Ոստիկանությունը կարգավորում է իրավիճակը «Ոչ թալանին» ակցիայի ընթացքում

Հետախուզվող կինը բերման է ենթարկվել օդանավակայանից

112
(Թարմացված է 18:27 24.01.2019)
Եվս երկու հետախուզվողներ հայտնաբերվել են «Շիրակ» օդանավակայանում և Բագրատաշենի անցակետում:

ԵՐԵՎԱՆ, 24 հունվարի — Sputnik. «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ հունվարի 23-ին, ժամը 06.50-ին, Մոսկվա-Երեւան չվերթի ժամանումից հետո «Զվարթնոց» գծային բաժին բերման է ենթարկվել 41-ամյա Ամալյա Ս.-ն:

Այս մասին տեղեկացնում են ՀՀ ոստիկանության հասարակայնության հետ կապերի և լրատվության վարչությունից:

Նա 2016 թ. նոյեմբերի 9-ից ոստիկանության Կենտրոնական բաժնի կողմից հետախուզվում էր քրեական օրենսգրքի 34-178 հոդվածի 1-ին մասով (Խարդախության փորձը) եւ 325 հոդվածի 1-ին մասի (Փաստաթղթեր, դրոշմներ, կնիքներ, ձեւաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը)  մեղադրանքով:

Ոստիկանության Կումայրիի բաժնի «Շիրակ» օդանավակայանի գծային բաժանմունքի ծառայողների կողմից էլ հունվարի 23-ին, ժամը 21.05-ին, Մոսկվա-Գյումրի չվերթի ինքնաթիռի ժամանումից հետո «Շիրակ» օդանավակայանից բերման է ենթարկվել 32-ամյա Աբրահամ Բ.-ն, որը 2017թ. սեպտեմբերի 1-ից ոստիկանության Մալաթիայի բաժնի կողմից հետախուզվում էր քրեական օրենսգրքի 34-177 հոդվածի  1-ին մասի (Գողության փորձը) մեղադրանքով:

Իսկ Բագրատաշենի սահմանապահ վերահսկողության բաժնից հունվարի 24-ին, ժամը 00.30-ին,  ոստիկանության Բագրատաշենի բաժանմունք բերման է ենթարկվել 50-ամյա  Կարապետ  Կ.-ն, որը  հունվարի 18-ից հետախուզվում էր ՌԴ ՆԳՆ Նիժեգորոդսկի մարզի ՆԳՎ Նիժնի Նովգորոդ քաղաքի ՆԳԲ կողմից ՌԴ քրեական  օրենսգրքի  159/5 հոդվածի 2-րդ մասի (Խարդախությունը) հատկանիշներով:

112
թեգերը:
Հայաստան, ՀՀ Ոստիկանություն
Ըստ թեմայի
Ադամի մեղքը. varks.am-ի կողոպուտների շարքն ավարտվե՞ց
Տարաբևեռ կարծիքների կարուսելը. ո՞վ կհսկի ԱԱԾ–ին ու ոստիկանությանը
Մասիսցի փոքրիկ եղբայրների սպանությունը, մահապատժի անգթությունը և ինքնադատաստանի սպառնալիքը