Հոնկոնգ

Հայերը Հոնկոնգ, հոնկոնգցիները Հայաստան կայցելեն առանց վիզայի

117
Հայաստանն ու Չինաստանը բանակցում են միմյանց քաղաքացիների համար առանց մուտքի արտոնագրերի այցելությունների ռեժիմ սահմանելու շուրջ։

ԵՐԵՎԱՆ, 24 հունվարի — Sputnik. Չինաստանի Ժողովրդական Հանրապետության Հոնկոնգի հատուկ վարչական շրջանի քաղաքացիներն այսուհետ Հայաստան կգան առանց ՀՀ մուտքի արտոնագրերի։ ՀՀ կառավարությունն այս որոշումը կայացրեց այսօրվա նիստում։

Փոխարենը Հոնկոնգն էլ նույնպիսի ռեժիմ կսահմանի ՀՀ քաղաքացիների համար։

Որոշման համար հիմք է ծառայել վիճակագրությունը, որի համաձայն Չինաստանի այս տարածաշրջանից տարեցտարի ավելանում է զբոսաշրջային և գործնական այցերի թիվը։

Որոշումը, կառավարության համոզմամբ, կնպաստի զբոսաշրջության խրախուսմանն ու խթանմանը, կդյուրացնի ՀՀ քաղաքացիների գործարար և աշխատանքային գործունեությունը Չինաստանում, Հոնկոնգի շրջանում ու հարակից այլ երկրների տարածքում, քանի որ ՉԺՀ Հոնկոնգի շրջանը հանդիսանում է տարածաշրջանի ֆինանսաբանկային կարևոր կենտրոններից մեկը:

Հայաստանի քաղաքացիներն առանց մուտքի արտոնագրի Հոնկոնգի հատուկ վարչական շրջանում կարող են մնալ 30 օր։

Առանց մուտքի արտոնագրի ռեժիմը կգործի 2019-ի մարտի 3-ից:

117
թեգերը:
Հայաստան
Ըստ թեմայի
Վիզաների ազատականացման հարցը քննարկել են Արարատ Միրզոյանն ու ՀՀ–ում Գերմանիայի դեսպանը
Ինչու է Հայաստանի քաղաքացիների համար այդքան կարևոր վիզայի ռեժիմի չեղարկումը
Ե՞րբ կպարզեցվեն ԵՄ-ի հետ վիզաները. Զոհրաբ Մնացականյանի պատասխանը
Ապօրինի պատշգամբ

Երևանում կինը սպառնացել է պատշգամբից նետել երեխային. տեսանյութ

10
(Թարմացված է 16:33 12.08.2020)
Բնակիչը պատմաճարտարապետական հուշարձան հանդիսացող շենքի 2-րդ հարկում պատշգամբ էր «հարմարեցրել» ու թույլ չէր տալիս, որ այն ապամոնտաժեն։ Դեպքի վայրում նրա հետ աշխատել է ԱԻՆ հոգեբանը։

ԵՐԵՎԱՆ, 12 օգոստոսի- Sputnik. Երևանի Կիևյան փողոցի թիվ 1 շենքի 2-րդ հարկի բնակարաններից մեկի բնակիչը խոչընդոտել է ապօրինի պատշգամբի ապամոնտաժման աշխատանքները և սպառնացել է երեխային նետել պատշգամբից։ ԱԻՆ մամուլի ծառայության հաղորդմամբ՝ Ճգնաժամային կառավարման ազգային կենտրոնն այս ահազանգը ստացել է ժամը 15։35-ին։

«Դեպքի վայր են մեկնել ԱԻՆ ՓԾ Հոգեբանական աջակցության բաժնի հերթապահ հոգեբանը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ․ վերջինս անհրաժեշտությունը վերանալու պատճառով վերադարձել է»,- նշված է ԱԻՆ հաղորդագրության մեջ։

Դեպքի վայրում բնակչի հետ աշխատել է ԱԻՆ հոգեբանը, զրուցել նրա հետ։ Ձեռնարկված միջոցառումների արդյունքում պատշգամբն ապամոնտաժվել է։

