ԵՐԵՎԱՆ, 22 հունվարի — Sputnik. Մոսկվայի ՔԿԱԳ–ները (քաղաքացիական կացության ակտերի պետական գրանցման գործակալություն) Սուրբ Վալենտինի օրը ամուսնությունը գրանցելու մոտ 300 դիմում են ընդունել։
«Բոլոր սիրահարների օրը Մոսկվայում 288 նոր ընտանիք կկազմվի։ ՔԿԱԳ–ի մայրաքաղաքային մարմիններում ստեղծված ավանդույթի համաձայն այդ օրը ամուսնությունը գրանցելու ժամանակ հարս ու փեսաներին կմաղթեն երկար տարիներ պահպանել սերը, հավատարմությունն ու ռոմանտիկ զգացմունքները երկրորդ կեսի նկատմամբ», – քաղաքապետարանի մամուլի ծառայությունը մեջբերում է Մոսկվայի ՔԿԱԳ–ի վարչության պետ Ելենա Եֆրեմովայի խոսքերը։
Փետրվարի 14-ին կաթոլիկ և բողոքական աշխարհում տոնում են Սուրբ Վալենտինի կամ Բոլոր սիրահարների օրը։ Սկսած 1990-ականներից, այդ տոնը մեծ տարածում գտավ նաև ԽՍՀՄ նախկին երկրներում։
Բոլոր սիրահարների օրը նախկինի պես` Մոսկվայի երիտասարդության շրջանում ամուսնությունների գրանցման ամենապահանջված օրերի վարկանիշում է։
