջ:

Գերատեսչությունը հորդորում է մեղադրանքներ հնչեցնելուց առաջ հիշել, որ հիմա համակարգը պայքարում է 3 ուղղությամբ. 1)տեղափոխում և բժշկական օգնություն է տրամադրում վիրավորներին, 2) կորոնավիրուսային հիվանդությունը վերջին մեկ ամսում արհամարհած, կանոններին չհետևած կամ վերջիններիս պատճառով վարակված քաղաքացիներին բուժօգնություն է ցուցաբերում, 3) այլ հիվանդությունների հետևանքով անհետաձգելի և վերակենդանացման միջոցառումներ պահանջող դեպքերի բուժօգնության տրամադրում:

«Հասկանալի է, որ աշխարհի մեղքերը կարելի է բարդել առողջապահական համակարգի` ի դեմս ոլորտի պատասխանատուի վրա, սակայն կոչ ենք անում տարրական հարգանք ունենալ ռազմական դրության ժամանակ զօրուգիշեր, անխոնջ աշխատող հանրության հանդեպ: Արվում է անհնարինը` դիմակայելու վերը նշված այս մարտահրավերներին, իսկ հասարակությունից պահանջվում է ընդամենը հետևել կոչերին և պահպանել հակահամաճարակային կանոնները. բժիշկն այսօր առավել քան պետք է զինվորին»,– եզրափակում է նախարարությունը:

Հիշեցնենք` Հայաստանում կորոնավիրուսով վարակվածների թիվն արդեն հասել է 82651–ի։

80
թեգերը:
Պատերազմ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ինչպես պարզել` անախտանիշ վարակակիր եք, թե ոչ. բժիշկը` կորոնավիրուսի մասին
ՊԵԿ սպասարկման բաժիններից մեկը փակվել է. պատճառը կորոնավիրուսն է
Ռեսուրսներն ավելացվում են, բայց դրանք անսահմանափակ չեն. կորոնավիրուսի թվերը մտահոգիչ են
Բանկ

Բանկերը պատրաստակամ են առավելագույն մեծ ծավալով վարկեր ներել. օրենքն արդեն գործում է

135
(Թարմացված է 13:36 28.10.2020)
Բանկերն ու վարկային կազմակերպություններն իրենց հայեցողությամբ պետք է որոշեն` զոհված, անհետ կորած և հաշմանդամություն ձեռք բերած անձանցից ում վարկը ներել։ Սակայն բանկերը հնարավորինս օգտվելու են կառավարության ընձեռած գործիքից։

ԵՐԵՎԱՆ, 28 հոկտեմբերի — Sputnik. Բանկերն ու վարկային կազմակերպությունները պատրաստակամ են զոհված, անհետ կորած և հաշմանդամություն ձեռք բերած անձանց խմբից առավելագույն մեծ ծավալով վարկեր ներել։ Այսօր հրավիրված ասուլիսի ժամանակ ասաց ֆինանսների նախարարի տեղակալ Արման Պողոսյանը` անդրադառնալով «ՀՀ հարկային օրենսգրքում» հոկտեմբերի 21-ին ԱԺ որոշմամբ կատարված լրացումներին։

Նախատեսվում է, որ բանկերը և վարկային կազմակերպություններն առանց հարկային հետևանքներ կրելու ներեն ռազմական գործողությունների հետևանքով զոհված, անհետ կորած կամ հաշմանդամություն ձեռք բերած ֆիզիկական անձանց վարկային պարտավորությունները։

«Վարկային պարտավորություն ասելով նկատի ունենք ոչ միայն տույժ–տուգանքները, այլ նաև մայր գումարը։ Բանկերն ու վարկային կազմակերպություններն իրենց հայեցողությամբ պետք է որոշեն` ում վարկը ներել։ Սակայն համոզված եմ, որ կառավարության մշակած այս գործիքն առավելագույնս ծառայելու է իր նպատակին և բանկերը հնարավորինս օգտվելու են դրանից»,–ասաց փոխնախարարը։

Նրա խոսքով` օրենքով չի պարտադրվում և չի էլ կարող պարտադրվել բանկերին որևէ մեկի վարկը ներել, քանի որ երկու սուբյեկտների միջև իրավահարաբերություններ են դրանք։