Նշենք, որ այսօր Երևանի քաղաքապետի մամուլի խոսնակ Հակոբ Կարապետյանը Facebook-ի իր էջում տեղեկացրել էր, որ Կիևյան փողոցում պատասխանատուներն ապամոնտաժում են ապօրինի ավելացված պատշգամբը։

«Արաբկիրում, Կիևյան 1 հասցեի պատմաճարտարապետական հուշարձան շենքի բնակիչը մեկ գիշերվա մեջ պատշգամբ է «հարմարեցրել»»,- գրել էր Կարապետյանը։

Հրապարակմանը կից նա նաև լուսանկարներ և տեսանյութ էր հրապարակել։ Կադրերում երևում է, թե ինչպես են վերամբարձ կռունկով պատշգամբին մոտենում ոստիկանները, իսկ պատշգամբում կանգնած կինը՝ «դույլով զինված», բղավում է ոստիկանների վրա, արգելում մոտենալ պատշգամբին՝ սպառնալով դույլով ջուր լցնել նրանց վրա։ Կադրերում երևում է, որ կնոջ կողքին նաև փոքրիկ տղա է կանգնած։

Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին

10
թեգերը:
Կին, ՀՀ արտակարգ իրավիճակների նախարարություն (ԱԻՆ), Երևան, Հայաստան
Երևան, քայլող մարդիկ

Կորոնավիրուսի հետևանքները մեղմելու ծրագրերով 144 մլրդ դրամ է տրամադրվել

10
(Թարմացված է 16:28 12.08.2020)
ՀՀ պարետ Տիգրան Ավինյանն ԱԺ–ում ներկայացրել է, թե ինչ աջակցություն է հատկացվել կորոնավիրուսի հետևանքով տուժած տնտեսվարողներին ու աշխատողներին։

ԵՐԵՎԱՆ, 12 օգոստոսի - Sputnik. Կորոնավիրուսի սոցիալ–տնտեսական հետևանքները մեղմելու համար ՀՀ կառավարության սահմանած տարբեր աջակցության ծրագրերով քաղաքացիներին ու տնտեսվարողներին ընդհանուր առմամբ հատկացվել է 144 մլրդ դրամ գումար։

«Այս 144 մլրդ դրամից մոտ 92.4 մլրդ դրամը տրվել է բանկային համակարգի կողմից, 26.2 մլրդ դրամը տրամադրվել է որպես սոցիալական աջակցություն տարբեր շահառուներին, տնտեսվարողներին կառավարության կողմից տրվել է մոտավորապես 17.5 մլրդ դրամ` որպես ուղիղ աջակցություն և 19.9 մլրդ դրամ` որպես փոխառություն»,– նշեց Ավինյանը։

Փոխվարչապետը հայտնեց նաև, որ կառավարությունն այժմ քննարկում է հանրային սննդի ոլորտի` համավարակի հետևանքով տուժած տնտեսվարողներին աջակցություն տրամադրելու հարցը։

Կես միլիոն մարդ սոված է մնալու․ Ծառուկյանը ճգնաժամից խուսափելու լուծումներ է առաջարկում

Նշենք, որ ՀՀ կառավարությունը 2020թ–ի մարտի 16-ից ՀՀ–ում հայտարարված արտակարգ դրության ու տնտեսական սահմանափակումների հետևանքով տուժած ոլորտների տնտեսվարողների ու աշխատողների համար առ այսօր ընդհանուր առմամբ 22 աջակցության ծրագիր է իրականացրել։

10
թեգերը:
ԱԺ, Տիգրան Ավինյան, կորոնավիրուս, ծրագիր, կառավարություն, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երևանում և հարակից համայնքներում ապրող 900 անապահով ընտանիքներն աջակցություն կստանան
Աջակցություն ստացողների շրջանակն ընդլայնվեց. վարձու աշխատողներից ովքե՞ր կներառվեն ծրագրում
Հակաճգնաժամային միջոցառումների շրջանակներում 100 մլրդ դրամ աջակցություն է ցուցաբերվել
Հայաստանն աջակցություն է խնդրում աշխարհից