ԵՐԵՎԱՆ, 24 հունվարի — Sputnik. Ռուսաստանյան լրատվամիջոցներով տարածված տեղեկությունը` Ռուսաստանի տարածքում հայկական պետհամարանիշով միկրոավտոբուսի վթարի մասին, իրականությանը չի համապատասխանում։ Այս մասին հայտնում է ՌԴ–ում Հայաստանի դեսպանատունը։
Դիվանագիտական ներկայացուցչության ճշտած տեղեկությունների համաձայն` վթարված «Mercedes» մակնիշի միկրոավտոբուսը հայաստանյան համարանիշով չէ, և վթարի հետևանքով տուժածների մեջ հայազգի քաղաքացիներ չկան։
Հիշեցնենք` այսօր`հունվարի 24-ի վաղ առավոտյան, Մ-4 «Դոն» մայրուղու 699 կմ-ում, ՌԴ Վորոնեժի մարզում, ավտովթար է տեղի ունեցել: Նախապես հայտարարվել էր, որ վթարված միկրոավտոբուսը եղել է ՀՀ պետհամարանիշով։