Պողոսյանը հայտնեց նաև, որ բանկեր դիմելու համար հատուկ փաստաթղթերի ցանկ սահմանված չէ, և բանկերն իրենք կարող են պահանջել որոշակի փաստաթղթեր, օրինակ, վստահ լինելու համար, որ տվյալ վարկառուն մասնակցել է ռազմական գործողություններին։ Հարցն այն է, որ կան դեպքեր, երբ մարդը ծանուցվել է զինվորագրման մասին, բայց դեռ չի զինվորագրվել։

Փոխնախարարն ազատվել է աշխատանքային պարտականությունների կատարումից. նա կամավորագրվել է

Պողոսյանը հայտնեց նաև, որ դեռևս հաշվարկված չէ, թե քանի՞սն ունեն վարկային վարկավորություններ, դրանցից ո՞ր մասն են հասցրել փակել։

Հարցին, թե արդյո՞ք հիփոթեքային վարկերին վերաբերում է այս փոփոխությունը` փոխնախարարը պատասխանեց, որ վարկի տեսակի և գումարի չափի վերաբերյալ սահմանափակումներ չկան։ Սակայն, քանի որ հիփոթեքի դեպքում կա գրավի առարկա, հարց է` բանկերը կգնա՞ն ներման, թե ոչ։

Ի դեպ, օրենքն արդեն ուժի մեջ է և կարող է կիրառվել։

135
թեգերը:
Պատերազմ, զինծառայող, կամավոր, Հիփոթեքային վարկ, վարկ, Հայաստան, Բանկ
Ըստ թեմայի
Բանկերն իրենց հայեցողությամբ կորոշեն, թե որ զինծառայողի վարկը ներեն
Ժամանակն է, որ բանկերը պատասխանատվություն վերցնեն. ինչպե՞ս են որոշելու` ում վարկը ներել
Մինչև 2020 թվականի օգոստոսի 31-ն անհուսալի ճանաչված վարկերի տույժ–տուգանքները կներվեն

Ստեփանակերտի հրետակոծված ծննդատունն առանց մեկնաբանության. տեսանյութ

0
(Թարմացված է 17:29 28.10.2020)
Ստեփանակերտի ծննդատան ներսում ամբողջությամբ ապակիներ են ու քանդված պատ–առաստաղի կտորներ։

ԵՐԵՎԱՆ, 28 հոկտեմբերի - Sputnik. Հայկական միասնական տեղեկատվական կենտրոնը տեսանյութ է հրապարակել`ներկայացնելով, թե ինչ վնասներ է կրել Ստեփանակերտի «Մոր և մանկան առողջության պահպանման կենտրոնը»։

Տեսանյութում երևում է, թե ինչպես է ավիրվել ծննդատունը` ապակիները կոտրվել են, առաստաղը կախվել ցած։ Շինության ներսում ամբողջությամբ ապակիներ են ու քանդված պատ–առաստաղի կտորներ։

Նշենք, որ Ստեփանակերտում թշնամին կիրառվել է ռազմական ավիացիա, ինչի հետևանքով մի ամբողջ թաղամաս է վնասվել: Ռմբակոծության հետևանքով վնասվել կամ ամբողջությամբ ավերվել են բնակելի տներ, ավտոմեքենաներ։

Հիշեցնենք, որ ԱՀ նախագահի մամուլի խոսնակ Վահրամ Պողոսյանը հայտնել էր, որ Արցախում ստուգում են մայրաքաղաք Ստեփանակերտի ուղղությամբ թուրքական F-16 կործանիչների կիրառման տեղեկությունների իսկությունը:

WarGonzo տելեգրամյան ալիքն ավելի վաղ հայտնել էր, որ թուրքական F-16 ինքնաթիռները զանգվածաբար ռմբակոծել են Ստեփանակերտի քաղաքացիական ենթակառուցվածքները։

Հղում անելով Ստամբուլում իր աղբյուրներին՝ ալիքը հայտնել էր նաև, որ Արցախի քաղաքներին հարվածները կատարել են թուրքական ռազմաօդային ուժերը՝ անձամբ Էրդողանի հրամանով։ Թիրախներից մեկն էլ եղել է Արցախի մայրաքաղաքի ծննդատունը։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ստեփանակերտի ծննդատունը ադրբեջանական հրետակոծությունից հետո

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
Ըստ թեմայի
Հայաստանի ԶՈւ-ն «Սմերչով» Ադրբեջանի Բարդա քաղաքին չի հարվածել. ՊՆ
Թշնամին թիրախավորել է Ստեփանակերտի ծննդատունը
Կորուստներ են պատճառել թշնամուն ու հետ շպրտել․ նոր հերոսներ ունենք