Դեղ

«Էսկոզին» արտադրանքը հակաքաղցկեղային դեղ չէ. նախարարություն

145
Առողջապահության նախարարությունը տեղեկացնում է, որ «Էսկոզին» (Escozine) արտադրանքը կենսաբանական ակտիվ հավելում է:

ԵՐԵՎԱՆ, 24 հունվարի — Sputnik. «Էսկոզին» արտադրանքը, չի հանդիսանում հակաքաղցկեղային դեղ։ Այս մասին ասված է այսօր տարածված Առողջապահության նախարարության հայտարարության մեջ։

Նախարարությունից հիշեցնում են, որ օրեր առաջ sisian.info կայքը տարածել էր տեղեկատվություն «Էսկոզին դեղանյութի առաջին խմբաքանակը գործողության մեջ» վերնագրով: Ըստ տեղեկատվության` «Միքայելյան բարեգործական» հասարակական կազմակերպությունը, որ գործում է Սիսիան քաղաքում, որպես «հակաքաղցկեղային» միջոց «Էսկոզին» կոչվող պրեպարատը բաժանել է Սիսիանի սոցիալապես առավել խոցելի խմբերին:

«Արձագանքելով հրապարակմանը` առողջապահության նախարար Արսեն Թորոսյանի հանձնարարությամբ, հունվարի 23-ին «Էսկոզին» արտադրանքը, որը չի հանդիսանում հակաքաղցկեղային դեղ, Միքայելյան բարեգործական» հասարակական կազմակերպությունից հետ է հավաքվել` կիրառման վերաբերյալ ապատեղեկատվություն տարածելու համար: Խմբաքանակն այժմ պահեստավորված է առողջապահության նախարարության մարդասիրական օգնության հանրապետական կենտրոնում»,–ասված է հայտարարության մեջ:

Առողջապահության նախարարությունից տեղեկացնում են նաև, որ «Էսկոզին» (Escozine) արտադրանքը կենսաբանական ակտիվ հավելում է: Գրանցման մասին տեղեկությունն առկա է Եվրասիական տնտեսական հանձնաժողովի պետական գրանցման մասին վկայականների ընդհանուր ռեեստրում:

145
թեգերը:
ՀՀ Առողջապահության նախարարություն, Արսեն Թորոսյան, Հայաստան
Ըստ թեմայի
«Ցավդ տանեմ». հայ քիմիկոսներն օգնում են ատամնաբույժներին ու վերացնում տաքսիստների ցավերը
Բելառուսի հաջողությունները քաղցկեղի բուժման հարցում. Աղաբեկովն աշխատում է նոր դեղի վրա
Ինչպես են գոյատևում հայ գիտնականները, կամ 2018 թվականի գիտական նվաճումները